كلمتان مؤثرتان لنجلي الشهيدين

الطفل محمود: أنا ابن البطل الصغيرة ملك: مصر أم الدنيا وهتبقي قد الدنيا

ألقي محمود نجل الشهيد العقيد محمد البرعي كلمة رائعة ارتجالية أمام الحضور قائلاً: «لما قالولي عايزينك يا محمود تقول كلمة في حفلة كلية الشرطة انا فرحت جدا جدا بس قلتلهم لو سمحتم ينفع اقول اللي انا حاسوا مش كلام مجهز وقالولي قول اللي انت حاسوا يا محمود.. وانا دلوقتي بقول اللي في قلبي بجد.. انا صحيح زعلان علشان بابا مش معانا دلوقتي بس أخوات بابا في وزارة الداخلية عمرهم ما تركونا ودائما معنا.. وقال: «أنا فخور جدا أني نجل البطل الشهيد محمد البرعي وهو حي عند الله، وأتمني أكبر وأدخل كلية الشرطة وابقي زي بابا وهعمل زي ما هو عمل لمصر وأولادها وانا مبسوط اوي اني النهاردة علشان شايف كلية الشرطة بتخرج الظباط دي كلها علشان هيحموا مصر بلدي اللي بتشرف انا وكل ابناء الشهداء من الشرطة او الجيش اننا منها وعمر ما المصريين ما هيتفرقوا طول ما اديهم ف ايد بعض».. مش كده يا ملك ؟ ردت عليه الطفلة ملك ابنة الشهيد العقيد عصام عبدالجواد قائلة: «طبعا يا محمود لأن مصر دي بلد عظيمة جدا وهتفضل طول عمرها قوية .. واحنا مطمنين ومش خايفين علي نفسنا ولا علي مصر علشان المشروعات الكبيرة والعظيمة اللي بتتعمل فيها دلوقتي وكمان طول ما فيها جيشنا العظيم وشرطتنا الباسلة وحبيب المصريين كلهم بابا عبدالفتاح السيسي يلا يا محمود قول معايا بصوت عالي :مصر أم الدنيا وهتبقي قد الدنيا.. تحيا مصر تحيا مصر تحيا مصر.