نوارة نجم: فوز مرسي يذكرنى ب"السيندريلا في صغيرة ع الحب: بتعيطي ليه؟ عشان حاتجوزك"

أكدت الناشطة السياسية نوارة نجم رفضها الدخول في نقاش مجددًا مع جماعة الإخوان المسلمين، وأوضحت أنها رفضت النزول لميدان التحرير للمشاركة في مليونية اليوم المسماة "عودة الشرعية".
وأضافت، عبر تغريدات لها اليوم، الجمعة، على حسابها الشخصى على موقع التواصل الاجتماعى "تويتر" قائلة: "أنا مش عارفة اسامح.. مش قادرة اسامح الإخوان لما مش بس تخلفوا عنا في كل المواجهات دي كمان كانوا بيشتمونا ودلوقت بيبتزوني كمان.. وبعد ما شفت يافطة قد الداهية جنب الخارجية حاطين صورة مرسي وكاتبين "خياران كلاهما مر" وكلام كتير معناه إنهم راضيين بمرسي غصب عنهم وكده أنا لو مكان مرسي ما ارضاهاش على كرامتي.. ما تبس بقى حتفضلوا تعملوا زي سعاد حسني ونور الدمرداش في صغيرة عالحب: بتعيطي ليه؟؟ عشان حاتجوزك".
وأوضحت أن الجماعة مستمرة في نهجها الأسبق في أسلوب استعراض القوة كل جمعة في الميدان للضغط، وقالت: "ده بيحسسنا إن فيه صفقة عشان كده بيضغطوا مش بيثوروا، بينما الجدعان من 6 أبريل وولاد أبو إسماعيل واخدين الموضوع جد".
ووجهت نجم رسالة للإخوان قائلة: "الجماعة أعلنت أنها في الشارع لحين إسقاط حكم العسكر أو تنحي العسكر لو خايفين من كلمة إسقاط، ينزلوا بكامل طاقتهم ويقولوا إنهم مش ماشيين حتى لو مرسي فاز عشان الإعلان المكمل، ولما الناس تشوفهم نازلين بكامل طاقتهم وبهدف التخلص من العسكري مش عقد صفقات معاه الناس حتنضم ليهم".
ووجهت نجم تساؤلات قائلة : "إيه الضمان إن مرسي ينجح وهم يروحوا ويسيبوا أنصار أبو إسماعيل و6 أبريل يتقتلوا زي كل مرة، هما لازم يتواجدوا في الاعتصام ولازم يقولوا حيمشوا امتى عشان الغلابة اللي ضموا عليهم دول هم اللي بياكلوا العلقة بعد خلعانهم".