دليلنا إحتار مع الأسعار

يا لحمة إيه جرا.... أسعارك بقت نار
الكل بينادي يوماتي.... الرحمة.. يا جزار
يرد علينا مش زنبي.. السبب.. التجار
واحنا بينهم ضحايا.... ارحمنا.. يا ستار
الكل يا صاحبي بيشكي.... من ارتفاع أسعار
الغني ومعاه الفقير.... كبار ومعاهم صغار
شوف الطماطم بكام.... والكوسة والخيار
قلنا نقاطع اللحمة.... طيب.. وتقاطع كمان الخضار!!
سبب الغلاء واضح.... السبب جشع تجار
يا حكومة لازم وقفه.... وواجب إصدار قرار
يحمينا.. يا سادة..... من غول أسعار
كل يوم في زيادة.... بصراحة دليلنا احتار!!
عبدالحميد عبدالمؤمن محمد
عضو رابطة الزجالين وكتاب الأغاني