كلام مسئول

محمد صلاح: يا مساء الخير الحزب أي حزب عشان يبقى جامد من يره لازم يبقى متماسك من جوة والحكاية دي بقى الانتماء وعدم الانتماء عليها كلام في كل احزاب المعارضة وحركات التغيير والاحتجاج وكمان في الحزب الوطني اللي هوالحزب الحاكم يعني بنشوف في احزابنا استقالات تنقلات دي حاجة عادية خالص كل واحد ينام على الجنب اللي يريحه لكن اللي مش عادي اننا نلاقي اعضاء في احزاب نازلين نقداوهجوم مش هنقول ضرب في احزاب تانية طبيعي اننا نلقى الحزب الوطني بيتهاجم من احزاب المعارضة لكن لما نلقى احزب الوطني ويطلعوا يهاجموا سياسات الحزب ومش عاجبهم جوة الحزب يعتي بيعملوا ضجة اعلامية واسهعة بمواقف المهم بقى ان هما يرجعوا يبرروا المواقف دي والغريبة ان الحزب ما بيستناش حد محدش بيستغنى عن ولاده الضنى غالي وهما كمان ما بيسيبوش الحزب حنان الام بقى والخال والد هو فيه ايه ولا نعدي على الحكاية كده من غير ليه على راي خالد الذكر محمد عبد الوهاب البعض بيقولك ان المسالة عادي وان الاحزاب الكبيرة قدرها ويمكن دورها انها تستوعب وتتحمل ان يبقى فيه ناس على يسارالحزب وناس تانية على يمينه المهم ان الغالبية تبقى في الوسط ، وانه يبقى فيه التزام ماشي ، القماشة واسعة فيه اختلاف داخلي بس يبقى له حدود ويكون دا من جوه الحزب بس الخيارالداخلي لازم يبقى معلن والتوجه الحزبي ما يصحش ان الاعضاء يتنصلوا منه طالما ان دا متفق عليه عشان المثل الي بيقول لا بحبه ولا بقدرعلى بعده ما ينطبقش على بعض اعضاء الحزب الاحزاب والحركات المصرية على راسها الحزب الوطني ساعات الحزب بيكشر عن انيابه وساعات بيطبطب على المسالة الحزبية هيكون لينا النهارده كلام مسئول مع الدكتورة هالة مصطفى رئيس تحرير مجلة الديموقراطية
فاصل
محمد صلاح: ومن كلام الدكتورة هالة مصطفى انا شخصية ليبرالية تمتلك حرية الفكر وكثيرا ما اقول رايي في الحزب ويقابل باحترام الجميع وقيادات الحزب لا تنظر لي بصفتي معارضة ولاافكر في الخروج من الحزب اطلاقا فهو مظلتي الرسمية قد توجد خلافات ولكن هذا امر طبيعي ولكنني لن اتركه,"الحكومة اعتادت احتكار كل وسائل الاتصال مع اميريكا لاكثر من 25 سنة واليوم وبعد التغييرات التي حدثت في مصر هناك العديد من الاشخاص والقوى السياسية الذين يتصلون بامريكا والمشكلة في المنظور القديم الثابت في حين ان قنوات الاتصال الان اصبحت عديدة ","التطبيع اصبح كلمة يصعب تعريفها فهناك العديد من المهام الصحفية التي تتطلب مرافقة وزيرالخارجية مثلا لاسرائيل فهل هذا تطبيع " رئيس تحرير مجلة الديموقراطية عضو الحزب الوطني الدكتورة هالة مصطفى هيكون لينا معاها كلام مسئول
فاصل
محمد صلاح: ارحب برئيس تحريرمجلة الديموقراطية الدكتورة هالة مصطفى منورانا يادكتورة دلوقت انت عضو في الحزب الوكطني وعضو ناشط بس انت في يمين الحزب ولا على شماله زعلانة منه ولا مبسوطة بيه؟
د/هالة مصطفى-رئيس تحرير مجلة الديموقراطية:لا انا مش زعلانة بس انا سعيدة بعضويتي في الحزب وكان فيه فترة فيها اخد ورد وكلام وكان فيه كلام في الصحف طلعت احاديث بتظهر نوع من الغضب مش كده
محمد صلاح: غضب عليكي انت؟
د/هالة مصطفى: غضب عليَ وغضب مني هو مش مني هو من كتاباتي ومن افكاري ودا شئ طبيعي انا ملا توقعتش لما انا دخلت الحزب الوطني سنة 2002 وتحديدا في لجنة السياسات ان انا داخلة حزب حاكم بالمعنى التقليدي ان دا الامتيازات للشخص ان هو يدخل حزب سلطة انما لجنة السياسات كان فلسفتها انها لجنة هتقود عملية الاصلاح من داخل الحزب اومن داخل النظام ودي فكرة جميلة جدا وكنت مؤيداها ومازلت مؤيداها كما هو معلن ومعروف وبالتالي انا فاهمة لما انا دخلت هنقول اراء هنقول افكار هنقدم حاجات جديدة واي جديد واي تغييرلازم يثير حالة من الغضب لانه فيه اجيال اعتادت على اراء معينة على سياسات معينة وبالتالي لما بيجي جيل جديد في السياسة اوفي الحياة الثقافية اوالفكرية او بيبقى عاوز يحدث نوع من التغييراوالاصلاح طبعا دا ما بيبقاش مريح للجيل القديم
محمد صلاح: بس الكتابات اللي انت بتقولي عليها دي ضدك اوعبارات من بعض رموزالحزب اللي تضمنت عبارات ضدك مكانتش من الجيل القديم بس ولكن برضه من ناس من جيلك يعني انت اختلفت مع مين؟
د/هالة مصطفى:على فكرة هوانا ما اختلفتش بشكل شخصي مع حد وهتتفاجئ ان علاقاتي العادية الانسانية بالناس طيبة جدا ولكن فيه ناس حتى من جيلي اللي دخلوا وهما اقرب لقيادات معينة في الحزب اكترمني يمكن انا معنديش مجموعة بشتغل معاها ولكن اللي بعتمد عليه هوافكاري اوارائي اووجهات نظري اللي بقولها .اللي حصل ان ارائي اغضبت بعض الناس يمكن يكونوا من جيل اسبق اومن جيل اجدد لكن هي اغضبت بعض الناس خاصة في فترة من الفترات انه كان ليَ كتابات نشرت في الخارج وابحاث يمكن افكاركانت تبدوجريئة اوليبرالية لكن اناعايزة اقولك انه انا بعد فترة بلاقي كتير قوي الحاجات اللي كنت بقولها في البداية وما جابتش صدى بالعكس هي جابت لي هجوم وجابت لي مشاكل انا بشوفها بعد كده بتتعمل وبتتحقق
محمد صلاح:بس يمكن الفرق الايقاع اوان الحاجة وهي جديدة ربما تثير جدل بس الحزب الوطني رافع لافتة كبيرة اسمها الانتماء الحزبي طبعا دا مش بنشوفه في انتخابات الشورى لما ناس يرشحوا نفسهم وبعد ما بينجحوا الانتماء بيرجع تاني ويرجعوا للحزب لكن انت مش قصتك الانتخابات ربما ارائك اومواقفك طيب ليه انت مش ملتزمة بقصة الانتماء الحزبي اختلفي جوه وانتوا بتتناقشوا في اجتماعات الحزب لكن لما بيكون فيه موقف او قراراجمع عليه الحزب المفروض انك تلتزمي بيه مش شرط تروجي له لكن على الاقل ما تهاجمهوش
د/هالة مصطفى:اولا انا محصلش انه كان فيه قرارانا خالفته محصلش انه رغم الهجوم اللي انا اتعرضت له في فترة من الفترات وكان من اعلام قريب جدا من دوايرالسلطة العليا او الحاكمة ومع ذلك انا ما فكرتش ان انا استقيل
محمد صلاح: طيب لو الحزب مش عاجبك مافكرتيش في الاستقالة ؟
د/هالة مصطفى:لا لا لا اصل مفيش حاجة اسمها الحزب يعجبني ولا ما يعجبنيش انت في اطار تنظيمي سياسي وفي لجنة مهمتها التطويرفان احنا نقول ارائنا بحرية او نختلف دي مش لها علاقة بالالتزام اوعدم الالتزام، الالتزام ان انا موجودة في الحزب وان انا منتمية للجماعة السياسية دي ولكن هذا لا يعني انه فيه كلام مردد بالشعارات الفارغة لمجرد ان انا اثبت ولاء..لا..الولاء مش كده الولاء اني اكون مخلصة في تقديم اراء انا اراها صالحة لتغيير او تطوير بعض السياسات العامة الموجودة
محمد صلاح: دا وارد طبعا انه يحصل بس يحصل في الغرف المغلقة انما انه يوصل الى وسائل العلام فاللي انت اعتبرتيه هجوم ما انت رديت في اماكن وكتبت في صحافة غربية وتحديدا امريكية اللي زعل الحزب وأجج الخلاف وبالتالي انت برضه ساهمت في ان صورة الحزب تبدأه قدام الناس وكأن الحزب بيقطع في بعضه؟
د/هالة مصطفى: بالعكس دلوقت حزب في مرحلة تغييراواصلاح اوفي مرحلة انتقالية الطبيعي انه يكون جواه انه ناس تطلع وناس تقول طب اذا مكانش حصل أي مناقشة ولا أي جدل يبقى ازاي عايز تبدع
محمد صلاح:انت ليه كنت لوحدك ليه مكانش معاك توجه؟
د/هالة مصطفى:لا اصل انا عايزة اقولك حاجة في مصرعموما كل الافكارالداعية للاصلاح او التغييراوالافكارالليبرالية بشكل عام دايما بتبقى افكار فردية هو الفكر الليبرالي في مصر فردي يعني كل اللي عملوا نقلات كبيرة في حياة مصرالمعاصرة كانوا كتاب مفكرين ادباء روائيين سينمائيين بينتموا للمدرسة الفكري الليبرالية وكانوا مجهوداتهم فردية
محمد صلاح: ايوه بس كانت معاهم مدرسة اوفريق بيساعدهم انت كنت لوحدك؟
د/هالة مصطفى:انا كنت لوحدي لاني كنت صادقة فيما اعبرعنه
محمد صلاح:الباقيين مكانوش صادقين ؟
د/هالة مصطفى:ليه فيه ناس تانية كانت بتقول افكارلكن ربما كان عندهم قرب اكترمني من ناس معينة
محمد صلاح: ناس معينة مين باستثناء الدكتورغزالي حرب فيه حد استقال ؟
د/هالة مصطفى:لا مفيش
محمد صلاح: شفتي انا متابع برضه اصل مش كلمة وهعديها حاسة ان فيه تجاهل لافكارك او تجاهل لدورحابة تلعبيه ولا اراءك وافكارك ومواقفك معترض عليها اصلا؟
د/هالة مصطفى:شوف انه يمكن انا على بعضي بقدم نموذج مختلف شايفة نفسي مختلفة في اطار المكن مش شايفة نفسي مختلفة بشكل حاد ولا بشكل متطرف ولا بشكل اني مقدرش اتعايش مع القديم انا في النهاية انسانة واقعية جدا عارفة في النهاية ايه حدود الممكن
محمد صلاح:هوممكن حد ينضم لحزب مش مقتنع بيه يعني ايه اللي اقنعك بالانضمام الى الحزبي الوطني
د/هالة مصطفى:اولا الاحزاب في مصرضعيفة جدا ولو قلنا غيركده يبقى احنا بنضحك على نفسنا معندناش احزاب تقدرتقول عليها احزاب ليبرالية تقدرتعبرعن الفكرة دي بحق يعني انا افتكر قبل ثورة 52 في التجربة الحزبية الاولى كان عندك احزاب ليها طابع ليبرالي عن حق حتى لو كانت احزاب اقلية والانشقاق عن الحزب كان بيبقى انشقاق عن الفكرة الليبرالية يعني انه احزاب تنشأ اكثر ليبرالية واكثر اخلاصا للفكر ة يعني حزب الاحراركان ليبرالي اكثرمن الوفد وبعدين كان منضم ليه محمدحسين هيكل وطه حسين لكن دلوقت احزاب كبيرة اواحزاب صغيرة الفكرة الليبرالية اوالفلسفة الليبرالية غائبة ..الحالي مقارنة بدا لكن الحزب الوطني هو الحزب الكبير هوالحزب الاغلبية ايا كانت الاسباب بقى وهو حزب وسطي بيستوعب تيارات كتيرة جواه هتلاقي التيارالمحافظ والليبرالي والتنياراللي يميل للاشتراكي شوية والتيارالراسمالي
محمد صلاح:والتياربتاعك؟
د/هالة مصطفى:على فكرة كل رموز الليبرالية منضمين لحزب الوطني
محمد صلاح: في مقولة بين الناس ان الاحزاب بتطالب بالديموقراطية ولكن مفيش ديموقراطية جوه الاحزاب يعني بدون ذكراسماء شفنا حركة التغيرداخل الاحزاب بتم ازاي باستثناء الانتخابات في الوفد اخيرا وكلنا اشدنا بيها انت قلت مرة ان فيه لوبي صغير بيسيطر على الحزب الوطني الي اتخاذ القراربتبقى ازاي وانت في الحزب الوطني ؟
د/هالة مصطفى: انا قلت ان الاحزاب في مصراحزاب ضعيفة طبعها حزب الوفد اللي ذكرته التجربة كانت كويسة جدا ايجابية كل الناس اتكلمت عليها انا مجرد عضوة في هيئة السياسات فانا مش في المكتب السياسي ولافي الامانة العامة فانا بعيدة عن اتخاذ القرارانا بساهم في المناقشات بقول بتتاح لاي الفرصة وبس
محمد صلاح: بس في الفترة اللي بالك بالك دي كنت بتنتقدي اليات اتخاذ القرار ؟
د/هالة مصطفى:انا مكنت فيما يخصني اني الاقي نفسي ممنوعة من الكتابة اواني مقدرش انشر مقال في الجرنان اللي انا بشتغل فيه من اول ما تخرجت من غيرما الاقي مسئول يتكلم معايا قعدت 3 سنين في الاهرام ما بنشرش خالص وكانت الحملات الشديدة اللي كانت ضدي يعني انا اتصورانه انا لوانا غلطت وتجاوزت ودا وارد مع أي عضو لازم تكون فيه قوات اني اتكلم مع قياداتي او مع رؤسائي في الحزب
محمد صلاح:محدش كلمك خالص؟
د/هالة مصطفى:نهااائي..خالص بس انا اعتقد انه في الفترة دي لما اتيحت لىَ الفرصة اني اتكلم في الاعلام قلت انه لازم تكون فيه قنوات متاحة للجميع يعني مش لازم اكون في الهيئة العليا ولا في السياسة علشان اقدراتكلم مع قياداتي في الحزب
محمد صلاح: طب ايه اللي رجع السمن على العسل تاني؟
د/هالة مصطفى:لان فيه ناس كتيرادوا صورة غير صحيحة عن اهدافي اوالغرض من ورا كتاباتي اللي هي تبدو في بعض الاحيان فيها نقد لبعض السياسات اوبعض الاراء وحتى كان ايام التعديلات الدستورية وكتبت دا قلت انه فيه تعديلات وكان فيه حاجات تانية كان المفروض يتعمل فيها كذا وكذا وكتبت عن المادة 77 ومدد الرياسة وعن المادة الخاصة بالعمال عايزة اقول انه فيه فرق انه واحد يقول رايه وينتقد ويعمل أي حاجة وبين الهدم وانه كان من اجل الاصلاح
محمد صلاح: خليكي معايا لسه الكلام مخلصش
فاصل
محمد صلاح: دكتور هالة مصطفى بتشوف انه اللي كانوا فاهمين انها بتهاجم الحزب من اجل الهدم فهموا انه كان تعبيرمن اجل الاصلاح معانا فيه مداخلة من الدكتور مجدي الدقاق رئيس تحريراكتوبر حوالين الموضوعات اللي زي كده نشوفها
فاصل
مجدي الدقاق-رئيس تحريرمجلة اكتوبر: انا اتصوران ماتفعله الدكتورة ينم عن رؤية خاصة بها خصوصا فيما يتعلق بموقفها منداخل الحزب الوطني وايضا موقفها فيما يتعلق بقضية اتصالها بعدد من الدبلومايسيين الاسرائيليين مع تقديري لها الى اني ادعوها الى ان تعيد النظرفي رؤيتها بمعنى ان الدكتورة في كثيرمن الاحيان الدكتورة هالة في كثيرمن الاحيان تتحدث عن وجود خلافات وتباين اراء بل اختلاف جذري مع بعض توجهات الحزب التي تنتمي اليه نحن نعيش في مناخ ديموقراطي يسمح بالتعدية والحزب الوطني بطبيعته يلم مجموعة من وجهات النظر التي يجب انها تصب في الاطارالتنظيمي اوفي الاطارالفكري للحزب يسمح حزبنا بوجود تداولات في الاراء ولكن لا يسمح بوجود خلاف كبير وجذري يضعف من مواقف الحزب هذا المناخ الديموقراطي الذي يعطي الحق لكل عضو ان تتباين اراؤه ويختلف ويضيف ويعلن رفضه لبعض الاشياء يعلن ايضا الى التماسك الحزبي انا لا اتصورانه يكون احد في حزب ما ويختلف في كثير من توجهاته ولا يفكر في ان ينسحب منه او في ان ينضم لحزب ليكون اكثراقترابا من وجهات نظره
فاصل
محمد صلاح:هو اللي فهمته من الاستاذ مجدي ان الاختلاف جذري ما تشوفيلك حزب تاني دا معنى الكلام .
د/هالة مصطفى:اولا انا مش شايفة انه فيه اختلاف جذري بيني وبين الحزب الوطني يعني حتى لوفي فترة فيها صراعات خلي بالك أي حزب داخله بيكون فيه بعض الصراعات لكن مش كل الصراعات بتبقى على صراعات كبرى ان لازم يكون حد ينسحب من احزب انا عايزة اقول حاجة فيما يتعلق بالالتزام لان احنا احيانا بناخد الالتزام بشكل ضيق جدا بشكل حرفي زي ما بنعيب عى التيارات السلفية اوالمحافظة انها دايما تفسرالنصوص الدينية اوالقانونية تفسيرا حرفيا من غيرما تاخد بروح النص فانا هنا ارد على الاستاذ مجدي بمسالة النص ولا روح النص يعني على سبيل المثال انا لما كتبت التعديلات الدستورية وطلبت مراجعة بعض المواد كان منها المادة التانية من الدستورالخاصة بالشريعة الاسلامية مراجعتها يعني اعادة صياغتها لما قلت ان مادة الرياسة بعد فترة الرئيس مبارك لانه الرئيس مبارك احنا متفقين انه قيادة تاريخية لما الحزب اقر التعديلات الدستورية هل انا انسحبت من الحزب واعترضت
محمد صلاح:المشكلة انك قعدت الاستاذ مجدي بيقول انك قعدت.......
د/هالة مصطفى: ماهو دا الالتزام
محمد صلاح:هوالالتزام ان انا اعد التزم بالافكار؟
د/هالة مصطفى:فيه معادلة دقيقة جدا بين نخبة داخل الحزب ومهمتها انها تساهم في عملية الاصلاح من الداخل وانا لسه كاتبة مقال على تجربة اسبانيا في الاصلاح من داخل الحزب الحاكم..انا بقول افكارممكن تسبق الوضع القائم اوهي تنشد تغييرالوضع الى ماهو افضل لما بنطلع مرحلة وبناخد بعض الافكارببعض السياسات الاصلاحية وهي دي اللي بتبقى مناسبة لهذه الفترة خلاص انا التزم بس مش مهمتي من البداية اني مقدمش افكار
محمد صلاح:انت شخصية صدامية بطبعك؟
د/هالة مصطفى:لا لا اطلاقاولاال كانت ردود فعلي عنيفة انا ردود فعلي مش عنيفة اطلاقا يعني خلي بالك ان انا في النهاية شغلتي كاتبة فمسالة انتمائي للحزب دا ثانوي بعد ما تشكلت الهوية بتاعتي والحزبي مش كل الناس فيه خلفيتهم اكاديمية فيه رجال اعمال وفيه اطباء وفيه مهندسين فاللي بتبقى خلفيته من الاصل اكاديمية وبينتمي لمدرسة فكرية معينة
محمد صلاح:ليكي علاقات بدوائرصنع القرارفي امريكا البعض بينتقدها والبعض بيوصل فيه المدى في الانتقاد الى اعتبارها علاقات مشبوهة تفسيرك ايه للحملة ؟
د/هالة مصطفى:اللي هاجموني وقالوا كده وعملوا كده وعملوا حملات ضخمة جدا هما فاهمين ان علاقاتي كلها في النوروعلاقات كلها معروفة ولوانا اتيحت ليَ الفرصة ان انا انشرفي دوريات او كتب صادرة في الولايات المتحدة الامريكية فدا لاي اكاديمي دي بتحسب له, انا في النهاية كاتبة دى شغلتي دي مسالة حاصلة والمهنة دي فيها تميز
محمد صلاح: يعني لتميزك مش لمواقفك ؟
د/هالة مصطفى: ماهوالتميز فيه كل حاجة ماهوالدكتورعلي الدين هلال وكان استاذي وبيكتب في امريكا كتب جماعية وانا فاكرة اني اسشتركت معاه في كتاب جماعي
محمد صلاح: كتاب جماعي غيرجريدة امريكية بتعبرعن لوبي معين اوسياسة معينة خصوصا انك لما نشرت كان في توقيت كنا عارفين مين اللي بيحكم امريكا وتصرفاتها تجاهنا عامل ازاي؟
د/هالة مصطفى: دا الشماعة بقى ماهو اللي عايز دايما يلاقي عيب في حد طب ما انا قضيت في فرنسا فترة طويلة برضه وبعدين انا لسه منشور ليَ دراسة في دورية سياسية اسبانية بس عايزة اقول حاجة هل العلاقات دي موجودة في دوايرامريكية ولااوربية هل دا ضر بلدي هل دا يضر بالامن القومي المصري هل انا ليَ أي علاقات مش في النور ومعروفة
محمد صلاح: ماهو مش كل ما يتم في النوريكون مرضي للناس ما انا ممكن اعمل تصرف في النوربس يضايق للناس بمعنى انه بالاضافة للكتابات والفترة اللي كان المحافظون الجدد بيسيطروا على الادارة الامريكية ايضا كان بيتم بعصض التحركات داخل مصر بمعنى انه لما تيجي وزيرة الخارجية الامريكية في التوقيت دا وتجتمع ببعض الناشطين بتكوني موجودة صحيح بيحصل حملة في الصحافة لكمن لانه عادة مايناقش في في الجلسات مع الوزيرة الامريكية بيستخدم في الضغط على الحكومة المصرية في تحقيق انجازات على الملف الايراني او القضية الفلسطينية ؟
د/هالة مصطفى:اولا كل اللقاءات اللي حصلت مع مسئولين امريكيين مكنتش فيها لوحدي
محمد صلاح:ما انا عارف
د/هالة مصطفى:كان معايا ناس من الحزب الوطني اشمعنى انا بالتحديد هو يمكن اللي اثار الضجة هو اختياري لتقديمها في الجامعة الامريكية باعتباري نموذ1ج مصري ليبرالي مش باعتباري نموذج متامرك ولا امنريكاني ماهو فيه ناس عندهم جنسية امريكية ماتمش اختيارهم انت بتختارالشخص اللي بيعبرعن بلده هو وانه كمان شخص ليبرالي وشخص بيعرف يعبرعن افكار مستقبلية
محمد صلاح:دا تفسيرهم للاختيار لان النموذج دا اللي بيقعد يتمكن عن احوال البلد معاهم بيعجبهم
د/هالة مصطفى:ليه ليه ليه طيب ماهو في ناس من الاخوان بيكتبوا في الواشنطن بوست وهما على عكس الافكارالامريكية تماما
محمد صلاح:مش اعضاء في الحزب الوطني؟
د/هالة مصطفى:الواشنطن بوست جرنان وسطي
محمد صلاح: احنا بنتكلم على الصورة العامة الكلام دا ممكن النخب تفهمه اللي هي تقيس الدوريات الصحفية دا مع التيارالمحافظين ولكن على الصورة العامة للدكتورة هالة مصطفى المنشورعنها خبرعن اجتماع مع رايس وبتنشر مقال في الخارج الصورة بتقول ان الدكتورة بتقدم للامريكان حاجة من اللي هما عاوزينه؟
د/هالة مصطفى:انا مالزمهمش قوي انا بقدم افكاري انا وانا اتذكر ان وزيرة الخارجية الامريكية قات ان انا بقدم افكارملهمة لكن مش بعيد افكارهم او بنفذ اجندتهم بس انا بنتمي للمدرسة الليبرالية من اول احمد لطفي السيد لحد نجيب محفوظ توفيق الحكيم الناس بتنتمي لليبرالية المصرية هل دي تقدر تقول ان الليبرالية مرتبط بالاجندة الغربية ازاي الكلام دا ودول اهم الناس اللي عملوا نقلات في حياتنا
محمد صلاح:قضية العلاقات مع الامريكان والتعبيرعن المواقف مرتبط بقضية التطبيع ..لسه الكلام مخلصش
فاصل
عبد الله السناوي: ماهوموقف الذين يطالبون بالتطبيع ووابل الرصاص الاسرائيلي يعني لا معنى للكلام ولا قيمة له واذا كانت اسرائيل والولايات المتحدة اذا كانت ترى ان التطبيع مهمة رئيسية فيجري الكلام في مثل هذه الامور بلا ثمن على الاطلاق يعني اذا كانت الكويت قد قررت تعليق اوايقاف القرارالكويتي السابق بالالتزام بمبادرة السلام الشامل يعني حتى التطبيع يعني مبادرة السلام العربية مقابلها الانسحاب الاسرائيلي الشامل من الاراضي العربية فاذا كانت الكويت قد اوقفت التزامها بمثل هذه المبادرة فمعناه انها ياست بصورة مطلقة من أي فرص للسلام واذا كان امين عام الجامعة العربية تحدث عن فشل متوقع للمفاوضات غير المباشرة ويقول ان العرب سيكون لهم موقف اخرفي الخريف المقبل فدا معناه انه لايوجد سلام بل توجد مشروعات لطرد الفلسطينيين من اراضيهم هل مقابل كل هذه الاخطارالحقيقية هل مقابلها ان نضحي بما تبقى لنا من اوراق ضغط محدودة للغاية وهي ورقة التطبيع اذا كانهنت تركيا تستخدم التلويح بتخفيض العلاقات مع اسرائيل وتطرح شروطها ومن بيبنها رفع الحصار على غزة يعني اذا كانت تركيا الحليف الاستراتيجي التاريخي لاسرائيل يقدم على هذه الخطوات فما معنى ان بعض الشخصيات العربية او المصرية تدعو الان الى التطبيع وتلى على ذلك انا اعتقد ان الكلام حوله علامات تعجب وعلامات استفهام ولا يمكن ان يكون بريئا على أي نحو..
فاصل
محمد صلاح:لا يمكن ان يكون بريئا دكتورة هالة استقبلت السفيرالاسرائيلي في مكتبها في الاهرام واتحولت للتحقيق؟
د/هالة مصطفى:لان انا المفروض اتكلم مع كل الناس واحاوركل الناس وانا لا اخشى شئ احنا هنا بنتكلم على المنهج دلوقت انت لما تقعد مع عدو ليك وبتتفاهم على قضايا معينة هل دا معناه انك انت متبني سياساته
محمد صلاح: انت مش دورك انك تقعدي معاه وتتفاهمي على قضايا معينة؟
د/هالة مصطفى:لا دا على كل الدوايرفيه دواير سياسية ودوايررسمية وفيه اكاديمية انا منهجي عدم المقاطعة انا منهجي الحوار والكلام دا منهجي اللي انت متقدرش تصادره ايه المقاطعة وايه ورقة الضغط اللي انت بتقولي عليها دي هي ورقة الضغط بتاعة عدم الحوارمع الاسرائيليين عدم التعامل معاهم كل المفردات دي عايزاك تقولي هي ادت لايه بالظبط وايه النتائج الملموسة اللي أي مفاوض عربي اوفلسطيني حققها ايه ورقة الضغط اخطيرة دي اللي انت بتتكلم عنها مش يمكن دي اوهام في دماغنا يعني هي دي اللي منعت الحروب الاسرائيلية الفلسطينية
محمد صلاح: وفاد بايه السلام مع اسرائيل او الحوار معاها ؟
د/هالة مصطفى: مصر خلاص انهت حالة الحرب واصبحت في حالة سلام مع اسرائيل وبتقوم بدورمهم جدا بين الفلسطينيين والاسرائيليين ولو كانت مصرمعندهاش علاقات مع الاسرائيليين مكانش ممكن تلعب الدورالاقليمي دا على فكرة دخول تركيا على الخط انها بتحاول تنافس هذا الدوروربما الصوت الان بيعلى شوية لان الحاكم الان من الحزب الاسلامي ويمكن دا ميوله معروفة اقرب الى حماس ولكن في الاصل تركيا عندها علاقات قوية جدا مع اسرائيل هي عايزة تبني علاقات قوية على الطرف الاخراللي هوفلسطين بحيث ان هي تبقى مؤهلة
محمد صلاح:دا دورمصرانا بكلمك عن دورك انت دا ممكن على المستوى مصرانا بتكلم عن الخلط ما بين دورك انك بتمارسي دورسيياسي ما بين التفاهم والحوار مع الاخر وكونك صحفية في قرار من الجمعية العمومية في نقابة الصحفيين بعدم التطبيع هنا طبعا هتثارالتساؤلات هو ايه اللي تطبيع ولا ايه اللي مش تطبيع هو لما وزير الخارجية يروح لرحلة الى اسرائيل دا تطبيع ولا لا لكن لنما استقبل السفيرلاسرائيلي في مكتبي دى مسالة صريحة
د/هالة مصطفى:اولا عشان اصحح انا مش صحفية لو انا صحفية كانت المسلة تاخد شكل مختلف كان هيبقى فيها سفر فيها مرافقة انا بشتغل في مركزالدراسات السياسية والاستراتيجية اساسا انا انسانة اكاديمية كنت في مركزابحاث وانا رئيس تحرير في دورية سياسية متخصصة انا وغيري والدكتورعبد المنعم سعيد وكلنا اعضاء في نقابة الصحفيين عشان احنا في الاهرام ومراكز الابحاث بتبقى مرتبطة بدواير صناعة السياسات العامة مفيش فصل بين العمل الاكاديمي وبين عالم السياسة
محمد صلاح:انت مقتنعة سياسيا بضرورة التحاور مع الاسرائيليين ولا دا بيفرضه عليك طبيعة عملك؟
د/هالة مصطفى:والله الاتنين انا بحكم تكويني الفكري ومبادئي انا من انصارالحوارمع الجميع هو انا اول واحدة قلت اسرائيل يعني انا اول واحدة خارج الاطار الرسمي اقابل اسرائيليين كتير جدا جدا جدا وفي نفس وضعي ومكاني وفي نفس المكان وفي نفس المؤسسة وكل حاجة ومع ذلك ما اتعرضوش للحملة اللي انا اتعرضت ليها وكمان النقابة تتخذ معاهم نفس الاجراء اللي اتخذته ضدي وبعدين ما سمعتش اصوات زي الاستاذ عبد الله ان هوغضب للمسالة دي هوعشان انا طيبة يمكن
محمد صلاح: باعتبارك طيبة ومن لجنة السياسيات ايه فرصة الحزب الوطني في الانتخابات ؟
د/هالة مصطفى:الانتخابات هي انعكاس للواقع السياسي وانا شايفة ان الحزب الوطني مازال اقوى قوة منظمة وبالتالي طبيعي جدا ان هو هيفوز
محمد صلاح:لو طلب منك ادوار تؤديها لمساعدة مرشحي الحزب لترويج برنامجه الانتخابي تعمليها ؟
د/هالة مصطفى:البرنامج الحزبي الانتخابي والله لو كانت شغلتي اواعرف اروج برنامج واني ادافع وكل واحد بيساعد الحزب بطريقته طبعا اكيد واكيد ان انا بساند الحزب ارجوك ما تتصورش ان انا مش عاوزة الحزب بالعكس انا فيه وانا مسانداه ودايما افضاله ومازلت بقوله رغم كل اللي حصل
محمد صلاح:ورغم كل اللي حصل الدكتورة هالة مصطفى بتساند الحزب ومقتنعة بيه ومكملة فيه وقالت رئيس تحرير مجلة الديموقراطي كان كلامها معانا النهارده كان كلام جميل كلام معقول اكيد كان كملام مسئول خلص الكلام سلام نلتقي في الحلقة المقبلة