الشعب يُكمل ثورته..هتافات 25 يناير 2012: ياللي بتحبس في الثوار قبلك حسنى عملها وغار

* نفسك تحكم مصر يا جيش .. كان على عيني حكم مفيش.. والشعب يريد إعدام المشير
* هتافات من 2011 تتكرر في2012: الشعب يريد إسقاط النظام.. و”كلموه بالعبري مبيفهمش عربي” و”الشعب يريد ..”
* شعارات تتحدى برودة الجو: “مش ح نسلم ولا راجعين...فى التحرير عندنا بطاطين” و”مسقعناش مسقعناش الحريه مش ببلاش”
* هتافات: اضرب نار اضرب حي يا طنطاوي دورك جي.. و”رش الماية والألوان ...بكره نشيلك م الميدان”
كتب رأفت غانم:
بدأ عشرات النشطاء على مواقع التواصل الاجتماعي فيسبوك وتويتر في تداول وتحضير هتافات مظاهرات 25 يناير وأسبوع ” الحداد والغضب ” لاستكمال الثورة.
وركزت الشعارات والهتافات فى مجملها على ضرورة استكمال الثورة، ومطالبة المجلس العسكري بالرحيل، والرد على الاتهامات وحملات التشويه ضد الثوار والمدافعين عن الثورة.
وبرر أحد النشطاء ذلك بقوله على موقع التدوينات القصيرة (تويتر):” مين قال اننا ضعاف ومفيش فى ادينا سلاح ... كل كلمة وكل هتاف كل صرخة وكل آه أحسن من ألف سلاح .... نعم موعدنا 25 يناير”.
وأشار آخر إلى أن هناك هتافات من الوارد أن يكرر المتظاهرون ترديدها، حيث كتب تدوينة: “هتافات ستتكرر من 2011 في 2012 الشعب يريد إسقاط النظام كلموه بالعبري مبيفهمش عربي الشعب يريد اسقاط امن الدولة الشعب يريد”.
ورصدت “البديل” عدة هتافات تسخر من تشويه الثوار مثل: “أنا لانا قابض ولا متموِّل ~ أنا مش لاقي يا مصر أفوِّل” و”أنا لا أجنده ولا كنتاكي حكم العسكر ليه قسّاكي”, و”يا اللي بتسأل ع التمويل المجلس خاين وعميل” و”يا اللي بتسأل ع الخيام ~ جرب وسط الضرب تنام” و” مش بلطجي ولا وش مشاكل ~ بس تراب رجلِك يستاهل”.
كما تداول النشطاء شعارات تؤكد إصرارهم على التظاهر رغم برودة الجو:” مش ح نسلم ولا راجعين...فى التحرير عندنا بطاطين” و”مسقعناش مسقعناش الحريه مش ببلاش”, و” أيوَه بدقن ومش إرهابي ~ ليه العسكر سرقوا شبابي”.
ونشرت ناشطات هتافات تسخر من الانتقادات لمشاركة “أيوَه أنا لابسه عباية كباسين إيش عرفني انكو نِجْسين”, و”احلق شنبك وارسم حاجبَك والنسوان هتجيبلَك حقَّك”, و”أيوَه بنات نازلين نتظاهِر قصَّر يابني وهات م الآخر”, و”ياما ستات عملوا مظاهرات من أيام سعد يا بهوات”.
كما نشر نشطاء هتافات تؤكد على وحدة الميدان مثل : “أنا لا يسار ولا كنت يميني ~ بس العسكر طلَّع عيني” و” لا برادعاوي ولا إخوان ~ مصري وبايت في الميدان”.
وتضمنت الشعارات هتافات منددة بالعسكري مثل:” مش هيفيدك كاب وبيادة ~ إنتو جهنم واحنا شهادة”, و”مش هيفيدَك غاز ورصاص ~ حكم العسكر بح خلاص”, و”ياللي بتحبس في الثوار ~ قبلك حسني عملها وغار” و”يا اللي بتسأل عايزين إيه ~ حقي وحقك عند البيه” و”أيوَه بدقن ومش إرهابي ~ ليه العسكر سرقوا شبابي” و”نفسك تحكم مصر يا جيش ~ كان على عيني حكم مفيش”, و” قول لي يا مجلس مين اختارك ~ يا عصابة معينها مبارك”, و”الانتخابات ع العين والراس ~ بس نحِس ب فَرْق يا ناس” و”يا طنطاوي قول لرويني ~ اللي اداك الكيف يديني” و”ياطنطاوي اقول لك حاجة ~ إحنا كمان عندنا تلاجه” و”اضرب نار اضرب حي.. يا طنطاوي دورك جي”, و”رش الماية و الألوان ...بكره نشيلك م الميدان”, و”اضرب غاز اضرب خرطوش ... قلبنا ميت م يهموش” و”الشعب يريد إعدام المشير”.