الرئيس السيسي: أنا مسالم جدا.. ولكن مقاتل شرس عندما يفرض عليّ القتال

قالت مواطنة كردية، خلال جلسة الرئيس عبدالفتاح السيسي مع شباب العالم، على هامش منتدى الشباب المقام حاليا بمدينة شرم الشيخ، إنها تعيش في أقلية ولديها تاريخ عميق من الحزن.
وأضافت خلال سؤالها ل الرئيس السيسى،: رأيت كراهية في كثير من العالم، لا أعرف ما هو مستقبلي، أنا من الأكراد، ما هي نصائح سيادتكم للكرد".
وجاء رد الرئيس السيسي على سؤال المواطنة الكردية كالتالى: "بدون شك خلال ال70 و80 سنة اللي فاتت حصل تقسيم للدولة الكردية ورأينا الآن النتيجة في سوريا والعراق وتركيا، لدي مقاربة مختلفة تعتمد على العمل والسلام، هويتي محدش يقدر ياخدها مني، بدليل أنه بعد كل هذه الأعوام تتحدثي عن الحقوق، لو كانت راحت، كانت الإجراءات اللي اتاخدت طمست الحقوق".
وتابع الرئيس: "إحنا مش بنقول نصائح تؤدي لتدمير الناس، ما زالت اللغة الكردية موجودة؟ نعم. رغم كل ما حصل، ما يحدث اقتتال وتقسيم على مدار 60 سنة، تصوري لو كل ما حدث كان للبناء، الجسور ستمد غصبا عن كل الناس، وبالسلام، لما يكون عندي مجموعة عايزة تنفصل عن الدولة، الأمر لا يقبل بغض النظر عن وجاهة الموضوع، عايز أقولكم ادرسوا وشوفوا الوضع، مش عايز أقول تجارب واتقال لدول لما تنفصل شوفوا الوضع هيبقى عامل إزاي".
وأكمل: "أنا إنسان مسالم ومقاتل حين يفرض عليّ القتال، قبل كدا بدفع بالحسنى والطيب والمعروف، يوغوسلافيا كانت دولة واحدة بقوميات مختلفة، ليه منفصلتش، لما تشوفوا تيتو كان بيعمل إيه مع شعبه، الأمر انعكس على شعبه، أنا طيع مع القدر.
اللي حصل في التاريخ كان قدر، خلوا عملكم كله بناء وتنمية لا الهوية هتتاخد ولا هتطمس، تصوري لو كل الاقتتال موجود عشان البناء مثلا، ولو كل الغضب والرفض تحول لطاقة عمل وبناء وتعمير".
واختتم الرئيس السيسي: "الأفكار بتطرح عشان الأمم تاكل بعضها، الإرهاب كفكرة اتعمل عشان نتحول لدول صغيرة تقاتل بعضها، الإرهاب في مصر بيعجز طاقة الحركة في مصر، لكن لن ينجح، مفيش مشروع يقدر ينجح قائم على الخراب".