سخرية على تويتر من ترشح مرسى بديلا للشاطر: انتخبوا انتيم مهندس النهضة

* الشاطر مهندس النهضة ومرسى دكتور دار السلام.. ونشطاء: الشاطر سلمه شارة الكابتن
* هما فعلا قالوا على محمد مرسي “لقمان هذا العصر” هو كل مكتب الإرشاد أنبيا مفيش صحابة
* شعارات الإخوان: الحب في زمن النهضة .. ونحمل أي حاجه في رغيف لمصر


كتب أحمد سمير:
تصاعدت حدة السخرية على موقع التواصل الاجتماعي تويتر من ترشح محمد مرسى كاحتياطي لخيرت الشاطر في انتخابات الرئاسة، واعتبر نشطاء إن ترشح مرسي دليل على إصرار الإخوان على الانفراد بجميع السلطات داخل الوطن لمرشح من داخل التنظيم بغض النظر عن إمكانياته و قدرته على إدارة الدولة.
هذا وقد سلم المهندس خيرت الشاطر شارة “رائد الفصل” إلى محمد مرسي، في احتفالية إخوانية كبيرة.
هما فعلا قالوا على محمد مرسي “لقمان هذا العصر” هو كل مكتب الإرشاد أنبيا مفيش صحابة؟
خيرت الشاطر بوستراته كانت بتقول: “مهندس النهضة” .. محمد مرسي بوستراته هتقول: “دكتور دار السلام”
في المناظرات لما يستضيفوا محمد مرسي ويسألوه عن برنامجه وخططه هيشاور على الشاطر ويقول لهم اسألوه .. أنا جاي معاه
عندما يدعو الإخوان لانتخاب مرشح، أعظم انجازاته انه صاحب أفضل أداء برلماني عام 2005 .. هبل في الجبل
مرسي مرسي حتى النصر ... الاستبن هيحكم مصر
الحب في زمن النهضة ‫.. مرسيون‏
مش مهم خيرت ولا مرسى .. المهم إننا نستولي ع الكرسي
محمد مرسي جِدّو
مرسيون علي ما تفرج
مرسيون‏ .. احتياطيون
‏ إيه شعورك وأنت رايح تنتخب رئيس مصر الثورة بمبدأ بلاها ناديه خدو سوسو !
انتخبوا انتيم مهندس النهضة
الإخوان لو رشحوا هيفاء وهبي سيقول عليها شباب الإخوان رابعة العدوية هذا العصر
‎‫ نحمل أي حاجه في رغيف يا مصر
الإخوان لو رشحوا اللمبي شباب الإخوان هيقولوا عليه سيدنا سليمان هذا الزمان
هم شباب الإخوان لما بيتجوزوا .. هم اللي بيختاروا العروسة ولا مكتب الإرشاد ؟؟
شباب الإخوان شغالين بلوجو النهضة لحد القيادة ترسى الشاطر ولا مرسى