الرئيس السيسي من كاتدرائية ميلاد المسيح: محدش هيقدر يفرق بينا ولا يقسمنا .. فيديو

قال الرئيس عبد الفتاح السيسي خلال زيارته لكاتدرائية ميلاد المسيح بالعاصمة الإدارية الجديدة أثناء صلاة عيد الميلاد المجيد، «أنا عاوز أقول للناس اللى بتتفرج علينا دلوقتي، يا ترى الفرحة اللى احنا شايفنها تساوي كام، ليه احنا مش شايفين الخير والسعادة بينا وبين بعضنا، ليه مش شايفين غير الأذى، أنا مش بتكلم على حد بعينه».
وتابع الرئيس كلمته، :«انتوا أهلنا وانتوا مننا واحنا واحد ومحدش ابدا يقدر يقسمنا ، محدش يقدر يقسمنا ابدا، ودي برضو رساله تانيه، اوعوا في زحمة الأحداث دي وفي زحمة الألم ده، انا مكنتش عاوز اتكلم في أي آلام لأنها بتأذينا كلنا، وانا مش عايز أطول عليكم، وأنا سعيد إننا موجودين هنا وموجودين وانتوا فرحانين كده، وربنا يقدرنا ندخل الفرحة على كل المصريين بدون تمييز، وبشكركم على حفاوة الاستقبال، تحيا مصر بيكوا تحيا مصر بالمصريين»
وأكد الرئيس قائلا:«محدش ابدا هيقدر على مصر طول ما مصر كده إيد واحده، اللى عاوز يأذينا بيفرق بينا، ويخلينا ناكل بعضنا البعض، ده مش هيحصل كل سنه وانتوا طيبين وعام سعيد عليكوا وعلينا وعلى الدنيا كلها».