ننشر 30 صورة للطالب المنتحر فى ترعة «مويس» بالشرقية

حصل موقع « صدى البلد» على عدد من الصور الخاصة للطالب محمد ياسر الذي انتحر فى ترعة « مويس بالشرقية».
وكان رواد موقع التواصل الاجتماعي «فيس بوك» تداولوا فيديو لغرق الشاب، أثناء لحظة قيامه بالقفز من أعلى أحد الكبارى فى الترعة، ليلقى مصرعه غارقًا.
وقال شقيق الشاب المنتحر عبر صفحته على "فيس بوك": "عشان مش مستحمل اي تعليقات ساذجة الله يكرمكم، آه هو منتحر ولكن الرسول قال رفع القلم عن ثلاث يعني كل الناس بتتحاسب على تصرفاتها الا تلاته وهم: النائم حتى يستيقظ لو واحد عمل اي جريمة وهو نايم ربنا مبيحاسبوش عليها والصبي حتي يبلغ يعني الطفل مبيتحاسبش حتي سن البلوغ، لو عمل خير بيتكتبله لو عمر شر لا يؤخذ عليه لانه غير مكلف، والبلوغ هنا بييجي بمعني البلوغ العقلي والجنسي معا لأنه لو بلغ جنسيا وكان عقله غير كامل ف هيدخل في الحالة التالتة وهي المجنون حتي يعقل، يعني اي شخص غير عاقل مبيتحاسبش ، وهو لم يكن عاقل بالقدر الكافي وأنا صعبان عليا وانا بقول كدا على محمد ياسر بس دي الحقيقة".
وأوضح: " بقاله 4 سنين بيعاني من وجع في الضهر والرجل كشف عند كل التخصصات اللي ف الدنيا وراحوا للشيوخ كله قال سليم و في آخر حالة جربوا الطب النفسي واللي قال انه عنده اكتئاب حاد من الدرجة الاولى و الاكتئاب دا بيحول الخنقة و التعب لوجع في الضهر والرجل، و لما ضاق به الحال فقد النظر اسبوعين ودكاترة العيون قالوا عينه سليمه بس ماكنش بيشوف بسبب اكتئابه، بعدها المرض تطور ووصل لمرحلة اسمها الشخصية الحادية العلماء ميعرفوش سبب وجود المرض وملوش علاج غير مضادات الاكتئاب و المنومات و المسكنات، 4 سنين عذاب حرفيا، لا يوجد اي سبب للاكتئاب متوفر له كل سبل الراحة، ولكن الدكتور قال دا من عند ربنا ملهوش سبب وميعرفلوش سبب ، راح لأشهر دكاترة الطب النفسي في الزقازيق وبرة وآخر دكتور بيتابع معاه كان الدكتور عمر اللي بييجي على قناة الحياة في برنامج كلام من القلب، وكان ميعاد الاعادة معاه بعد العيد والدكتور عارف حالته كويس وبيحبه جدا وملوش سبب كله من عند ربنا، عايش بقاله 4 سنين في تعب ووجع في جسمه كله بيتضاعف و لكن ربنا اختاره بالطريقة اللي ربنا عايزها احنا مش هنتدخل في إرادة الله".
وأضاف: "تاني بكرر انه لم يكن مسئول عن تصرفاته ولم يكن مكلف بالحساب من رب العزة بسبب انه لم يكن عاقلا بالقدر الكافي لأن صعب ان واحد عاقل ينتحر، ادعوله بنية صافية خالصة، ولوجه الله تعالي ان ربنا يرحمه ويصبر اهله".
وختم قائلا:"ربنا قال "إن الله لا يغفر ان يشرك به ويغفر ما دون ذلك" و قال كمان "يغفر لمن يشاء ويعذب من يشاء".. ربنا هو اللي خلقه وهو اللي يحاسبه.. صحابه المقربين و اخواتنا عارفين انه كان بيعاني ومنهم اللي وداه المصحة بإيده هو قعد 15 يوم في المصحه يتعالج نفسي او اكتر من 15 يوم كمان".