رصد خسوف القمر بالتلسكوب في الإسماعيلية

تنظم أكاديمية البحث العلمي بإقليم قناة السويس، والمعهد القومي للبحوث الفلكية والجيوفيزقية، فاعلية لرصد ظاهرة خسوف القمر الكلي "القمر الدموي" وكوكب المريخ، مساء اليوم الجمعة، في حديقة النصر بمحافظة الإسماعيلية من خلال أجهزة التليسكوب.
وقال محمد الخضري احد المنظمين" إن الفاعلية تتضمن القاء محاضرة تعريفية بالظاهرة لدكتور محمد صديق بمعهد البحوث الفلكية والجيوفيزقية، مع شرح مبسط للاطفال، وكذلك رصد لظاهرة الخسوف من خلال التليسكوب".
واضاف الخضري" ان الفلكيين علي مستوي العالم، يعتبرون اليوم الجمعة هو يوم غير عادي في تاريخ البشرية، وبيحضروله من بداية القرن ال 21 و مستنينه بقالهم كتييير، وهو يوم للناس اللي مهتمة بالسما و اللي بيحصل فيها واللي مش مهتم برضو هيشوف ظواهر جميلة مختلفة و هيتبسط بيها"، مشيرا الى انه من بداية القرن ال 21 العالم مستني أطول خسوف للقمر هيحصل في القرن، الخسوف اللي هيكون فيه القمر لونه دموي علشان كدا سموه القمر الدومي و رغم عظمة الخسوف إلا أن اليوم مبيخلصش علي دا بس، كمان هنشوف كوكب المريخ و هو ماشي علي مبدأ في القرب محبه و بيوصل لأقرب نقطة لكوكب الارض و دا مش هيحصل غير بعد 115 سنة كدا".
ونصح المواطنين بالمحافظات المعنية بظهور ظاهرة الخسوف، بالاهتمام والاستمتاع برصدها من خلال التنسيق مع منظمي مثل تلك الفعاليات، لرصدها من خلال الاجهزة المساعدة لرؤيته عن قرب و بتفاصيله، مؤكدا انها هتغير شكل السماء.