“أنا زيك من حقي أعيد” صفحات على الفيس تطالب بجعل رأس السنة ويومي 7 و8 يناير أجازات رسمية

* تعليق: أنا زيك من حقي أعيد مفروض أني أكون فرحان فالعيد ومبسوط مش خايف ومتوتر من الامتحان .
* أب يتساءل : هل يعقل انى اخلي ولادي يلعبوا في يوم العيد 7 يناير وتاني يوم عندهم امتحانات.. ولو جه عندي ضيف اقول له امشي عندنا امتحانات
كتب – عاطف عبد العزيز :
دشن نشطاء على موقع التواصل الاجتماعي الفيس بوك عدة صفحات باسم أنازيك من حقى أعيد وذلك من أجل جعل يوم رأس السنة أجازة رسمية للإحتفال به ،كذلك يومى السابع والثامن من يناير للإحتفال بعيد القيامة المجيد خاصة مع تزامنها مع امتحانات نصف العام .
ومن أبرز التعليقات التى كتبت على هذه الصفحات : فليسقط التمييز يسقط كل العنصرية بيننا كيف يعيد اخوتنا المسلمون 4 _ 5 ايام وانا الوزير مستخسر عليا يوم ؟
_إلي الاخوة المسيحيين ..كل سنة و انتم طيبين ...و من حقكم تعيدوا فعلا يوم العيد ... ان شاء الله الامتحانات حتبدا يوم 9 يناير ...وسيتم الاستجابة لمطالبكم ...و ربنا يعيد علينا الايام بخير ... و سنة سعيدة .
_يا جماعة الفكرة مش انك تاخد يوم اجازة زيادة ولا اشمعنة غيرى الفكرة انك تحس ان دى بلدك .
_أنا زيك من حقي أعيد مفروض اني اكون فرحان فالعيد ومبسوط مش وخايف ومتوترمن الامتحان .
_هل يعقل انى اخلي ولادي يلعبوا في يوم العيد 7 يناير وتاني يوم عندهم امتحانات ولو جه عندي ضيف اقولله امشي بقي عشان ولادي عايزين يذاكروا ؟ ينفع يا يا حكومه .