محمد عادل إمام ينتقد كثرة الإعلانات في «لمعي القط»

نشر الفنان محمد إمام تعليقا يعتذر فيه لجمهوره عن كثرة الإعلانات في مسلسله الجديد "لمعي القط".
وكتب إمام على صفحته بموقع التواصل الاجتماعى فيسبوك قائلا :"أنا عارف إن فيه ناس كتير مضايقة من كمية الإعلانات اللي بتيجي وقت حلقة #لمعي_القط وخصوصًا أنها اكتر من كل البرامج والمسلسلات التانية".
وأضاف: "كنت حابب أوضح إن الإعلانات دي دليل على النجاح الكبير واستقبالكم العظيم للمسلسل الحمدلله والله أنا أكتر واحد نفسي أشوف الحلقة على بعضها، بس في نفس الوقت، مدة فقرة الإعلانات دي بتبقى مبنية على نسبة مشاهدة المسلسل واحنا فقرة الإعلانات بتاعتنا أكتر من وقت الحلقة نفسها بنحو مرتين ومعلش، عندى أنا دى نستحمل شوية وخصوصا إن الحلقات اللى جاية مليانة أحداث ومفاجآت كثيرة أنا متأكد إنكم هتفرحوا للنجاح العظيم للمسلسل لأن ده بسببكم أنتم بعد كرم وفضل ربنا سبحانه وتعالى".
واختتم محمد إمام: "على العموم الحلقة بتتعاد كذا مره في اليوم.. وكلهم فيهم إعلانات كتيرة برضه.. الحمدلله كثيرا لمعي القط محمد إمام أعلى نسبة مشاهدة رمضان 2017 تقرير إبسوس احنا بتوع الشارع والناس الحلوة اللى فيه".