مفروسة أوي

قالت إحدي صديقاتي أنا زهقت من مدينة نصر سمعتنا باظت بين الأحياء بعد ماسقطنا الإخوان والسلفيين في عز مجدهم في إنتخابات مجلس الشعب وبعد ماكنا أقل ناس إنتخبوا مرسي العياط في إنتخابات الرئاسة، يجي علينا اليوم اللي يبقي حي مدينة نصر عنوان للإرهاب ،أنا خلاص حروح التجمع ، ورديت أنا بالعكس سوف نظل في مدينة نصر حتي تأتي إنتخابات مجلس الشعب بمن نريده من القوي المدنية مش زي المرة اللي فاتت لما ضحكوا علينا وقدموا أحد صبيانهم علي أنه مدني وإحنا بكل طيبة وهبل صدقنا ، ولغاية مانختار رئيس نريده يعيد للبلد ميزانه، مش معقول 200 بلطجي حيطفشوا حي بأكمله إحنا قاعدين علي قلبهم وصاحب الإرادة هو اللي بيكسب وإحنا كسبانين بعون الله، الشعب اللي قدر علي العصابة ورئيسها حيخاف من صبيانهم!