القلعة الحمراء رفضت لاعب الزمالك.. أحمد فهمي: شتمت شيكابالا عشان شتم جمهور الأهلي.. فيديو

كشف الفنان أحمد فهمى تفاصيل مثيرة عن الخناقة التى حدثت بينه وبين لاعب نادى الزمالك محمود عبدالرازق "شيكابالا".
وأكد فهمي خلال مداخلة هاتفية مع قناة "إم بى سى مصر"، أن سبب الخناقة رواسب قديمة حيث طالبه شيكابالا، أثناء تواجده في البرتغال بالتوسط له عند إدارة النادى الأهلى لينضم إلى النادى وهو ما فعله فهمى ولكن طلبه قوبل بالرفض، معقبًا:" فيه شهود على القصة دى".
وتابع أحمد فهمى، بعد ماتش السوبر بين الاهلى والزمالك، وما فعله شيكابالا وخطأه في جمهور النادى الأهلى كتبت بوست ألقى اللوم فيه على شيكابالا، معقبًا: "أنا غلطت فى البوست كان مفروض اكلمه فى التليفون عشان بينا عيش وملح".
وأضاف: شيكابالا زعل من البوست وانا مسحته واعتذرت ليه، اللى حصل أن مصطفى سيف العمارى قالى تعالى سلم على شيكابالا بما اننا فى الفرح، ورحت سلمت عليه، لكن لقيته بيقولى انا كنت اقدر اعمل اللى انت بتعمله بس ما رديتش، فرديت عليه قولتله يا شيكابالا انا جاى اسلم عليك".
وتابع: "قعد شيكا يتكلم قلت ليه انت شتمت ناس تخصنى جمهور الاهلى، رد قالى نعم يا اخويا وفضل يشتم فى النادى الاهلى وجمهور الاهلى".
وأكد أحمد فهمى قائلاً: "أنا رديت شتيمه جمهور الاهلى وشتمت شيكابالا نفسه والحمد لله ان كريم اخويا مكنش موجود وإلا الخناقة مكنتش هتخلص".