هاشتاج "تشتهر مصر ب .." الأكثر تداولا عبر "تويتر".. ونشطاء: "فيها حاجة حلوة"

دشن مستخدمو موقع التواصل الاجتماعي "تويتر" هاشتاج بعنوان"#تشتهر_مصر_ب"، لرصد أهم ما يميز مصر من إيجابيات وسلبيات من خلال تعبير كل مستخدم عن وجهة نظره.
ولاقى الهاشتاج تفاعل كبير بين المستخدمين فأصبح يتربع على المركز الأول في قائمة الأكثر تداولا بمصر وجاءت التغريدات متباينة ما بين الإيجابية والسلبية بالإضافة إلى الساخرة حيث قالت إيفيت يوسف:"#تشتهر_مصر_ب التكاتك... فرح شعبى متنقل".
وغرد محمد إمام: "#تشتهر_مصر_ب الخروج من التصفيات التمهيدية لكأس العالم"، أحمد فراج :"#تشتهر_مصر_ب
الفساد،الازدواجية ،الانحدار،العشوائية،اللامبالاة"، محمد السعيد:"#تشتهر_مصر_ب بان برغم كل حاجة وحشة بس فيها حاجة حلوة "، سمسم 2012:"#تشتهر_مصر_ب النيل العظيم اهرامات اجدادنا الست المصرية الجدعة والضحكة الحلوة والدم الخفيف".
وكتب أحمد حمدي:"#تشتهر_مصر_ب الفساد اللي في كل ركن والكوسة اللي مزروعة في كل مؤسسة والظلم اللي مالي البلد وتخلف التعليم" وأضافت سما 523:"#تشتهر_مصر_ب كل حاجة حلوة .. الناس والجو والبحر والشوارع والقهاوي والمطاعم ..غير كل دول تشتهر بحاجة متتوصفش تتحس بس هي روحها الحلوة".
وقالت نورا الروماني:"#تشتهر_مصر_ب إن المسلمين و المسيحين بيحبو فعلا بعض و ممكن تلاقى بيست فريندس مسلم و مسيحى عادى"، وسخر @jimmyboshabeh قائلا:"#تشتهر_مصر_ب الزمالك قادم من زمان".
كما سخر @Mr_ES00 قائلا:"#تشتهر_مصر_ب الاسواق ..سوق الجمعه،سوق الاحد،سوق التلات، سوق الحمام،سوق الخضار،وسوق ياسطى" وأضافت مروة مرسي:"#تشتهر_مصر_ب حب شعبها للإجازات..بنحب الأجازات زي عنينا..شعب أصيل والله."