صباح جديد

مش عارف الناس زعلانة ليه من الهجوم علي حزب الوفد ، وايه يعني رصاص حي ولا خرطوش يموتوا ولا يعوروا كام واحد ، وفيها ايه لما كام عربية تتكسر فدا اصحابها، وإذا كان الظباط والعساكر اللي واقفين يحرسوا الحزب طلعوا يجروا بعد زملاتهم ما اتعوروا ، وماله دا الجري نص الجدعنة ويا روح ما بعدك روح، وقامت الدنيا مقعدتش تاني واتهموا الناس الطيبة أنصار فلان وولاد علان، والراجل بتاع الداخلية يزعق بعلو صوته مش حنسكت وحنفضل نزعق بس الحكومة علشان بتنام بدري أول ما تصحي حطبق القانون علي الكل.. لا يا شيخ!