عبير صبري: "عاوزة أتجوز.. ومشكلتي إني مش بلاقي اللي أنا عاوزاه.. وأقبل أن أكون زوجة تانية"

عبير صبري:
* "نفسي أفرح وأقابل حد مناسب ليا"
* "أنا عاطفية جدا ومتطرفة لما بحب"
* "عشت قصة عاطفية إنما مش حب"
قالت الفنانة عبير صبري، إنها تقبل بأن تكون زوجة ثانية، ولكن في العلن، مضيفة: "أنا عاوزه اتجوز بس يبقى شخص كويس.. ولا أرفض أن أكون زوجه تانية، ومشكلتي إني مش بلاقي اللي انا عاوزاه".
وأضافت "صبري"، خلال لقائها ببرنامج "الستات مايعرفوش يكدبوا" المذاع على فضائية "سي بي سي" أمس، الأربعاء، "فيه خطوط في الشغل حمرا ممكن أوافق عليها من الشخص اللي أتجوزه، وأنا حطاها لنفسي دلوقت"، مُشيرة إلى أنها تقبل بأن تكون زوجة ثانية حتى تستطيع أن تخصص وقتًا لحياتها الخاصة وأصدقائها".
وتابعت: "الست بتقبل المشاركة في الزوج لما بيكون الحب مش 100%، والعقل يطغى على القلب"، مُشيرة إلى أنها لا تفضل الزواج أكثرة من مرة".
كما قالت : أنا نفسي أفرح، وأقابل حد مفرح بالنسبالي ومناسب ليا"، مُضيفًا:" أنا في المرحلة دي من العمر ان شاء الله حتى 60% من اللي انا عاوزاه".
وأضافت "صبري"، "من كتر ما حواليكي ناس مش شبهك، وتكتشفي انهم مش بالجمال اللي بيظهروه.. انا مش عارفه مين بالظبط الراجل اللي انا عاوزاه"، مُضيفه: "أي أحد حد بيحاول يتحكم فيا بهرب منه، بقبل اللي يتحكم فيا بس بمزاجي".
وأوضحت أنها لم تعيش قصة حب ثانية، بعد زواجها الأول، قائلة: "عشت قصة عاطفية انما مش حب"، مُضيفة: "طبيعتي أنا عاطفية جدا ومتطرفة جدا لما بحب".
وأضافت "صبري": "الرجاله بيغيروا للأسوأ، ودلوقت في المرحلة دي بقى عقلي حاضر في كل المعادلات".
وتابعت: "أنا مش هدخل تجربة مرهقه تنهكني، لان بييقى فيه علاقات مرهقه، وفيه أشخاص ممكن تحبيهم بالعشرة والتعود"، مُضيفه:"مافيش حاجه اسمها علاقة ابديه، ولكن في التعامل بذكاء لاستمرار العلاقة لفترة أطول".