” قلبي عندك يا أم جمال” و ” قلبي عندك يا أم عيلاء” و” أم الفلول” جروبات على الفيس بوك لمواساة سوزان مبارك

* تعليقات على الفيس: صوتي يا أم جمال.. الشعب حبس الراجل والعيال.. ومواساة لخديجة: يا فرحة ما تمت خدتها الثورة وراحت
* نداء إلى آل مبارك : هاتوا الفلوس اللى عليكو.. و إلى السيد الرئيس المخلوع ... لسنا أخوة أو أخوات
انتشرت على الفيس بوك عدة جروبات ومجموعات حملت عنواينها معني واحد وهو ” قلبي عندك يا أم جمال” وإن تعددت الصياغات مثل” قلبي وفلوسي عندك يا أم جيمي”, و” قلبي وفلوسي عندك يا أم عيلاء” و”قلبي وفلوسي عندك يا سوزان يا أختي”, و”قلبي عندك يا أم الفلول”.
وشارك ما يزيد عن 15 ألف شخص في الجروبات والصفحات التي بلغ عددها أكثر من 10 جروبات.
وانتشرت على الجروبات والصفحات تعليقات ساخرة من حبس على الرئيس المخلوع حسني مبارك ونجليه علاء وجمال مثل:
-نداء إلى آل مبارك : هاتوا الفلوس اللى عليكو
- صوتي وتى يا أم جمال .... الشعب حبس الراجل والعيال
-أنا عايزة اقول عقبالك يا سوزان يا اختي لما تشرفي مع بقية العيلة.
- شدى ديلك قصدى شدى حيلك
- وادييي اجدع ظغروووطه عشان تشريف البهوااات ..عقبال منوزع الشربااات
- إلى السيد الرئيس المخلوع ... لسنا أخوة أو أخوات
- قلبى عندك يا حببتى شدى حيلك لالالا اجمدى شويه كده امال الرجاله هتعمل ايه بقى
- قلبي عندك يا سوزان يا اختي .... جوزك وعيالك وصاحب السيديهات ...!!!
- دعوة للبلطجية .......”" تحت شعار “”.. غير شعارك ..واسرق مبارك
فيلا بشرم الشيخ رقمها /212 بها كنوز ودهب وياقوت ومرجان وكمان سوزان
- قلبي معاكي ياختي .. و النبي ما تزعلي نفسك , دي الدنيا متستاهلش
-اهم حاجة صحتك انتي بس يا حبيبتي..... بس ياختى عشان اللى فى بطنك
-ملحوظة : احنا مش جايين نشمت في ام عيلاء يا رجالة .. كله الا الشماتة احنا جايين نتشفى بس
- مشهد من فيلم وا دستوراه ”
................أبو مبارك بن الحكم : إنهم يدعون إلى دستور جديد أيردونكم عن دستور آبائكم ؟فماذا أنتم فاعلون ؟
صوصو الشريف بن خزاعة : نسلط عليهم نمل الدولة فيحيلون حياتهم جحيما
أحمد بن عز أبو سخيان : نأتى لهم ببلطجية معهم سنج من عند حزقيل
جيمى بن أبى الملولح : نأخذ من كل رجل أجندة.
-مطلوب رئيس جمهورية لبلد لقطة على ناصيتين بحر ابيض وبحر احمر ...وبها نهر وخمس بحيرات و 3 اهرامات و ميدان يساع 5 مليون ...جميع الكماليات تشطيب 85 مليون شخص وتمتاز بخفة دم شعبها استعمال طيار وابنه
- تم الكشف مؤخرا عن برقية كان اوباما ارسلها في الرابع عشر من كانون الثاني الماضي للملك عبدالله تتضمن عرضا حصريا: استقبل (زين العابدين) واحصل على (مبارك) مجانا
- بيان 3 من الجيش يحمل تهديدا للمتظاهرين: إذا لم تتركوا ميدان التحرير الان، سنعيد لكم الرئيس مبارك مرة اخري”. لا خلاص بنرحل
- مبارك العنيد مستمر فى السلطة..
كما قام أحد النشطاء بنشر جروب ” قلبي عندك يا خديجة يا أختي” تضمن بعد التعليقات الساخرة من زوجة جمال مبارك:
- يا فرحة ما تمت خدتها الثورة وراحت
- ياحرام .....المسكينه ما لحقتش تفرح بلقبه السيده الأولى