هتافات متظاهري السويس: "دكتور مرسي حق الشهدا قبل الكرسي"

تجمع العشرات بميدان الشهداء بالأربعين بمحافظة السويس عقب صلاة الجمعة للمشاركة فى فعاليات جمعة "مصر مش عزبة".
وهتف المتظاهرون "جمعية الدستور باطل" و"مصر مش إخوان ولا سلفيين مصر لكل المصريين" و"يسقط يسقط الدستور.. رجعت تانى أيام فتحى سرور" و"دكتور مرسى حق الشهدا قبل الكرسى".
ووزع المتظاهرون منشورا تحت عنوان "مصر مش عزبة" جاء فيه: "أخى المواطن حاسس بالتغيير؟ إيه أخبار الكهرباء والمياه؟ إيه أخبار السولار؟ إحنا مش نازلين نخلع الرئيس ولا نطالب بسكوته، إحنا نازلين نطالب بحقوقنا فى العيش والحرية والعدالة الاجتماعية والعدل".
و حدد البيان مطالب المتظاهرين وهى، بحسب نص البيان كالتالي: "ضبط الأسعار عشان نقدر نأكل عيالنا، وتطبيق حد أدنى للأجور، مش معقول بعد الثورة ناس بتقبض ملايين وناس بتقبض ملاليم، بالإضافة إلى حل مشكلة البطالة، وإلغاء قرار الغلق المبكر للمحلات علشان مانقطعش رزق الناس، والقصاص للشهداء عشان دم المصرى مش رخيص، وإعادة تشكيل الجمعية التأسيسية للدستور علشان الدستور بتاع كل المصريين".
وخاطب البيان المصريين محذرا: "لو لسه عايز تسكت تانى يبقى ماترجعش تشتكى تانى".