السيسي للمواطنين: «لو جبتلكم اللى اتعمل فى العشرين شهر هتستغربوا»

قال الرئيس عبد الفتاح السيسى، موجها حديثه للمواطنين :"أرجو منكم أنكم متعطلوش الفرصة وتصبروا، إحنا بنتكلم دلوقتى تقريبا فى عشرين شهر، مش عشرين سنة، لو جبتلكم اللى اتعمل فى العشرين شهر دول هتستغربوا من حجم المجهود اللى اتعمل فى سيناء، ووفى موضوعات خلال سنة ونص هتشوفوها بتخلص بشكل كويس".
وأضاف السيسي خلال مداخلة هاتفية مع الإعلامى عمرو أديب، خلال برنامج "القاهرة اليوم"، على فضائية "اليوم"، "أقول للمواطنين أنتم أهلى وناسى، واعلموا أننا ببذل أقصى جهد ممكن، أنا والحكومة، عشان نغير الواقع المؤلم اللى تراكم عبر سنين طويلة".
وتابع السيسي: "أحب أطمنكم .. خلوا بالكم .. إحنا بنتعامل مش بس معاكم، لا مع ربنا اللى هنقابله يوم القيامة وأقوله إنى جريت وحاولت أبنى ليهم وحاولت أعمر وعلى قد ما قدرت عملت".
وأوضح السيسى، "الإجراءات الأمنية خلال العمل فى مشروع قناة السويس، لا يمكنكم أن تتصوروها حتى لا يقوم أحد بالهجوم على الكراكات الأجنبية".