لبسي مش جريء.. رانيا يوسف: مستغربة من تعليق الناس وتركيزهم معايا.. فيديو

قالت رانيا يوسف، إنها لا تعرف لماذا يركز المشاهدون والمتابعون على ملابسها وفساتينها خلال حضورها المهرجانات، مضيفة: "معرفش اشمعنى أنا بالذات".
وأشارت رانيا يوسف، خلال لقاء خاص ببرنامج "ItsShowtime" المذاع على فضائية "cbc"، إلى أنها تحب المهرجانات وتحرص على حضورها وتحب مشاهد الأفلام من كل دول العالم، وخاصة الأفلام المشاركة فى المهرجانات، مؤكدة أن مشاهدتها للأفلام يساعدها فى عملها.
وتابعت: "بحب أطور من طرق تمثيلى وأطور من نفسي من خلال متابعتى للأفلام، بحب أجدد من نفسي جدًا"، متعجبة من تركيز المتابعين لها "اشمعنى أنا بالذات اللى مركزين معايا فى إطلالاتى مش عارفة".
وقالت رانيا يوسف: "يمكن أنا اتربيت بشكل منفتح شوية ومكنش عندى قيود من ناحية اللبس، وكنت بلبس شورتات وبكينى ومعنديش مشكلة فى موضوع اللبس خالص"، مضيفة "أنا مش بلبس لبس جريء ولكن ده الطبيعى بتاعى".
وأوضحت أنها تحب ارتداء الملابس الجميلة والتى تعبر عن جمالها.