مسيرة لقبر شهيد بالمنصورة فى الذكرى الثانية لاستشهاده.. ووالده: مش هنسيب حقنا يا مرسى

نظم عدد من شباب القوى الثورية والمستقلين بالدقهلية وأسرة الشهيد محمد جمال سليم، مسيرة من منزل الشهيد إلى مقبرته بمقابر العيسوى بالمنصورة، وذلك لإحياء الذكرى الثانية لاستشهاده.
ورددوا هتافات، منها " يا محمد يا جمال ياسليم أخواتك رجعوا الميادين، يا شهيد نام واتهنى واستنانا على باب الجنة، مش ناسيين مش ناسيين دمك يا محمد يا سليم، الدم المصرى مش رخيص شدى حيلك يا سويس، شدى حيلك يا دمياط واخلعى ابن العياط، القصاص قتلوا ابنى بالرصاص ".
ورفعوا صورة للشهيد ولافتات مدون عليها " ذكرى استشهاد محمد جمال سليم .. مات شاب 28 سنة والقاتل براءة"، " قتلوا الشهدا وأخدوا براءة شفت بجاحة شفت جراءة".
وقالت والدة الشهيد للبديل: سنتين عن استشهاد جمال ولم نر قصاصا، لم نر عدالة ولسة فيه شهداء ومصابين، أين القصاص، الثورة مستمرة يا مرسى، فين وعودك، محافظ الدقهلية كرم أهالى الشهداء وأعطاهم شنط شوك وسكاكين، شوك وسكاكين عن دم ولادنا يا مرسى، بنطالب بالقصاص، وحسبى الله ونعم الوكيل ".
وأضاف والد الشهيد بصوت مرتجف باكيا " بقول لمرسى فوق يا مرسى وفوق يا بديع، فوقوا مش هنسيب حق ولادنا، مش هنسكت يا مرسى على دماء الشباب التى مازالت تسيل، مش هنسيب حقنا يا مرسى فوق ".
Comment *