هجوم في السوشيال ميديا على محمد هنيدي بسبب الكويتيين.. والأخير يرد: فبركة

هاجم أحد رواد السوشيال ميديا الفنان محمد هنيدي بسبب تويتة يهاجم فيها "هنيدي" الكويتيين.
وخرج الفنان محمد هنيدي ونفى علاقته بما كُتب وأن الحساب الناشر للتويتة مزيف.
وكتب عبر حسابه على تويتر ردا على الشخص الذي هاجمه :"التويتة مفبركة ومش محتاج كل يومين أنفي تويتة .. كان ممكن تدخل وتشوف حسابي.
كانت الفنانة راندا البحيري هاجمت منتقدي الفنان محمد هنيدى؛ لعدم حضوره جنازة الفنان الراحل حسن حسنى، من خلال منشور عبر حسابها بموقع التواصل الاجتماعى "فيسبوك".
وقالت راندا البحيرى من خلال منشورها:" ألف سلامة عليك يا حبيب الكل.. بس السؤال: هو احنا ليه بنبرر؟، ليه بنرد على الناس اللي كارهانا وعايزة تكسرنا وتوقعنا؟ ".
وتابعت البحيرى " وبعدين هو مش فيه إجراءات وقرارات أخدتها الدولة بعدم التجمع وقالوا بالذات في الجنازة والأفراح والحاجات دي الناس بتكون لازقة في بعض وهيصلوا وهيقربوا كلهم من بعض".
واختتمت البحيرى منشورها: " يعني يا أستاذ هنيدي يا حبيبي أنت كده كده مش مطالب تماما إنك تروح بل إنه كان هيبقي غلط كبير إن ده يحصل ويحصل تجمهر.. ألف سلامة على قلبك يا نجم النجوم".
ومنذ أيام.. كشف الفنان محمد هنيدى عن سبب عدم حضوره جنازة الفنان الكبير الراحل حسن حسني؛ ردا على سؤال أحد متابعيه.

وغرد محمد هنيدى عبر حسابه بموقع التواصل الاجتماعي "تويتر"، حسن حسنى الله يرحمه زي ابويا التاني، اكيد عمري ما هتأخر على وداع أخير له الا لسبب قوي .عادةً مابحبش أتكلم لما بتعب .. بس قبل رحيل حبيبي حسن حسني بيومين كنت بركب دعامات بالقلب والدكاترة مانعين اي حركة. ربنا يرحمك يا عم حسن.. ما تحكمش على حد وخليك حسن النية ربنا دايما أعلم بظروف عباده".
اقرأ ايضا : بعدسة مصور الهضبة.. دينا الشربيني تشعل السوشيال ميديا بأحدث إطلالة
التويتة مفبركة ومش محتاج كل يومين انفي تويتة .. كان ممكن تدخل وتشوف حسابي https://t.co/pa2BkvoY9t
— Mohamed Henedy (@OfficialHenedy) June 3, 2020