بالفيديو.. الحسيني ل "العمدة" و"الوحش": "الإعلام ابن الكلب اللي بتقولوا عليه هو اللي استضافكم"

علق الإعلامي يوسف الحسيني مقدم برنامج "صباح أون" بقناة "أون تى فى" على قيام محمد العمدة عضو مجلس الشعب السابق والمحامي نبيه الوحش بالسباب للقنوات وتيارات المعارضة خلال استضافتهم على قناة "الحافظ" قائلاً للعمدة: "علاقتك بالحزب الوطني يجب ألا تجعلك متحمسًا لهذه الدرجة".
ووجه الحسينى رسالة إلى العمدة قائلاً: "الإعلام ابن الكلب اللى بتقول عليه هو اللى استضافك.. وحضرتك وقفت جنبي وأنا أحد أبناء الإعلام ابن الكلب أنت وزوجتك الفاضلة وعيالك علشان تتصوروا معايا.. لما إحنا إعلامنا ابن ستين كلب بتتصوروا معانا ليه؟! ولماذا اللهاث وسيلان اللعاب عندما تطلب إحدى قنوات هذا الإعلام للظهور فيها؟! عيب يا عم محمد أنت راجل صعيدي وما ينفعش تنطق العيبة".
كما قال لنبيه الوحش: "الجلابية البيضة وعليها العباية مش دى اللى هتخلينا نقول عليك إنك شيخ وتقي.. الإعلام اللى بتشمه وبتقول هياخد بالمركوب أنت قبضت منه 500 جنيه تمن حلقة صورتها معي فى 2008 تالت ومتلت".
وانتقد الحسيني خلال برنامجه، اليوم الأربعاء، طريقة تعامل الدكتور عاطف عبد الرشيد مقدم البرنامج الذى استضاف العمدة والوحش، مؤكدًا أنه كان من الواجب أن يتم قطع الهواء فورًا عند صدور مثل هذه الألفاظ من ضيفيه.
أخبار مصر - فضائيات - البديل
Comment *