صباح جديد

الحكومات زي الناس أقدام وأعتاب.. وبصراحة أنا ما شفتش حكومة نحس زي بتاعة هشام قنديل كأنها جاية وجايبة الكوارث والمصايب معاها.. ده غير ان د. قنديل رئيس الحكومة راجل طيب لا بيهش ولا بينش، ناس تقول اكيد مش عارف وهو لو كان يقدر إيه اللي منعه، وناس تقول جبتك يا قنديل تعيني لاقيتك يا قنديل تتعان، وناس تضرب كف علي كف وتصرخ بعلو صوتها المشرحة مش ناقصة قتلي.. بس أنا عاجبني د. قنديل عامل ودن من طين وودن من عجين، لا بيتكلم في السياسة ولا شاغل نفسه بالاقتصاد ولا واجع دماغه بالأمن، وكل اللي يهمه ان الستات تنضف صدورها قبل الرضاعة.. تسلم يا دكتور!