إحم إحم!

هشام مبارك
- وحياتك عندي يابابا تحكيلي حدوتة عشان أعرف أنام.
- حدوتة إيه بس ياكلمات يابنتي سيبيني في حالي أنا تعبان ومصدع وعيني مزغللة.
- عشان خاطري يابابا..وغلاوة ماما عندك.
- طالما حلفتيني بالغالية اسمعي ياستي..كان فيه غابة كبيرة فيها حيوانات كتيرة وكان الأسد ملك الغابة مفتري وأول مايجوع ياكل حد من السكان لغاية لما بلع عشرتلاف روح قام البوليس قبض عليه وحولوه للمحاكمة.
- وأخذ براءة طبعا.
- براءة إزاي إذا كان باقولك لهف عشرتلاف روح..إعدام طبعاً.
- إيه الظلم ده يابابا أنا أعرف جمل زغنن أكل 19روح وخد براءة..يبقي كتيريعني علي أسد لما ياكل عشرتلاف؟