وجهة نظر

اكثر من اسبوع على انتهاء الانتخابات النيابية اللبنانية ولاتزال النتيجة حديث اللبنانيين وكثير من المراقبين في المنطقة لما حملته نتيجة تلك الانتخابات من مفاجآت كبيرة ..الحياة السياسية اللبنانية بمقاعد برلمانها ال128موزعة بالتساوي بين المسلمين والمسيحيين بواقع 64 مقعدا لكل طرف على 26 دائرة انتخابية يعطي النظام 27 مقعدا للمسلمين السنة وعددا مماثل للمسلمين الشيعة فيما يحصل الدروز على 8 مقاعد ومقعدين للعلويين ..في الجانب المسيحي يحصل الموارنة على 34 مقعدا والارثوذكس على14 مقعدا و8 مقاعد للكاثوليك و6 للارمن ومقعدين للأقليات المسيحية الاخرى اما المفاجأة فقد تمثلت في اعلان فوز تحالف 14 اذار الذي يتزعمه سعد الحريري بغالبية المقاعد في البرلمان الجديد وحصوله على 71 مقعدا من اصل ال128 مقعدا مقابل 58 مقعدا للمعارضة التي يتزعمها حزب الله ويمثل تيار المستقبل بزعامة سعد الحريري العمود الفقري لتحالف 14 اذار الذي يسيطر على غالبية مقاعد البرلمان ويضم الحزب الاشتراكي التقدمي وهو التيار الدرزي الذي يتزعمه وليد جنبلاط وحزب القوات اللبنانية المسيحي الذي يقوده سمير جعجع الى جانب قوى سياسية اصغر حجما وفي المقابل يضم التحالف المقابل المعروف بقوى 8 اذار بشكل رئيسي حزب الله المدعوم من ايران ويمتلك جناحا عسكريا قويا كما يضم حركة امل الشيعية التي يقودها رئيس البرلمان نبيه بري كما يضم التحالف المعارض التيار الوطني الحر الذي يقوده قائد الجيش الاسبق ميشيل عون الى جانب حزبين مسيحيين اخرين اذن جاءت نتيجةالانتخابات بمفاجاتها لتضعنا امام مجموعة من التكهنات على مستقبل لبنان ولماذا جاءت النتيجة بهذا الشكل وماذا يعني ذلك لبلد يدخل مرحلة مليئة بتحديات قديمة متجددة
فاصل
عبد اللطيف المناوي:السيدات والسادة مساء الخير اهلا بكم من جديد من العاصمة اللبنانية بيروت احييكم والتقي بكم مرة اخرى لبنان العاصمة اللبنانية تعيش هذه الايام حالة من حالات الحراك السياسي وذلك بعد انتهاء الانتخابات البرلمانية التي اجريت في يوم 7 يونيو الجاري وهي الانتخابات التي سبقتها العديد من التوقعات والتخوفات فكانت التوقعات جميعها تسير في اتجاه بان احد الطرفين المعارضة او الموالاة سوف يفوز بأغلبية بسيطة وكانت التخوفات من ان تؤدي تلك الانتخابات الى حالة من حالات الصدام بين الطرفين بعد انتهاء الانتخابات ..انتهت الانتخابات ولم تأت التوقعات كما كانت منتظرة وايضا تراجعت التخوفات جاءت المفاجأة بان احرز تيار الموالاة 14 اذار وتيار المستقبل الأغلبية البرلمانية وحصل تيار المعارضة على ذات العدد تقريبا في البرلمان السابق لهم في حوالي 57 مقعد وكان الاعتراف بكل الاطراف بنتائج الانتخابات .. الحوار في بيروت يدور هذه الايام حول طبيعة الحكومة القادمة حول التشكيلة السياسية وحول التوقعات بما يمكن ان يكون بين الاطراف المختلفة او المتآلفة اذا كان هذا هو الهدف الذي سوف يكون .....
يسعدني ان التقي بزعيم تيارالمستقبل الشيخ سعد الحريري اهلا بيك وفي البداية نهنئك بفوز تيار المستقبل مجموعة 14 اذار بالاغلبية البرلمانية 71 مقعد وهي نفس العدد تقريبا الذي حصلتم عليه في عام 2005 ..قبل ما ادخل في موضوع الانتخابات اسمح لي ان اتكلم عن التطورات الاخيرة في الساحة ميتشيل كان هنا ، سولانا كان هنا والعديد من الاتصالات الهاتفية من زعماء العالم المختلفين هل هذه الاتصالات وتلك اللقاءات كانت من اجل التهنئة بنتائج الانتخابات ام الترتيب لأمور اخرى في المستقبل
سعد الحريري-زعيم تيار المستقبل: لا جزء كبير هو تهنئة على الانتخابات وايضا احنا بادرنا انه لبنان عم يمرق لمرحلة جديدة والحمد لله صارت الانتخابات بهدوء بديموقراطية بطريقة الحمد لله 14 اذار نجحت وفازت بهذه الانتخابات بدانا انه نحنا موضوع البلد وكيف الدول اللي اتصلوا فينا كيف بيقدروا يساعدونا وخاصة للقوى العسكرية الجيش اللبناني والقوى العسكرية الأخرى وامبارح ميتشيل كان موجود بلبنان على أساس يكون فيه حوار صار فيه حوار بالنسبة للمنطقة واضح انه رسالة ميتشيل الاندفاع الامريكي لمبادرة السلام وايضا السلام الفلسطيني الاسرائيلي هي على الاجندة الامريكية اللي منيح اللي عم يصير اليوم اللي هو بنشوف انه الادارة الامريكية في اول 6 اشهر من فوزها في الانتخابات ودخولها الحكم عم مبادرة السلام وهذا ماشفناه قبل .. الادارات السابقة بتلاقيه اخر 6 اشهر
عبد اللطيف المناوي:اخر 6 اشهر في الولاية التانية كمان
سعد الحريري: نعم.. اللي لازم نشوفه ان الرئيس اوباما عم يحي كلام واضح وصريح بالنسبة للسلام وسيناتور ميتشيل امبارح كان عم يعطينا شو وجهة نظره وايضا شو وجهة نظرنا بالنسبة للسلام ..
عبد اللطيف المناوي:انت الآن آت من القصر الجمهوري التقيت بالرئيس ميشيل سليمان ماذا تم في هذا اللقاء
سعد الحريري: يعني حكينا بموضوع انه الانتخابات اللي صارت الحمد لله كانت انتخابات ديموقراطية وهادا اليوم اذا انت بتشوف النسبة المئوية اللي نزلت من الناس وانتخبت بغض النظر لمين انتخبوا هي اثبات انه هالديموقراطية هي اللي كسبانة اولا واخيرا او الشعب اللبناني هو اللي كسبان ولبنان هو الكسبان اولا واخيرا لانه لبنان صوت بجميع المناطق وميزة هالانتخابات انه صارت بيوم واحد فهادا الموضوع كان بالنسبة لالنا وبالنسبة الى فخامة الرئيس شئ حصل بشكل هادئ وماحصل مشاكل والحمد لله غير التوقعات اللي كانت الناس عم تحاول تحطها وايضا توقعات بانه فيه فريق عم يربح والحمد لله الله اكرمنا وقدرنا ننجح لانه كان فعلا نحنا عم ننظر الى مصلحة لبنان اولا والى مصلحة المواطن اولا وانه بالاخر واجب الدولة هي خدمة المواطن مش المواطن يخدم الدولة
عبد اللطيف المناوي:كانت التوقعات قبل الانتخابات ان احد الطرفين سواء مجموعة 14 اذار او 8 اذار ايهما سوف يفوز بأغلبية بسيطة بمعنى 50%+1 او +2 وكانت المفاجأة هي ذلك الانتصار الكبير حتى لو كانت ذات المقاعد التي كانت موجودة قبل ذلك هل كنتم تتوقعون ذلك
سعد الحريري: يعني مانزلنا عالانتخابات لنخسر
عبد اللطيف المناوي:اكيد
سعد الحريري: نحنا نزلنا عالانتخابات حتى نربح نحنا لاشك انه عملنا ليلا نهارا عشان نربح الانتخابات والحمد لله الله سبحانه وتعالى اكرمنا واكرم هالبلد انه تربح 14 اذار
عبد اللطيف المناوي:هل التصويت الذي حدث او الذي تم وحصلتم بمقتضاه على تلك الأغلبية هل كان تصويتا لتيار المستقبل مجموعة 14 اذار ام انه كان تصويت ضد المعارضة
سعد الحريري: لا.. انا برأيي انه كان تصويت اول شئ للطائفة للمناصفة للعيش المشترك للسلم الاهلي للاقتصاد للمواطنين للوطنية للجيش السلاح يكون بايد الجيش لانه القوى الامنية هي اللي تكون مسئولة عن امن في كل لبنان مؤمنة انه حتى لو كان بعض المراحل كان فيه شوية تناقضات بين فريق 14 اذار ولكن حتى هذه التناقضات هي تناقضات ديموقراطية من ضمن ديمقراطيتنا 14 اذار المفروض يكون فيه عنا عدة وجهات نظر ل14 اذار فلذلك انا برأيي الناس نزلت وصوتت للبنان لأنه احنا كان شعارنا في 14 اذار "لبنان اولا"
عبد اللطيف المناوي:صوتت للبنان وصوتت للجيش وصوتت ضد ماذا
سعد الحريري: صوتت ضد مشروع اللي هو انا برايي انه الفريق الاخر كان مقدم مشروعه ان كان الاصلاحي او ان كان الاقتصادي او ان كان كيف بيشوف لبنان او ان كان كيف بيشوف ادارة لبنان فالناس ماقبلت هالمشروع، قبلت مشروعنا لانه شافت ان مشروعنا فيه حريات اكتر فيه مصلحة اكتر للبلد فيه انفتاح اكتر للبلد انفتاح لكل دول العالم نحنا ارتضينا انه يكون عنا علاقات يعني جيدة مع كل دول العالم يمكن الفريق الاخر كان بيشوف انه والله ..لا.. كان فيه يمكن انه الانتخابات بالنسبة لإله محصورة بعلاقات مع بعض الدول ونحنا واللبناني اختار وكل الفريقين يعني خلصت الانتخابات وانا بدي اهني كل الاحزاب اللي احنا كنا عم نتواجه بالانتخابات نتائج الانتخابات بديموقراطية متل ما لازم يكون وهالشئ بيكرس الديموقراطية بيكرس حرياتنا بيكرس طريقة الحياة وطريقة الديموقراطية في لبنان و هادا الشئ المطلوب نحنا اليوم نحنا بنشوفه انه هادا لحظة من اللحظات كنا عم نفتقده وهايدي أجت الديموقراطية أجت الانتخابات حتى تكرس الديموقراطية
عبد اللطيف المناوي:هناك البعض لمح ووصل البعض الى حد التصريح بان التيار الذي انتصر في الانتخابات هو التيار الموالي لاميريكا والمهادن لاسرائيل واستشهدوا على ذلك بذلك الترحيب الكبير الذي ساد اوساط الصحافة والاعلام في السياسة الغربية واوساط السياسة والصحافة الاسرائيلية كيف تردون انتم على ذلك
سعد الحريري: اقولك شغلة بموضوع اسرائيل ..اسرائيل لن تضيع فرصة لشرذمة الشارع اللبناني في اي لحظة يعني مثلا يوم السبت عشية بيطلعوا الاسرائيليين بيقولوا اذا ربح او تحالف حزب الله بالانتخابات فهنا هيعتبروها متل اعلان حرب على اسرائيل لما نحنا ربحنا قال انه هايدي حكومة قريبة للغرب ولازم تشلح حزب الله سلاحه.. شو اللي دخلك انت اصلا بالانتخابات اصلا انتم مشقفين ميت شقفة بإسرائيل هلا العالم بيجي ويقول والله الفلسطينيين فيه انقسام بينهم نحنا كلنا بنعرف انه الانقسام بإسرائيل حاد اكبر بكتير من الانقسام بفلسطين يعني اليوم بالنسبة للضفة وبالنسبة لغزة وبالنسبة لفتح وبالنسبة لحماس عدو واحد اللي هي اسرائيل ماحدا بيشكك بهادا الموضوع ..هنا بيحاولوا يعطوا انطباع الاسرائيليين انه والله احنا عندنا علاقات كتير كويسة مع اميريكا وعنا علاقات كتير كويسة مع اوروبا وعنا علاقات كتير كويسة مع معظم الدول العربية مع مصر مع الرئيس حسني مبارك عنا علاقات مميزة جدا مصر وقفت جنب لبنان بكل المراحل بالايام المنيحة واللي مش منيحة وقفت مصر والرئيس مبارك وقف شخصيا وكان عم يتابع اللي عم يصير بلبنان وهادا شعب لبنان ما بينسى فنحنا بننظر انه يكون كمان عنا علاقات طيبة مع سوريا ومع ايران المهم انه يكون عنا علاقات من دولة الى دولة على الاقل انه مثل ما الله يرحمه الشهيد قال مرة ما بيهم مين اللي بيبقى ومين اللي بيروح المهم البلد نحنا بيهمنا البلد
عبد اللطيف المناوي:مين اتصل بيك شيخ سعد من سوريا ومن ايران
سعد الحريري:السفير الايراني اتصل يعني خليني اقولك يمكن موضوع سوريا الناس الصورة لسه شائكة بس نحنا شجعنا العلاقات الدبلوماسية نحنا شجعنا انه يكون فيه علاقات دبلوماسية وصارت والحمد لله وطالبنا فيها فدا انجاز للبنان ..انجاز للبنان كيف العلاقات الدبلوماسية مش مشكل مع النظام اللي موجود اليومين دول بسوريا هادا مشكل عمره من سنة 1920 مافي اعتراف دبلوماسي وهادا مشكل قديم
عبد اللطيف المناوي:تم حله بشكل واضح ونهائي وبرضاء الطرفين
سعد الحريري: الحمد لله وهادا التطور وهادا يعني بتعرف المثل اللي بيقولك "خذ وطالب" نحنا هيك بنمثل
عبد اللطيف المناوي:لكن محدش اتصل بيك عشان يباركلك
سعد الحريري: اللي باركوا لي كتار
عبد اللطيف المناوي:خليني مرة تانية اعود الى نفس النقطة اللي وقفنا عندها التيار الذي فاز هو فوز لصالح من انت تحدثت عن اسرائيل والمحاولات الاسرائيلية التي تتحدث عن محاولات شق الصف اللبناني ومحاولة زرع الفتنة بين الاطراف اللبنانية ولكن ماذا عن القول بان هذا هو التيار الامريكي نتحدث عن التيار اللبناني انتم جاء نائب الرئيس الاميريكي واعطى اشارات في كلمته هنا الى ان هناك حالة من حالات التوتر في حالة فوز حزب اله بمجموعته
سعد الحريري: اول شئ نائب الرئيس الامريكي شاف رئيس الجمهورية وشاف السيد رئيس الحكومة وشاف السيد رئيس مجلس النواب ..رئيس مجلس نواب يعني يعتبر في مكان ما مع الطرف الاخر صح ولا لا.. فلذلك شاف كل الاطراف اجتمعنا نحنا بعض القيادات 14 اذار معه وتحدثنا بكل صراحة فيما يخص الكلام اللي هو اللي قاله وخاصة فيما يخص السلام في المنطقة فيما يخص القضية الفلسطينية يعني كلامنا واضح وصريح انه القضية المركزية لحل المشاكل في المنطقة هي فلسطين واسرائيل واذا اسرائيل ماهتفهم انه نحنا عرب قاعدين بهالمنطقة شو بدهم يعملوا لو ضلوا 100 سنة نحنا قاعدين لو ضلوا 200 نحنا قاعدين والفلسطينيين هيضلوا موجودين وبالاخر مصلحة المنطقة السلام مصلحة الشعب الفلسطيني السلام مصلحة اسرائيل السلام مصلحة كل دول العالم وبعدين انتوا بتفتشوا على امنكم القومي طب امنكم القومي ما بيقولكم انه والله لو صار فيه سلام في المنطقة ترتاحوا انتوا كمان ايضا فمن هالمنطق احنا حكينا مع نائب الرئيس اكيد مجئ نائب رئيس اميريكا في هالمرحلة التاريخية بلبنان يعني هادا شئ لازم يفتخروا فيه كل اللبنانيين
عبد اللطيف المناوي:هل مابتعتقدش شيخ سعد بان حالة التخويف النسبي التي صدرت تجاه الموضوع اللبناني هل التخويف من انتصار حزب الله ومجموعة من قبل مجموعة دولية مختلفة اضيف الى حالة الاحباط السني الذي يعيشه السنة في لبنان بعد ماحدث في العام الماضي يوم 7 مايو من 2008 هل مابتعتقدش ان هذه التخوفات هي التي يمكن ان تكون قد ساعدت على خسارة الطرف الاخر وكسبكم المعركة الانتخابية
سعد الحريري: لا انا برأيي شوف لبنان اللي صار ب7 ايار ولا اللي صار باغتيال رفيق الحريري ولا اللي صار بتموز حرب تموز في الاخر مين دفع التمن هل طائفة دفعت التمن او لبنان دفع التمن بكل مرحلة بيصير فيه ازمة بالبلد بدنا نعرف انه هايدي ازمة بيدفع فيها كل مواطن التمن مافي طائفة بتربح عن طائفة مافي مذهب بيكسب عن مذهب مافينا نيجي نقول انه حرب تموز هي كانت ضد الشيعة ..لا ..كانت ضد لبنان واللي دفع تمنه اهل الجنوب بس اهل الجنوب هما لبنان شو هنا مقاطعة لوحدهم ولا دولة لوحدهم ..لا .. اهل لبنان وهذا التفكير المذهبي والطائفي لازم نطلع منه انا بقولك صراحة 7 ايار يمكن متل ماقلت انت السنة حسوا حالهم انهم مستهدفين لكن انا بؤكد لك انه لبنان كانت مستهدفة اللبنانيين دفعوا التمن كل لبنان دفعوا التمن مافي لبناني شيعي سني مسيحي ماروني ارثوذكسي درزي دفع تمن ماحصل كل اغتيال في لبنان دفع تمنه لبنان
عبد اللطيف المناوي:ولتذكير السادة المشاهدين ماحدث في 7 ايار 7 مايو من 2008 كان ذلك عندما نزلت قوات حزب الله وبعض الحلفاء للسيطرة على العاصمة اللبنانية بيروت وبعض المناطق الاخرى وهي التي اودت بحياة عدد غير قليل من اللبنانين وهو اليوم الذي ذكرتم انتم مابننساه والسما زرقا
سعد الحريري: نحنا قلنا ما بننسى عدة امور مش بس هادا اليوم شوف هاليوم كان بالنسبة للبنانيين انه قررنا انه نطوي صفحة بالنسبة لهادا اليوم لانه هادا اليوم يوم ادى الى ماحصل في بيروت وقررنا انه نطوي صفحة لحتى يعني الخلاف بين اللبنانيين بيدفع تمنه اللبنانيين نحنا عنا ما بننسى رفيق الحريري ما بننسى جبران تويني مابننسى الجميل مابننسى كل الشهداء اللي سقطوا خلال ثورة الارز مابننسى النهرالبارد مابننسى الجيش اللبناني اللي دفع تمن الاف الشهداء مابننسى شهداء الجنوب اللي سقطوا في العدوان الاسرائيلي مابننسى اسرائيل مابننسى كل هالمرحلة اللي مرقت مابننسى انه احنا بدنا دولة مابننسى انه احنا بدنا جيش مابننسى انه احنا بدنا اقتصاد مابننسى انه بدهم الناس امل بدهم الناس تعيش ولذلك نحنا الشعار يمكن السما زرقا هاذا شعار نحنا وصغار كنا نقوله وهايدا بلبنان مابعرف في مصر بتقولوه .. هادا الشئ ما بننساه حتى نقول لانفسنا انه اللي حصل لا يجب ان يحصل مرة تانية
عبد اللطيف المناوي:شيخ سعد ماحدث من وجهة نظركم لاينبغي ان يحدث مرة اخرى ولكن السيد حسن نصر الله عندمتا خرج بعد الانتخابات ليتحدث ويعترف بنتيجة الانتخابات اعطى مجموعة من الاشارات سوف نتوقف امامها ولكن من بين ما اعطى تحدث عن ذلك اليوم باعتباره اليوم المجيد في تاريخك
سعد الحريري: دا قبل الانتخابات
عبد اللطيف المناوي:واظن انه حمل هذا المعنى بشكل او باخرسماه اليوم المجيد وهذا بعض المحللين فسروا بان هذا اعطى نقطة سلبية لهم في الانتخابات في التصويت وبعد الانتخابات لم يتراجع كثيرا عن هذا الموضوع كيف ترى انت هذه المسالة
سعد الحريري: انا اللي بدي اقوله انه نحنا بعد الانتخابات فتحنا صفحة جديدة وقالها الشيخ نعيم قاسم وقالها الرئيس بري وقالها حلفاءنا الدكتور سمير جعجع ووليد جنبلاط وكنا نحنا عم نطلع بايجابية نحنا بنقول انه هادي الانتخابات خلصت افرزت اكترية هالاكترية اليوم واجبها انها تخدم الناس نحنا علينا انه نسمع صوت هالاكترية وايضا نسمع الصوت الاخر كمان للي صوت للطرف الاخر فلذلك نحنا بلبنان واجبنا انه نوحد اللبنانيين نشوف كيف الامور اللي بتجمعنا بتجمع اللبنانيين بنركز عليها اللبناني اليوم شو بده اللبناني اليوم بده يفيق الصبح بده يروح على مكتبه ياخد ابنه او بنته بده امل بده طريق بده كهربا بده ضمان اجتماعي بده صحة بده مدرسة نحنا اللي بدنا نركز عليه واللي كل اللبنانيين اللي مجمعين عليه انه هادا الموضوع هادي الامور مجمعين عليها كلها هايدي الامور اللي احنا لازم نركز عليها في المرحلة القادمة اللبناني مابده يعيش انه كل يومين بيصير فيه حرب عليه مابده يعيش بخلافات بين بعضه فنحنا بدنا نركز على الامور اللي بتجمعنا والامور اللي بنختلف عليها اللي بنحسها يمكن محورية فيه طاولة حوار وموجودة عند رئيس جمهورية فيه امور انجزناها يعني مثلا طاولة الحوار هي اول من طرحت العلاقات الدبلوماسية بينا وبين سوريا وهادي انجزت هادي من انجازات طاولة الحوار انجز ايضا على طاولة الحوار موضوع التوافق على المحكمة الدولية هادي انجزت وصارت المحكمة الدولية اليوم بتاخد قرارات يمكن تعجبنا ويمكن ماتعجبنا بس المهم صار فيه محكمة هي بتقرر مين اغتال رفيق الحريري وسائر الشهداء فاخدنا قرارات فيما يخص الفلسطينيين المخيمات لم ينجز بس اخدنا القرار ..اخدنا القرار بالترسيم ، اخدنا القرار ولم ينجز ولكن بيصير انا اللي عم بقوله ان طاولة الحوار فكت كثير من العقد واليوم نحنا نركز عليها هلا بتقول انه صرتم مجتمعين 6 او 7 مرات و10 مرات و وين وصلتوا وليش ماوصلتوا هايدي الامور اللي فيها تعقيدات وفيها عقد وهاي العقد موجودة مش امبارح موجودة من فترة طويلة نحنا علينا طب أي الافضل نحنا نيجي نرفع الصوت ونقول انه بدنا ومابدنا وبنقبل ومابنقبل والاخر شو بيصير بيتشرذم البلد بيختلفوا اللبنانيين على حساب مين..؟
عبد اللطيف المناوي:في اطار هذا التوجه الذي يبدو تصالحيا
سعد الحريري: بثوابت اللي انا عم اقوله نحنا عنا الدستور الطائف وهذا الطائف لازم يتم لانه نحنا بننفذ ونحدد الطائف ونقوم بكل بنود الطائف ..الطائف فيه كتير حلول..طاولة الحوار جزء من تلاقي اللبنانيين بعد ما افترقوا وانت بتعرف جيد جدا اذا نحنا كلبنانيين اذا مابنحكي مع بعض شو بيصير فينا
عبد اللطيف المناوي:انفجار ، صدام
سعد الحريري: طيب لمصلحة مين..؟ نحنا اللي عم نقوله انه فيه حوار فيه موضوع نحنا مختلفين عليه نحنا اللي عم نقوله انه ان كان سلاح حزب الله ولا ان كان فيه استراتيجية دفاعية ولا ان كان ايه هو هادا موجود بحوار هادئ وبناء شوي شوي فيه ظروف بالمنطقة فيه ظروف بلبنان فيه ظروف كيف بدنا نوصل لها الحل هايدي كلها بتنطرح على الطاولة بهدوء لانه نحنا مرقنا بالحرب الاهلية وشفنا شو معناتها الحرب الاهلية ومين دفع تمن الحرب الاهلية اللي دفع تمن الحرب الاهلية هنّا هالعائلات اللي فقدوا اولادهم الجيران اللي فقدوا اصدقائهم اللي فقد ابنه ولا بنته ولا خيّه ولا امه ولا جده ولا سته وبعدين مين ربح ماحدا استفاد
عبد اللطيف المناوي:شيخ سعد متى سوف تلتقي بالشيخ حسن نصر الله
سعد الحريري: بعد ماصار شئ نحنا بنتحاور بيناتنا بين الحلفاء اول شئ انه قلنا الحوار لسه ما اتبلور مع الوقت بيصير
عبد اللطيف المناوي:هل هناك ترتيبات لهذا اللقاء
سعد الحريري: كل شئ بيصير هالامور شوية بنخليها سرية
عبد اللطيف المناوي:خليني انتقل معاك شيخ سعد الى موضوع خاص بالحكومة في لقاء سابق مع العام تقريبا معك كنت اسالك ولم يكن قد تم تشكيل حكومة في ذلك الوقت من تعتقد انه سوف يكون رئيس الحكومة او تفضل انه يكون رئيس الحكومة السنيورة ام سعد الحريري وقتها قلت السنيورة هو سعد وسعد هو السنيورة سؤالي هو هذه المرة من هو رئيس الحكومة المقبل
سعد الحريري: هذا السؤال اللي كل الناس بتساله خليني اجاوبك بصراحة هادا الموضوع تعرف نحنا ربحنا الانتخابات بتحالف مافي اليوم سعد الحريري لوحده بيجي يقول لحلفاؤه انا بدي اعمل هيك فلذلك انا وحلفائي بنجتمع امبارح مع فخامة الرئيس بدي اشوف الحلفاء الاخرين وبدنا نتشاور بين بعضنا نحنا 14 اذار خاصة كتير حريصين بالامور المفصلية انه يكون عم نتشاور مع بعض هلا دلوقت خلافات بس هذا الموضوع مفصلي مابدي اتشاور مع حلفائي بدي اتشاور واشوف ايه المصلحة للبلد وساعتها بتقلي هل انت مستعد ولا منّك مستعد يعني انا بعد 4 سنين اتعلمت كتير اشياء ونحنا عنا الشجاعة انه نصلح اخطاءنا وهادا الشئ لازم الواحد يعترف فيه واصبنا في بعض المحلات بس ناخد هيك قرارات ونتشاور مع بعض
عبد اللطيف المناوي:الى اين وصلت هذه المشاورات حتى الان
سعد الحريري: لسه بنصها لما بيصير في اجتماع بينا بين 14 اذار ونقرر
عبد اللطيف المناوي:الرئيس ميشيل سليمان له تصريح قال فيه ان الشيخ سعد الحريري هو زعيم تيار المستقبل الذي حصل على الاغلبية وبالتالي له الحق في ان يكون رئيس الوزراء اذا كان مستعدا لذلك ..شيخ سعد هل انت مستعد
سعد الحريري: والله انا مستعد بس القصة اني باحب اتشاور مع الاصدقاء اللي وقفوا معي منهم دفع منهم دفع تمن كبير خلال هالاربع سنين..الوقفة مع تيار المستقبل ماكنا وقفنا مع بعض 14 اذار دفعنا كتير من الشهداء كان لمصلحة لبنان تضحياتنا ماكانت تضحيات شخصية كانت تضحيات لمصلحة لبنان وحرية لبنان واستقلال لبنان فلذلك لما ناخد هيك قرار بناخده مجمعين ..انا علاقتي مع فخامة الرئيس علاقة كتير جيدة وانا بحترم فخامة الرئيس ورئيسنا ورئيس كل لبنان واللبنانيين من هالمنطلق بتصرف معه انه نحنا قد مافينا نلبي بنلبي
عبد اللطيف المناوي:امتى يتوقع ان يتم تسمية رئيس الحكومة
سعد الحريري: انت بتعرف انه بيحكوا كتير رئيس الحكومة بعد ماينتخبوا مجلس النواب وبعدها اذا كنا حاضرين اللجان اللي موجودة بالمجلس بعدها بيصير فيه مشاورات كل كتلة بتطلع على رئيس الجمهورية ونسمي الشخص اللي بدها اياه رئيس حكومة يعني بعد شي 10 ايام او 15 يوم
عبد اللطيف المناوي:ذكرت اختيار رئيس مجلس نواب مجموعة 14 اذار من ستختار رئيسا لمجلس النواب
سعد الحريري: ما اجتمعنا لسه كلنا في مشاورات وان شاء الله بنقرر ونشوف مين مرشحين
عبد اللطيف المناوي:هل السيد نبيه بري يمتلك فرصة كبيرة هذه المرة
سعد الحريري: لا هو مرشح مافي حدا مترشح غيره ونشوف خلينا نشوف
عبد اللطيف المناوي:هو المرشح الاقرب حتى الان
سعد الحريري: يعني نحنا ماتشاورنا ولكن هو المرشح الوحيد
عبد اللطيف المناوي:احد المصطلحات او احد مخرجات الازمة اللبنانية في الازمة السياسية اقصد كانت المسالة الخاصة بمفهوم الثلث الضامن والثلث المعطل وفقا لكل طرف كما يسميه داخل الحكومة شكل الحكومة القادمة أي ثلث سوف يحتوي ضامن ام معطل ولا رئيس الجمهورية كيف سيكون شكل الحكومة
سعد الحريري: ولا بتلتين ولا بريع ولا بنص
عبد اللطيف المناوي:الناس كلهمم بيكلموا
سعد الحريري: انا من منطق انه نحنا مرحلة جديدة وانفتاح جديد وصفحة جديدة يعني خلينا نحنا نحترم اللي يقولوه الناس اول شي .. تاني شي خلينا نحنا نركز على انه بدال ما نحكي بالاعلام كل واحد شو بده انا افضل انه نحنا قادرين انه نحكي مع بعض ونتشاور مع بعض بشكل ديموقراطي لحتى نشوف شو مصلحة احنا شفنا المرحلة للي سابقة اللي مرق فها البلد فيها بحكومة معطلة مانجحت خلينا نشوف كيف احنا بدنا نعمل صيغة نقدر نجمع الناس
عبد اللطيف المناوي:هل هناك ملامح لهذه الصيغة
سعد الحريري: لا مافي ملامح لحد هلا..
عبد اللطيف المناوي:هناك مطالبات بمشاركة في داخل الحكومة يعني رئيس تكتل التغيير عماد عون بيقول سنشارك في الحكومة ونحن نريد وزراء بحسب التمثيل النسبي و30 وزير يجب ان يحصل التكتل على 7 وزراءوزراء اذن هناك مطالبات موجودة كيف تتعاملون انتم مع هذه المطالبات والى أي مدى تعتقد ان هذه المطالبات مطالبات واقعية
سعد الحريري: انا كنت اتمنى ان هذا الحوار يصير مش بالاعلام لانه انت بتعرف استاذ عبد اللطيف بس بتطلع للاعلام بتصير انت عم تتحدى وعم تحط شروط مافيك تتراجع عنها نحنا لابدنا حدا بيتراجع ولا حدا يتقدم نحنا بدنا يكون فيه حوار يعني مغلق بينا فيه طريقة دستورية للاستشارات رئيس الحكومة بيقوم ساعتها بيتشاور مع كل كتلة نيابية..كل كتلة نيابية ومن بعدها بنقرر شو اللي بيصير بالحكومة اللي بيقولك كيف عارف شكلها للحكومة مابيعرفش ..صراحة..خلينا نحنا نمرق بالخطوات الدستورية اللي بتلزم رئيس حكومة انه يشكل هالحكومة مع فخامة الرئيس ..ان اللي بيهمني انه الحكومة تشتغل اذا اللبنانيين بعد النزول الى صناديق الاقتراع ان كان بقى 14 اذار ولا 8 اذار ماهيشوفوا حكومة تقدر تشتغل وتنجز اعمال نكون نحنا فعلا لسنا متأهلين لحتى نكون سياسيين
عبد اللطيف المناوي:عشان الحكومة تشتغل لازم يكون فيه توافق على القاعدة السياسية
سعد الحريري: بده يكون فيه بكل صراحة نحنا اللي حطنا بها المكان هنا الناس اللبنانيين الناس اللي حطونا واللي ماسمع عن الصوت يتفضل يسمعه لانه هايدي واجبنا نحنا بنشتغل عنده
عبد اللطيف المناوي:هل بتعتقد انه من حق كل القوى السياسية التي فازت بمقاعد في البرلمان ان يكون لها حضور بشكل او بآخر داخل التشكيل في الحكومة
سعد الحريري: انا برايي انه الاستعجال بها لكلام كله ما بيؤدي الى مكان حتى حلفائي مش كل واحد بده مابعرف فما بالك اللي احنا شوية هيك على خلاف معه فانا برأيي بحوار هادئ واضح بنعرفه وبنقدر نشكل وبنقدر نركب هالحكومة
عبد اللطيف المناوي:هناك وجهة نظر يتم تسويقها في هذه المرحلة او في هذا التوقيت بانك سوف تعتمد في حالة مالو ترأست الحكومة سوف تعتنق تلك السياسة التي كان ينتهجها والدكم الشهيد رفيق الحريري بان تطلق يدك في ادارة المسالة السياسية والمسالة الاقتصادية على انم يتم شكل من اشكال الاحتضان او غض الطرف النسبي عن مسالة سلاح المقاومة الى أي مدى صحة هذه المسالة الى أي مدى تتعاملون مع هذا الكلام
سعد الحريري: كان الوالد الله يرحمه كان مسئول عن كل لبنان اللي عمل اتفاق 1996 كان رفيق الحريري وكان جزء كبير من تشكيل المقاومة فهو كان معنا من الاول للاخر بكل شي عم يحصل على الاراضي اللبنانية ولذلك رئيس الحكومة ورئيس الجمهورية معني بكل مايحصل على الاراضي اللبنانية من هالمنطلق أي رئيس حكومة بده ييجي اليوم بده يكون معني بكل ما يجري على الاراضي اللبنانية بالاقتصاد بالسياسة بالسلاح بالامن بالشئون الاجتماعية كل شي مافيك تيجي تقول انه انت والله وزارة لها هالشي فقط..لا.. لانه هو بالآخر ان صار حرب على لبنان مسئول صح ولا لا ..نتفاوض مين اتفاوض ال1701 مش رئيس حكومة هو متى رئيس جمهورية غائب عن الوعي الرئيس اميل لحود بس كان فيه رئيس حكومة وكان رئيس مجلس النواب اللي هو الرئيس نبيه بري اللي قدروا مع الحكومة هي اللي واجهت العدوان وهي اللي قدرت تعمل قرار1701 هادا قرار بالاجماع طلع وهادا الناس مابتستسهله بس احنا طلعنا قرار ضد اسرائيل
عبد اللطيف المناوي:كيف ستتعامل انت مع موضوع المقاومة
سعد الحريري: نحنا بنتعامل مع هذا الموضوع بواقعية
عبد اللطيف المناوي:بمعنى
سعد الحريري: نحنا فيه طاولة حوار بده يكون فيه حوار بالنسبة لحزب الله شوف خليني اقولك شغلة نحنا بدنا شراكة هالشراكة بتكون مبنية بالسياسة بالاقتصاد بالامن بالحرب بالسلم بكل شي فلذلك نحنا بنطلع على هذا الموضوع انه احنا شراكة بالسراء والضراء انا بنظر للامور هيك
عبد اللطيف المناوي: اعيد السؤال مرة اخرى سلاح حزب الله كيف يتم التعامل معه من وجهة نظرك
سعد الحريري: انا قلتلك نحنا في طاولة الحوار صح ولا لا ..وهادي طاولة الحوار عم تناقش الاستراتيجية الدفاعية اللي بدهم سلاح حزب لله من هالمنطلق نحنا بنتطلع على كيف بدنا نتعامل مع هادا الموضوع اما فيما يخص شو اللي بيصير على الاراضي اللبنانية الحكومة اللبنانية معنية بكل هادا رئيس جمهورية ورئيس مجلس وزرا والسلطة التشريعية معنية بها الموضوع
عبد اللطيف المناوي:طيب خليني انقلك وجهة نظر لبنانية في هذه المسالة سمعتها من احد اللبنانيين هناك من يطالب بضمانات لحزب الله ولسلاح حزب الله حتى يتم التعامل مع قضية سلاح حزب الله في حين ان المسالة تبدو وكانها معكوسة ان من يطلب الضمانات هو من لايملك السلاح وليس من يملك السلاح هل مابتعتقدش ان دا شكل من اشكال التناقض التي تثير شكل من اشكال الحيرة البلبلة لدى المواطن اللبناني الطبيعي العادي الذي ذهب الى صناديق الانتخاب ليصوت لكم
سعد الحريري: فيه بلبلة انك انت كيف بدك تقارب الموضوع لو تقاربه بالمواجهة اله تداعياته بدك تقاربه بالهدوء بالروية وبالحكمة وبالعقل اله تداعياته بدك تقاربه بالمصلحة اله تداعياته كل طريقة التصرف في هذا الشأن اله تداعياته اللي انا بقوله انه ما في خلاف..فيه خلاف واضح بين اللبنانيين في هذا الشان ماحدا مخبى هنا عارفين ونحنا عارفين هادا الموضوع فيه على طاولة الحوار في مكان ما نتناقش فيه حوار سياسي عم يصير بين الاطراف وفيه ايضا مصلحة البلد هدول التلاتة بدنا نشوف كيف بنقدم مصلحة البلد عن مصلحة كل الاحزاب اللبنانية
عبد اللطيف المناوي:الى أي مدى هذا التوجه شيخ سعد يلقى معارضة في داخل صفوفك.. اثناءالحملة الانتخابية كان هناك حديث اكثر حدة حول هذه المسالة
سعد الحريري: حملتنا الانتخابي لم تتطرق الى السلاح نحنا حملتنا الانتخابية كانت مبنية على لبنان واللبنانيين وحق اللبناني وحق اللبنانيين فيما يخص سلاح حزب اله نحنا عم نقول انه فيه خلاف بالحاضر وبالمستقبل نحنا اللي عم نقوله انه نحنا حملتنا الانتخابية كانت موجهة الى اللبنانيين الى الاقتصاد اللبناني الى المواطنين الى انه نحنا كلبنانيين شو بدنا من لبنان كيف بدنا لبنان هل نحنا كل يوم بنكون عرضة لحرب هل بيحق له اللبناني انه يكون عنده استشفاء انه يكون عنده مدارس هل بيحق له للبناني انه يكون عنده جيش قوي هل بيحق له اللبناني انه يسمع الراي الاخر بدون مايتواجه بالتخوين ولا بالتكفير نحنا بنؤمن بالحريات بس الحريات بيبقى لها ايضا ضوابط
عبد اللطيف المناوي:الى أي مدى تعتقد انك سوف تجد تجاوب من الطرف الاخر تجاه هذا النهج الذي تنتهجه الان في شكل من التوفيقية المصالحة اعادة فتح باب الحوار مرة اخرى الى أي مدى جالكم اشارات ايجابية حول هذا الموضوع
سعد الحريري: هلا اذا انت الطرف الاخر مابتتجاوبمع هذا الحوار
عبد اللطيف المناوي:انا مش عارف جاتلك اشارات بالمعنى دا ولا لا.. لست انا الطرف الاخر
سعد الحريري: انا برأيي المتواضع انه اليوم نحنا كيف بدنا ننظر لمصلحة لبنان اولا هي الاساس بكل ما نتعاطى به بأي مسالة وطنية شوف أي علاقة مع أي دولة بنشوف مصلحة لبنان الاول قبل مانشوف مصلحة الدولة وبالتالي نحنا بالنسبة لنا هاذي الدولة هتفيد لبنان ولا ماهتفيد لبنان وهتضر بلبنان ولا ماهتضر بلبنان ومن هون احنا بنعتبر انفسنا في مكان ما .. تيار المستقبل هو اعتدال لانه الاعتدال بالسياسة لحكمة انا برايي الاعتدال بكل شي الاعتدال بالسياسة بالدين بالعمل بكل شي بتعمله بحياتك هو ممكن ينجح
عبد اللطيف المناوي:شيخ سعد انت سالتني لو كنت انا الطرف الاخر من الحوار ماذا سوف يكون موقفي..موقفي سوف يكون ان احاول جس النبض هل تمت محاولات لجس النبض
سعد الحريري: نعم ونحنا فيه حوار بيصير وهادا الحوار مش هاقوله عالتليفزيون
عبد اللطيف المناوي:على أي مستوى
سعد الحريري: على عدة مستويات بس خلينا هيك..الاعلام مع كل محبتنا لاله وكل تقديرنا لاله وهو للي نجحنا في الانتخابات في الاخر وبعض الاعلاميين بيحاولوا اكيد مش لان بس بعض الناس بتحاول تستغل الاعلام الى منطق سئ
عبد اللطيف المناوي:طيب احد القضايا الداخلية ايضا المطروحة هي المسالة الخاصة بالصلاحيات الخاصة لرئيس الجمهورية هناك حديث في ان رئيس الجمهورية يتحول في مرحلة من المراحل الى مجرد صندوق بريد يتم فيه وضع ماينبغي ان يوضع فيه لكي يعلنه السؤال هو كيف تقيم انت الصلاحيات الممنوحة لرئيس الجمهورية اللبنانية في هذه المرحلة وهل تعتقدون انها تحتاج الى اعادة نظرالى اضافة كيف تنظرون الى ذلك
سعد الحريري: اول شي الواحد يتصور انه رئيس الجمهورية هادا اهانة هو المسئول
عبد اللطيف المناوي:سياسي لبناني لن اسميه وانت تعرفه جيدا ولن اسميه ..
سعد الحريري: انا مابعرف مين قال
عبد اللطيف المناوي:انا اقدر اقولك في الحالة دي ماقال هذا الموضوع هو العماد ميشيل عون
سعد الحريري: انا برأي انه هادا الكلام مسئ لرئيس الجمهورية اول شي رئيس الجمهورية مافي حكومة تتشكل الا برؤية رئيس الجمهورية لو شو ماعملوا ..رئيس جمهورية عنده التوقيع
عبد اللطيف المناوي:اذا يملك التعطيل ولا يملك الدفع
سعد الحريري: بيساعد بياخد قرارات يحكم بين اللبنانيين يملك انه يسوق بين اللبنانيين انا اللي عمم بقوله انه خلينا نطبق الطائف انا مش ضد تعديل صلاحيات رئيس الجمهورية بس خلينا نطبق الطائف متل مالازم احنا نطبقه اذا انه والله رئيس جمهورية ارتأى انه لازم بعض التعديلات تسير لرئاسة الجمهورية انا مع مش ضد
عبد اللطيف المناوي:رأيك الشخصي في مسالة رئيس الجمهورية هل رئيس جمهورية في لبنان بهذا الشكل بهذه الصلاحيات
سعد الحريري: التحديد من السلطة التنفيذية هو جزء ممكن اذا فيه توافق بين رئيس جمهورية ورئيس حكومة البلد بيعمل عجايب وهايدي هو الاساس بالنسبة للاقتصاد بالنسبة لكل شي ورئيس جمهورية بيملك انه يحط حدود لكل من رئيس حكومة ورئيس مجلس نواب بس بشخصه بموقعه بطريقة عمله يعني نحنا شفنا مرحلة من المراحل كان فيها الشهيد رفيق الحريري عم يحكم البلد كان رئيس وزارة ماقدر يعمل كتير امور ليش لانه رئيس الجمهورية كان ضده لانه رئيس الجمهورية مابده الامور تسير كان شايفها بطريقة اخرى فكان يعطل كان قادر يعطل
عبد اللطيف المناوي:فيما بدو لي ان هناك شكل من اشكال العلاقة الطيبة اللي بتجمعك برئيس الجمهورية
سعد الحريري: مش كده
عبد اللطيف المناوي:انا بقول كده
سعد الحريري: بالعكس لازم يكون فيه علاقة طيبة برئيس جمهورية ورئيس الحكومة ورئيس مجلس النواب التلاتة بيكملوا بعض التلاتة بيكون لبنان بخير بس يكون التلاتة متفقين
عبد اللطيف المناوي:هل ساعد رئيس الجمهوية تيار المستقبل بشكل او باخر في الانتخابات النيابية كما ذكر
سعد الحريري: هو قال انا ما بدي اتدخل وما اتدخل
عبد اللطيف المناوي:لم يتدخل في أي مكان
سعد الحريري: لا
عبد اللطيف المناوي:هل بتعتقد ان هناك تغير نسبي حدث في طبيعة توجه التصويت في لبنان نتحدث عن الصوت المسيحي عن الصوت الشيعي هل هناك تغير كبير في الخريطة السياسية في لبنان في اطار الانتخابات الاخيرة
سعد الحريري: شوف هنّا ارادوا .. عملوا مشكل طويل عريض عشان 1960 نحنا بدانا نطور
عبد اللطيف المناوي:كان فيه حديث عن تطوير قانون الانتخاب صحيح
سعد الحريري: مش هلا اللي طوره وحطينا بعض البنود اللي بتساعد وزارة الداخلية ان تكون شوية علمية اكتر بالنسبة للانتخابات بالنسبة للتصويت وزير الداخلية انجز انجاز كبير وعملناها بيوم واحد هنا ارادوا هالقانون والناس نزلت صوتت بموجب هالقانون فمن هالمنطلق فيه تغيرات بس انا مابحب اني اقول انه فيه تغيرات في الشارع المسيحي ولا الشارع السني انا برايي ان هناك ناس صوتت لمشروعين فيه ناس مؤمنة بمشروع 8 اذار وفيه ناس مؤمنة بمشروع 14 اذار هلا واحد مسلم وواحد مسيحي وواحد سني وواحد شيعي وواحد درزي وواحد ارثوذكسي هادا الدين لله
عبد اللطيف المناوي:شيخ سعد سؤال اخير حول المحكمة الدولية تمنى عليك السيد وليد جنبلاط ان تقبل بحكم المحكمة الدولية في حالة ماصدر على الا يتم تطبيقه او تنفيذه تخوفا من ان ذلك قد يؤدي الى حرب اهلية السؤال هو ايه رايك في هذا الموضوع وهل تملكون قدرة على قبول حكم محكمة بتنفيذه او عدم تنفيذه
سعد الحريري: المحكمة الدولية بدها تصدر قرار هادا القرار بايد المجتمع الدولي والمجتمع الدولي هو اللي بيتدخل المجتمع الدولي مش بايد المحكمة ولا بايد سعد الحريري ..وليد جنبلاط مع احترامي واللقب للجميع بس ولا بايد أي لبناني اليوم ..اليوم المحكمة الدولية اذا اصدرت حكم بمين ماكان هتصدر الحكم التطبيق نحنا شفنا في مراحل المحكمة الدولية اللي صارت بالنسبة لصربيا ولميلوسوفيتش اخدت وقت طلع الحكم اخد وقت حتى قدوا يمسكوا لملوسيفتش ولا غيره من اللي حكمت عليهم المحكمة بس في الاخر انتهوا فالمحكمة المشكل مش هيكون معنا المشكل هيكون مع المجتمع الدولي مع المحكمة الدولية نحنا ماهيكون النا يد في انه نقبل نحنا سعينا للمحكمة نحنا نريد الحقيقة ونريد العدالة ونريد الحكم ونريد تنفيذ الحكم من هالمنطلق بالنسبة لالنا اللي لازم الناس تعرفه انه هادي المحكمة منها بايد انسان بايد محكمة دولية بايد مجتمع والمحكمة فعلا منها مسيسة بس لما طلعوا الضباط الاربعة وقعدوا يحكوا ان هالمحكمة مسيسة منها مسيسة نحنا قبلنا الحكم وكنا سعيدين انه المحكمة اخدت قرار وانهه المحكمة ابتدات فعليا بس لما تاخد المحكمة قرار الضربات اللي اكلناها عشان هالمحكمة والشعب اللبناني ضلوا متمسك وكل 14 شباط وهلا بالانتخابات نزلت الناس بتسالني لشو صوتت ، صوتت للمحكمة الدولية صوتت للعدالة فلذلك نحنا بنقول انه هاي المحكمة بتطلع حكمها فيه كتيرمن الناس طلعت بنظريات شمال ويمين نحنا قلنا انه ماهنصدق حدا فيه محكمة دولية بتقرر تتهم وهالقرار الوحيد اللي نحنا نتمسك فيه
عبد اللطيف المناوي:شيخ سعد الحريري زعيم تيار المستقبل وزعيم تحالف 14 اذار مرة اخرى تهنئتكم بفوزكم في الانتخابات وتهنئتنا للبنان بكل الخير دائما ..السيدات والسادة شكرا لكم والى لقاء في مرات قادمة باذن الله