بالفيديو.. والدة شهيد مدرعة العريش ب"أجا" تطالب "السيسى" بالقصاص لنجلها

التقت كاميرا "صدى البلد والدة الشهيد محمد أحمد شتا 28 عاما داخل منزلها بقرية نوسا البحر التابعة لمركز أجا، والتى قالت:" محمد كان عندى قبل الحادث بيوم، كان بيعمل حاجات غريبة، كل شوية وهو ماشى يرجع تانى ليا ويبوس فى ايدى ويقولى هتوحشينى يا ماما، بهزر معاه وبقوله ايه يا محمد انت هتستشهد ولا ايه قالى يا ريت يا ماما نفسى أموت شهيد ويارب أنولها".
وتابعت والدة الشهيد: "حاولوا يقتلوه قبل كدة وقالوا ليه مش هنسيبك وياما قلت ليه يا محمد أنا جالى السكر والضغط والقلب من خوفى عليك انقل من العريش قالى لا يا ماما دى مصر لا انا لا هما مش هسيبهم، دا كان عريس بقاله سنة ونص كان أحن قلب وأطيب واحد ربنا يرحمك يا محمد يا حبيبى".
وطالبت الرئيس السيسى بالقصاص لابنها ولكل شهيد على أرض مصر الغالية من هؤلاء الذين ليس لهم دين ولا مبدأ داعية لمصر ورئيسها يحفظها الله من كل سوء ويرحم شهيد الواجب والوطن".