أحلام يا ريتها حقايق

لو كل الناس تحب بعضيها.. وتخاف علي بعض
كنا شوفنا جمال السما.. يا ناس ع الأرض
مكانش هيبقي فيه ديابة تنهش العرض
ولا مسيحي ينسي كنيسته.. أو مسلم ينسي الفرض
لو الشقيان يجني تعبه.. ما كانتش زادت الهموم
لو مكانش فيه ظالم.. مكانش يبقي فيه مظلوم
لو الناس تستر بعضيها.. ماكناش احتجنا للهدوم
ومحبة ربنا أكيد هتستر.. وستره علينا أكيد هيدوم
لو محدش مد ايديه.. علي حاجة تخص التاني
ماكانش هيكون الطمع.. ولا حتي كلمة حرامي
وكان الكل يحب يدي.. وما كانش يبقي فيه أناني
والدنيا كانت تبقي جميلة.. وجنة ادم ترجع تاني
لو مكانش الغش.. ماكانش هيبقي فيه تضليل
الناس كانت هتعيش سواسية.. والقانون يبقي دليل
وقانون واحد يمشي علينا.. نتحدي بيه ظلام الليل
بس ربك داري بالبشرية.. يرحمنا من العذاب والويل