5 طرق لعمل الفسيخ أكلة المصريين في شم النسيم.. «سي فود» و«سلطة» و«مايونيز وكاتشب» و«شطة وليمون»

* سلطة الفسيخ للشيف حسن "بدون بصل"
* سلطة الفسيخ للشيف غادة التلى
* سلطة "سى فود" مكس للشيف حسن
* فسيخ بالمايونيز والكاتشب للشيف أحمد حداد
* فسيخ بالشطة والليمون للشيف أميرة شنب
يعد الفسيخ الأكلة الرئيسية على موائد المصريين فى احتفالات شم النسيم لذلك نقدم لكم 5 طرق لعمل الفسيخ بوصفات مختلفة لتلبية جميع الأذواق.
الطريقة الأولى:
سلطه الفسيخ للشيف حسن "بدون بصل"
المقادير:
2\1 ك فسيخ شرائح
(المارينية)
150 مل زيت ذرة
25 جم مسطردة
2\1 حزمه كسبره مفرومة
150 جم طماطم فيليه قطع
5 جم كمون
5 جم كسبره بودرة
25 مل خل
25 مل عصير ليمون
2 فلفل حار قطع
طريقة التحضير:
- ضعى الزيت والمسطرده والكسبرة والطماطم والكمون والكسبرة البودرة فى بوله.
- أضيفى الخل وعصير الليمون والفلفل الحار ونقلبهم جيدا.
- ضعى الفسيخ فى طبق التقديم وأضيفي له الخليط السابق ويقدم.
الطريقة الثانية:
سلطة الفسيخ للشيف غادة التلى.
المقادير:
فيلية فسيخ
ملعقة صغيرة زبدة
فلفل حار
ليمون
طماطم
خس
طحينة
زيت
بصل اخضر
طريقة التحضير:
-حمرى الفسيخ فى الزبدة حتى يأخد لون من الناحيتين.
- اخلطى الفلفل والليمون والطماطم والخس والطحينة والزيت والبصل فى بولة عميقة وضيفى شرائح الفسيخ، وتقدم.
الطريقة الثالثة
سلطة سى فود مكس للشيف حسن
المقادير:
20 مل زيت
250 جم رنجه فيليه قطع
250 جم فسيخ فيليه قطع
250 جم بطارخ قطع
2 عدد بصل قطع
3 فلفل الوان قطع
1 عدد طماطم قطع
1 عدد فلفل قطع
1 عدد فلفل حامى
50 جم كسبره
طريقه التحضير:
- ضعى البصل والفلفل والطماطم والكسبرة فى طاسه بها زيت على النار وقلبيهم جيدا.
- أضيفى عليهم الرنجه والبطارخ والفسيخ وقلبيهم مع بعض.
- اسكبى الخليط فى طبق ويقدم .
الطريقة الرابعة:
فسيخ بالمايونيز والكاتشب للشيف أحمد حداد.
المقادير:
فسيخ
2حبة طماطم
2ملعقة كبيرة زيت
2 ملعقة كبيرة مايونيز
2 ملعقة كبيرة كاتشب
ليمونة "حسب الرغبة"
طريقة التحضير:
- قومى بإزالة الجلد والشوك من السمك.
- قطعى الفسيخ إلى مكعبات صغيرة.
- ضعى المايونيز والكاتشب والليمون والزيت والطماطم فى بولة.
- قلبى الخليط جيدا وأضيفى له الرنجة وتقدم.
الطريقة الخامسة:
فسيخ بالشطة والليمون للشيف أميرة شنب.
المقادير:
فسيخ
زيت
كمون
شطة
عصير ليمون
شرائح ليمون
فلفل احمر حار
فلفل اخضر حار
بصل اخضر
طريقة التحضير:
- اخلطى الشطة مع الكمون و عصير ليمون و زيت مع بعض جيدا .
- ضيفى البصل الاخضر الى التتبيلة و قلبى جيدا
- ضعى التتبيلة على الفسيخ و قدميه مع الفلفل الحار و شرائح الليمون.