تداول رواد مواقع التواصل الإجتماعي فيديو لشابة مصرية تتحدث عبر الحجر الصحي بعد إصابتها بفيروس كورونا تروي من خلالها رحلتها مع المرض الوبائي. وتروي الشابة عبر الفيديو قائلة "أنا أول مرة أعمل فيديو بس حسيت إني لازم أتكلم مع الناس، أنا في المستشفى الحجر الصحي الحمدلله، أنا يمكن جتلي أعرض خفيفة مش أعراض قوية ولكن نتيجة تحليل فيروس كورونا طلعت إيجابية، ولسه الفيروس موجود ومرحش منى". حيث أضافت عبر الفيديو "يا جماعة خدوا الموضوع بجد الموضوع مش هزار خالص خلوا بالكم من نفسكم ومن اهلكم، بلاش زيارات بلاش نقابل أصحابنا لاني عملت كده وكانت غلطة كبيرة جدًا منى اني كنت بخرج وبتفسح وسافر مكنش صح خالص، الموضوع مش بالاستهتار زي ما الناس شيفة ومش بعيد عننا وكنت متخيلة انه مش هيجيلي وهو بعيد عنى وطلع مش بعيد وممكن أي حد يتصاب بيه". وأكملت الشابة عبر الفيديو قائلة "أرجوكم خذوا الموضوع مش بستهتر خالص ومتزروش حد خالص يا جماعة عشان ممكن تزور حد كبير في السن وانت صغير في السن بس تاذيه هو ممكن يكون أمك او ابوك او طفلك الصغير وانت بتروح وتيجي وتقابل ناس وانت تاخد المرض وتنقله لحد يأثر فيه، احنا سننا صغير الحمدلله ومناعتنا بتحارب الفيروس بس ممكن ناس تانية لأ ممكن الفيروس يؤثر عليهم ويجرلها حاجة".
