فارسكور بدمياط تغرق فى الصرف الصحى..والمواطنون: نختنق من الرائحة

مدينة فارسكور إحدى أكبر مدن المركز ومحافظة دمياط، تشتهر بصناعة الباب والشباك ولها فى تلك الصناعة شهرة كبيرة ويأتيها الزبائن من داخل وخارج المحافظة لذلك نظافة المدينة لها أهمية كبرى لأنها تترك إنطباع لدى الزوار ،ولكن المدينة تعانى من طفح مستمر فى بلاعات المجارى والصرف الصحى فى وسط المدينة وفى أهم شوارعها وأكثرها حيوية حيث مجلس المدينة والمخبز الرئيسى بالمدينة .
يقول على محمد، أحد سكان الشارع "هنموت فى البيوت من رائحة المجارى التى تملأالمكان منذ أيام و لم يتحرك مجلس المدينة لعلاج المشكله رغم شكاوى المواطنين المتعددة والإستغاثات التى تقدمنا بها للمسؤلين ،المجارى طافحة ومياه الصرف تملأ الشارع على الرغم من أهمية وتعيق حركة الناس ،فضلا عن الروائح الكريهه التى تخرج منها ،نتوجة بالنداء للمسؤلين إرحمونا بقى من الرائحة اللى جابت لنا الأمراض وخلتنا مش عارفين نفتح شباك فى البيوت".
تضيف نجلاء سعد، موظفة " حين يكون هذا الحال فى شارع رئيسى موجود فيه مجلس المدينة والمخبز الرئيسى فيها ،يعنى موظفين المجلس ورئيسه لازم يفوتوا منه علشان يروحوا شغلهم فضلا عن إن الشارع حيوى جدا علشان موقعه ،ومع ذلك الموظفين بيروحوا شغلهم عادى جدا ولاحد فيهم حاول يعمل أى حاجه ويجيب عمال المجلس لتسليك البلاعات اللى فيها المشكله، يعنى نعمل إيه ،ملابسنا بتتبهدل وإحنا رايحين شغلنا وأولادنا وهما رايحين مدارسهم، العربيات والموتوسيكلات والتكاتك بتبهدلهم ترتشة مية على ملابسهم ،يعنى هنغسل كل يوم ،الكلام ده ميرضيش حد، لما ده يحصل فى أكبر شوارع المدينة يبقى الحال إزاى مع الشوارع الجانبية ولا الأحياء الأخرى ،وتضيف إحنا بندفع على فواتير المياه خدمات الصرف الصحى يبقى نلاقى خدمات ومش أقل من إن البلاعات تتسلك والشوارع تنضف علشان نعرف نمشى فيها ".