إحم إحم!

هشام مبارك
طول عمري أتعامل مع المحمول كعميل كارت.. معاه بيشحن معهوش مايلزموش حتي فوجئت بالشركة تخبرني منذ فترة أنها قررت أن تتركني أتحدث كما أريد ثم تخصم مستحقاتها عندما أقوم بشحن الخط برصيد جديد.. وطبعا طبيت زي الرطل ووافقت ومن ساعتها عينك ماتشوف إلا النور.. كل شوية رسالة تهديد بقطع الخدمة لو لم أسدد الفاتورة.. سألت الموظفين لماذا لم يتضمن العرض كلمة فاتورة فقالوا: مش شغلك ياسيد مش كل الكلام ينفع يتقال.. فقمت بالسداد زي المؤدب وطلبت إلغاء النظام فقالوا: دخول النظام مش زي خروجه يا محترم.. الدخول ببلاش والخروج بفلوس.. أوشكت أن أنفجر غضباً فقالوا: الفلوس مش كل حاجة يااستاذ.. المهم إيه رأيك في الخدمة بتاعتنا؟