د.كريم عزمى يكتب: كيميا البشر

نسبة طلاق كل 4 دقائق...دى اخر احصائية لنسب الطلاق فى مصر.....تخيلوا!!
فى ماليزيا زمان لما مهاتير محمد تولى رئاسة الوزراء عام 1981 لاحظ ارتفاع نسب الطلاق لدرجة أن 80% من المتزوجين حديثا بينفصلون بعدها بشهور قليلة.......وفسر انهيار ماليزيا لأسباب عديدة ومنها السبب ده....لآن العامل او الموظف رايح شغله وهو غير مستقر فى منزله وحالته النفسية منخفضة تماما ونتيجة لكده مفيش انتاج ولا تطور.......وبعدها عمل قانون يمنع الزواج الا بعد حصول الطرفين على كورس كيف يعامل الرجل زوجته ويفهم خصائصها وطباعاها والعكس............وبعد الكورس ده يتزوجون.....................وفعلا انخفضت حالات الانفصال ل20%......لا والطرفين كمان كانوا بيرجعوا لبعض بعد كده.
علشان نحل المشكلة بقى اللى مجتمعنا الان ....هنبتدى بقى بشوية اسئلة بس لازم تجاوب او تجاوبى عليها بصراحة:
1-هل كل المتزوجين من وجهة نظرك غير سعداء بل بالعكس بيعانوا من كثرة المشاكل؟؟...
2-هل فعلا الست هى اللى عليها نجاح العلاقة الزوجية زى ما معظمنا سمع زمان؟؟؟...
3-هل مباح للرجل خيانة المرأة ...والمفروض عليها أنها تعرف وتسكت عشان تحافظ على بيتها؟؟...
4-هل معظم الرجال فعلا (عينيهم زايغة) زى ما بتقول أمثالنا الشعبية؟؟؟...
5- فى مجتمعنا الان لا يوجد رجال حقا...ولا يوجد شاب يستحق الزواج منك؟؟....
ملحوظة....أول 3 اسئلة موجهة للشباب....واخر سؤالين للبنات....
فى الطبيعى .....هنلاقى إن اغلب اجابات الاسئلة دى للشباب والبنات هتكون (نعم)...طبعا فى نسبة
هتجاوب ب(لا)...بس خلونا نتكلم عن النسبة الكبيرة اللى هتجاوب بنعم....وعلى فكرة أغلبية النسبة
دى هنلاقيهم غير متزوجين بس مقتنعين إن الزواج صعب وإن مفيش بنات يعرفوا يشيلوا مسؤلية وانهم مدلعين حبتين و...و....ألخ...
طيب يا سيدى انت جبت القناعات دى منين طالما انت مدخلتش التجربة أساسا!!!!....هتلاقى يجاوبك
ويقولك من اللى بشوفه وبسمعه من المتزوجين وتجاربهم.....تخيلوا إن واحد يحكم على حياته بالفشل
بسبب السماع فقط....وطبيعى ان الشخص ده لما يتزوج.....رادار عقله هيكون رايح على السلبيات اللى
هو سمع عنها.....ومهما تكون زوجته عملت معاه ايجابيات....لو بس غلطت غلطة بسيطة ...يبتدى يقول
أنا كان عندى حق لما قولت على البنات كذا وكذا.....ويا سلام بقى لو واحد صاحبه سلبى وغير ناجح فى حياته الزوجية ..قاعد معاه.....هتلاقى الاتنين اتفقوا مع بعض جدااا فى الزواج (نظام اجتماعى فاشل)...زى ما كتير بيقولوا......
ببساطة ....كل واحد فينا جواه الحلو والوحش.....وانت بمعاملتك اللى بتحدد الشخص اللى ادامك هيعاملك
ازاى!!!.....يعنى متبقاش شايف زوجتك أنها دايما غلط وبتفضل تأنب فيها وتهينها.. وتستغرب من انها نكدية!!!........وتطلب منها انها تكون سعيدة فى بيتها معاك...... !!!
متبقيش عمالة تقولى لزوجك أنت كل تصرفاتك غلط....وتطلبى منه أنه يسعدك.....الصح اننا نقدر بعض كويس....لآن أى شخص فى الدينا بيبقى محتاج ان شريك حياته هو اللى يرجعله ثقته بنفسه....مهما الناس غلطوا زوجك....اوعى تغلطيه انتى كمان.....بالعكس خليكى جمبه وساعديه....مهما كانت عصبيته وضيقته
هو من جواه ضعيف جدااا....وعاوز ياخد منك الاحساس بالقوة مرة أخرى......من الاخر عاملى زوجك المعاملة اللى تحبى أنه يعاملك بيها....والعكس.