وزير الطيران: المطارات المصرية جاهزة لاستقبال الرحلات الروسية

قال المهندس شريف فتحي وزير الطيران المدني، إن المطارات المصرية جاهزة لاستقبال الرحلات الروسية ، وذلك عقب توقيع الاتفاق بين الحكومة المصرية والروسية بعودة السياحة الروسية من اول فبراير.
وحول تساؤل نواب لجنة السياحة والطيران بشأن تأمين المطارات قال " انسوا موضوع أمن المطارات، إحنا اللي بنعمل منه أزمة من كثرة كلامنا عنه، الدنيا مكانتش سايبة واللي بيحصل دلوقتي شئ مشرف".
ومن جانبها تساءلت النائبة سحر طلعت مصطفى رئيسة لجنة السياحة والطيران المدني بالبرلمان، عن اجراء خلع الأحذية أكثر من مرة.
ومن جانبه عقب الوزير قائلا: " التأمين على قدر التحديات و كافة الدول بتعمل كده، احنا مصممين علي الالتزام باعلي الإجراءات الأمنية، فيه ناس عاوزه تتعامل زي الدول الأخرى بدون فهم للواقع، السايح هيزعل لو ما لقاش إجراءات أمنية، لكن مش هيزعل لو وقف 20 دقيقة زيادة، ومحدش يقولي إنه مش بيقف وينتظر في مطارات الخارج".
وعلقت النائبة جميلة عثمان، بضرورة وجود كيس يرتديه المسافر عند خلع الحذاء، رد الوزير:" أنا كنت في أمريكا ولندن قريب ومفيش الكلام دا"، فعقبت: " فى السنغال والمغرب موجود"، فوعد الوزير بدراسة الموضوع.