الرئيس ل «الشباب»: مستعد لتنفيذ أي مشروع ناجح.. «أنا نفسي تكبروا».. فيديو

قال الرئيس عبد الفتاح السيسي: "أنا مستعد لأي مقترحات لمشاريع قُدمت ودراستها في أسرع وقت ممكن، ويتم عمل دراسات جدوى تحقق الهدف المطلوب، لأنه ممكن تكون فكرة جيدة لكن لما نيجي ندرسها لا تكون قابلة للنجاح، عاوزين لما نطرح مشروع يكون قابل للنجاح".
وأضاف الرئيس، خلال مؤتمر الشباب بأسوان: "جبنا قائمة بحجم الاستيراد ونوعية الاستيراد قبل عمليات التعويم، وقولنا إيه اللي ممكن ندي فيه حوافز للمستثمرين للإنتاج في مصر، للتسهيل على الناس، ولكن الناس استسهلت التجارة وبدأت تسيب الصناعة.. بقا فرصة دلوقت نقدر نستعيض عن ده".
وتابع: "إحنا اشتغلنا بالتعاون بين وزارة المالية والبنك المركزي والصناعة والتجارة لتحديد المنتجات اللي بنستوردها لإعطاء حوافز لصغار المستثمرين ومتناهية الصغر، وإحنا ماشيين في المسار اللي قال عليه وزير الصناعة وبنحدد مناطق وبنجهز".
واستطرد موجها حديثه للمصنعين: "إحنا اشتغلنا في دي هندي المنشأ ككيان جاهز بالترخيص بتاعه لمجموعة صناعات عليها إقبال كتير من المستثمرين، واللي انتم طرحتوه، وأي فكرة أخرى ممكن نستقبلها على مواقعنا وتكون قابلة للنجاح، ندرسها وأنا مستعد امبارح أعملك ال10 كيانات دول، إنتوا بتتكلموا في 50 ألف دولار يعني 10 ملايين دولار مش غرقة يعني"، موجها حديثه لمحافظ البنك المركزي قائلا: " فين محافظ البنك المركزي مش نقدر ندبرهم ولا إيه.. أنا مستعد أقف جنب الصناع الكبار عشان نقف جنب شبابنا.. أنا نفسي الشباب يكبروا".