بالفيديو.. مرتضى منصور لعصام الحضري: «إنت قافل المرمى بالسحر.. تحب أقول اسم الساحر اللي إنت بتروحله؟»

رئيس الزمالك: يا عصام يا حضري بطل سحر.. وبطل تاخد العفاريت الصغيرة معاك الماتشات

مرتضى: الزمالك جاب جونين عشان أنا كنت واقف والعفاريت خافت مني عشان أنا بخاف ربنا وبقرا قرآن كتير

قال مرتضى منصور رئيس نادي الزمالك أن عصام الحضري حارس مرمى نادي وادي دجلوة يغلق المرمى بالسحر، مؤكداً "أنا بتكلم جد مش بهزر".

وكان الزمالك قد تعادل منذ قليل بصعوبة مع وادي دجلة، محتفظاً بآماله في الوصول للدورة الرباعية التي ستحدد الفائز بالدوري.

وأضاف منصور في مداخلة هاتفية مع الإعلامي الرياضي كريم حسن شحاتة مقدم الاستديو التحليلي على قناة النهار "السحر مذكور في القرآن.. وأنا بقول للحضري: بطل سحر وبطل تاخد العفاريت الصغيرة معاك الماتشات.. ولا عايزني أقول اسم الساحر اللي بتروحله؟".

ورداً على سؤال ضيف الاستديو وليد صلاح الدين لاعب الأهلي والمنتخب السابق "أين كانت العفاريت وقت إحراز الزمالك لهدفيه؟"، قال مرتضى "وقت الهدفين كنت أنا واقف.. والعفاريت بتخاف مني والجن الأزرق بيخاف مني لأني بخاف ربنا وبقرا قرآن كتير".