عمال مشروع التغذية بدمياط يطالبون بمستحقاتهم المالية

نظم العشرات من الموظفين بالمشروع الخدمي للتغذية المدرسية بمحافظة دمياط التابع لوزارة الزراعة، وقفة احتجاجية داخل مقر المشروع ، للمطالبة بتثبيتهم وصرف رواتبهم المتأخرة.
وقالت نسرين ع . موظفة متضررة : احنا شغالين من بداية المشروع سنة 98 ، واتعينا كلنا من أول المشروع ما بدأ ، واحنا اللي أسسناه ، وكنا 7 مشاريع للتغذية المدرسية ، وصلوا ل 15 مشروعا في المحافظات ، عددنا يصل 6 آلاف عامل علي مستوي الجمهورية ، منهم 309 عمال وعامله في فرع مشروع دمياط بمنطقة شطا.
واضافت :"في البداية كنا نعمل بشكل موسمي بنظام اليومية ، تحولت بعد ثورة يناير بالمرتب الشهري ، وكنا نحصل علي كافة المكافآت والحوافز ، ولما زمايلنا في محافظة المنوفيه اعترضوا عملوا لينا عقود من أول إبريل 2014 ، وقالولنا القانون بيعطيكو الحق في التثبيت التلقائي بعد 3 سنين من العقود ، ومع ذلك محصلش حاجه ومتجاهلين حقنا في التثبيت ، رغم أنه حقنا طبقا للقانون ، وده حصل مع كل الموظفين علي مستوي الجمهورية".
وتابعت:" في النهاية أبلغونا إن المالية وافقت علي تعيينا علي درجات شخصية ، وده معناه إن مرتبنا مرتبط بالشغل ، يعني فترة أجازة المدارس ، مفيش تغذية مدرسية وبالتالي مفيش مرتب ، المشكلة كمان إنهم وقفوا المرتبات نفسها يعني مصرفناش مرتبات آخر شهرين ، وبيقولولنا أصل التربية والتعليم هي السبب والصندوق فاضي ، بقالنا سنتين مفيش حوافز ولا مكافآت ودلوقتي كمان مفيش مرتب:" .
وطالب العاملون بتدخل رئيس الوزراء وكذلك وزيري الزراعة والتعليم من أجل منحهم حقوقهم في صرف رواتبهم المتأخرة ، وكذلك تثبيتهم علي الموازنه العامة للدولة أسوة بباقي الموظفين بالدولة.
ومن جانبه ، نفي السيد سويلم وكيل وزارة التربية والتعليم بالمحافظة في تصريح خاص له علاقة التربية والتعليم بالأزمة ، مؤكدا علي تبعيتهم لوزارة الزراعة من كافة الجوانب سواء المالية أو الإدارية.