مباراة مصر ومالي .. المقاهي "كومبليت".. والكرسي ب10 جنيهات..فيديو

قبل لحظات من بدء مباراة المنتخب المصرى لكرة القدم أمام نظيره المالى فى كأس الأمم الإفريقية المقامة بالجابون تزايد إقبال الجماهير من عشاق الكرة على المقاهى والكافتريات العامة لمشاهدة المباراة فى ظل احتكار بث البطولة على قنوات bein sport المشفرة ومنع القنوات المصرية من بث المباراة، والتى وجدها أصحاب المقاهى فرصة لوضع سعر لمشاهدة المباراة وصل فى بعضها الى 10 جنيهات للكرسى لمشاهدة مباراة المنتخب المصرى أمام نظيره المالى.
رصدت عدسة "صدى البلد"، استعدادات المقاهى للمباراة وبدء توافد عشاق الكرة المصرية عليها وآراءهم فى أسعار المقاهى أثناء مشاهدة مباريات المنخب.
"القهاوى بتستغلنا باسم فرحة المنتخب" بهذه الكلمات بدأ يوسف محمد أحد مشجعى كرة القدم كلامه، مضيفا "بنتحاسب طول السنة على المشروب ب 5 جنيه ويوم الماتش يخلى سعر المشروب 10 جنيه غير حساب الكرسى 10 جنيه كمان".
وأضاف محمد، "مع اللحظات الأولى للمباراة بيزيد الإقبال الناس بتيجى من كل مكان علشان نشجع المنتخب وصاحب القهوة بيفرش كراسى فى قلب الشارع وكله علشان خاطر المنتخب".
ومن جانبه قال محمد ايهاب أحد مشجعى الكرة "أنا نازل من بدرى علشان أحجز كراسى ليا ولصحابى علشان مع بداية الماتش ما بنلاقيش ولا كرسى فاضى فى أى قهوة" مضيفا، "من كتر الإقبال الناس ما بتلاقيش مكان تقعد فيه".
وأضاف ايهاب "مع كل ماتش بنلاقى ليه سعر لواحده مختلف عن أسعار كل يوم حسب أهمية الماتش يعنى ماتش المنتخب سعر الكرسى فيه 10 جنيه غير المشروب".
وقال تامر نبيل أحد مشجعى المنتخب المصرى، "ندفع أى حاجه علشان نسمع مباراة مصر ومالى واحنا اختارنا القهوة دى علشان سعرها معقول ما بتخدشى على الكرسى غير 10 جنيه".