محتاجين

ودمه حاضن دمها
كان حلمها
يمسح دموع متكحله
على خدمفتوح على الملا
وناس عيون
ف النور بتسقط
والظلام دايس
على الوقت اللى باقى فى عمرها
ياحسنها
والورد على خدينها
فاتح لى شوارع
وقتها
كنت المتيم بالفراغ
من بيت ف حارة
ضيقه
لشارع بيعرق ناس
على جبين الميدان
حبات ندا متفرقه
على الورد بين لا ونعم
والناس امم
تقع تقوم تقوم تقع
وانا والبعيد
نرقص على صمت
الوجع
ياحزنها
والناس حناجر تتنبج
على صمت داخل يندبح
تحت رجلين قلب خان
ياكلام يادايس على الامان
شيل جزمتك
وانطقنى انسان
انطقك انسان
انا صرخه بتزلزل كيان
انا حلم بيرج الميدان
افتح عنيه وجزمتك
نازله على الحلم الى كان
ياضحكها
والنار بتاكل فى الغضب
هب الهوى طير رمادها والخطب
ماتطفى نار
انا تحت منك ناس بتصرخ
القرار القرار
عندها وقف الجموع
نجوع
وتحت كراسيها دهب
قفصان مدهونه عسل
مفتوحه على مقفوله
وليحيا الحرس
اسد وحواليه الديابه
بيرقصوا
والدم هايج فوق نيابه
لا الاسد ادى الاشارة بالخراب
ولا الديابه
نزل الضباب
الشجرة بالمقلوب ماتطرح
وجدرها لفر اغ
الحق احق ترجع جدورها للارضها
وتدوب على جبين الشباب
لسه الكتاب مفتوح
وبعدين
ماحد عارف فيها حاجه
شعر...عماد الصاوى...البحيرة