تويتات هزيمة عبد المنعم الشحات.. قالت الصناديق للشحات: يحنن.. ومش قلتلكم الديمقراطية كفر

* لعنة الفراعنة تصيب عبد المنعم الشحات.. وإحنا مش عايزين نشمت إحنا عايزين نتشفى
* أول شخص يخلى الاقباط تنتخب الإخوان.. وسيذكر التاريخ أنه أول من وحد الإخوان و المسيحيين و العلمانيين والليبراليين واليساريين
كتب- السيد سالمان:
دشن نشطاء على موقع التواصل الاجتماعي تويتر حملة تعليقات بعد هزيمة الدكتور عبد المنعم الشحات في جولة الإعادة أمام المرشح المستقل حسني دويدار المدعوم من حزب الحرية والعدالة.
البديل رصدت بعضا من تعليقات النشطاء:
- أول شخص يخلى الاقباط تنتخب الإخوان
- عبد المنعم الشحات أول شخص في مصر نجح انه يخلي الأقباط تنتخب الاخوان
-سيذكر التاريخ أن الشحات هو أول من وحد الإخوان و المسيحيين و العلمانيين و الليبراليين واليساريين على قلب رجل واحد لإسقاطه.
- وأول تعليق للشحات بعد الخسارة: مش قلتلكم الديمقراطية كفر
- وقالت الصناديق لشحتوتي طير أنت
- إحنا مش عايزين نشمت في الشحات إحنا عايزين نتشفى
- و قالت الصناديق لعبد المنعم الشحات .. يحنن
- فلنأخذ من كل رجل قبيلة.. شحتوتى تقريبا سقط يا بني أدمين.. زغرطى يا منحرفة
- عبد المنعم الشحات إتهزم يا مينزززز .. أحمدك يا رب!
- انسي ياشحات علشان انت خارج.. مبروك لمصر )) .. من حرم الديمقراطيه و كفرها ...أسقطته !
- لعنة الفراعنة تصيب عبد المنعم الشحات
- خسر الحمد لله.. والله خسارته نصر للإسلام
- اتنين بس مصر كلها اتوحدت عليهم: محمد حسني مبارك.. وعبد المنعم الشحات
- وقالت الصناديق للشحات .. البس عشان خارجين
- الناس كلها فرحانه ان الشحات خسر، اموووت و اعرف بقي مين اللي انتخبوه قبل كده؟
- انا عامل عزومه مخصوص علي شرف سقوط الشحات ,,انا عندي ان البرلمان كله يبقى إسلامي كووم ونجاح الشحات دا لوحده كووم.
- سيذكر التاريخ أن الشحات ثاني أكثر رجل تكتل المسلمين ضده بعد مبارك
- نفسي بس اقول للشحات (ولو كنت فظا غليظ القلب لانفضو من حولك) بس
- بعد خسارة ” الشحات ” .. أنباء عن حفل فرعونى كبير يضم كافة الأصنام فى البهو الفرعونى للإحتفال , والدعوة عاملة لكل الفراعنة
- قدوم خالد علاء...اقتراب فوز مصطفى النجار....خسارة بكتساح لعبد المنعم الشحات....اسعد أيامي في 2011 والله.
-اللهم أعزّ الإسلام بهزيمة عبد المنعم الشحات في الإعادةٌ
-على فكرة أنا سلفي و الشحات ليس الإسلام