لقاءات خاصة

موضوع الحلقة : ازمة الطاقة الكهرباء الازمة والحل
اهم ماجاء في الحلقة
الفحم من اهم مصادر الطاقة ومايقال عن تلوثه للبيئة غير صحيح
رفع الدعم يتم بنسبة 5% كل عام ولا يتم فجأة
مصر تمشي في طريق الدعم بحكمة شديدة
احمد بصيلة : اعزائي المشاهدين اهلا بكم في حلقة جديدة من لقاء خاص هذه الحلقة نستكمل فيها الحديث عن ازمة الطاقة ومعنا للحديث عن هذا الموضوع الدكتور ماهر عزيز استشاري الطاقة والبيئة .. بداية امشكلة عند المواطن لا تقتصر عن انقطاع الكهرباء وانما في اجهزة بتبوظ واطعمة بتبوظ وكل دي تكلفة على الاسر المصرية اللي دخلها محدود وعندنا المشكلة كما ذكر في نقص الوقود والصيانة
د/ ماهر عزيز: الحقيقة المشكلة لها اكتر من مستوى اولا الازمة في موارد الوقود ونمط الاستهلاك وازمة في التسعير وازمة في تمويل مشروعات الطاقة وتوفير امدادات الوقود كمان ان رصيد الطاقة غير امن 96% محروقات طاقة وغاز وهذا الوضع في غاية الخطورة ويشكل كارثة لاي بلد انه معندكش رصيد امن
احمد بصيلة : ليه فجاة ظهرت هذه الازمة يادكتور
د/ ماهر عزيز: الحقيقة بوادر الازمة بدات تظهر عهلى خفيف من 2005 اولا فيه بدائل فكرنا فيها من زمان وهيئة الطاقة المتجددة وطبعا الطاقة المتجددة كانت غالية في البداية فاستعنا بالمنح المانيا منحتنا كذا توربينة رياح واصبح لدينا 550 ميجاوات من طاقة الرياح والطاقة الشمسية مشيت ببطء اكتر والسخانات الشمسية وطاقة الوقود الحيوي برضه مشيت فترة وتعثرت لكن احنا مشينا في الطاقة المتجددة مع العالم لكن فيه بديل تاني فكرت فيه الدولة وتعثر لظروف وهو الخيار النووي وعندنا الضبعة وفكرة تنويع المصادر قائمة فعندك ادارة ملف الطاقة حرجة جدا انه عاوز يحل المشكلة بتاع النهاردة فتاخر حل مشكلة بكرة
احمد بصيلة : ايه المقصود بنمط الاستهلاك وازاي الدعم بيكون له تاثير
د/ ماهر عزيز: لانه نمط الاستهلاك فيه نوع من السرف وانخفاض كفاءة الطاقة.. فيه مباراة في العالم انها تقلل كثافة الطاقة اليابان على مدى 30 سنة عملت خطة تقلل 40% من كثافة الطاقة يعني اذا كان عندك 1 دولار نزلت منها 40% و60% منها بس ينتج واحد دولار ايضا احنا عندنا مطالب مشروعات ترشيد في كل انواع الاستهلاكات ورفع كفاءة الطاقة انما دا مرتبط بتسعير الطاقة والدعم لانه لما انت بتجد انك قادر تستهلك طاقة زي ما انت عايز لانه انت قادر على تمنها مفيش مشكلة لكن لو عند حد معين لقيت ان التمن هيبقى مشكلة هتبتدي تفكر كويس انه ماتوصلش للحد اللي عنده التمن مشكلة ..
احمد بصيلة : دا لا يطبق على المصانع
د/ ماهر عزيز: المصانع كانت بتاخذ دعم ولكن بدات في رفع الدعم عن بعض الصناعات الضخمة مدى قصير .. مصر مشيت في المسالة دي بحكمة شديدة ولكن انت في ازمة محتاج رفع الدعم عن الموسرين
احمد بصيلة : ايه البدائل والحلول
د/ ماهر عزيز: انت عندك لازم تسد الفجوة بين الانتاج والاستهلاك ..والحل السريع انك تستورد منتجات بترولية وغاز طبيعي ووزارة البترول تاخد اجراء في هذا ووزارة الكهرباء بتحسن من مستوى الصيانات واتفاقات مع الصناع والموردن في كل مكان
احمد بصيلة : امبارح كان عندنا لقاء وذكر في اللقاء ان المحطات اللي تم انشاءها ف الفترة الاخيرة غير مطابقة للمواصفات ولا تعمل بكفاءتها الكاملة نتيجة ان مكوناتها لا تصلح للعمل بطاقة كاملة ايه راي حضرتك في هذا الكلام ..
د/ ماهر عزيز: انا شاركن في عملية وضع المواصفات والترسية فيه عملية بتمشي في غاية الدقة في قطاع الكهربا مفيش نتيجة ابدا الا لما تطرح المناقصة عالميا وتقدم لك العروض وتتحلل على الفرازة ويشارك فيها البنوك المقرضة والاستشاري الهندسي لشركات الكهربا وبعدين يطابقوا البيانات بحيث تختار افضل العروض فنيا وماليا وفيه عقود مع الصناع والموردين لاجل الصيانات وقطع الغيار واحنا بنجيب من اعظم الموردين من ميتسوبيشي وجينرال اليكتريك
احمد بصيلة : يبقى نكمل الحلول يادكتور
د/ ماهر عزيز: لازم نحسن كفاءة الاستخدام واللي بيولع 5 لمبات لو طفى لمبتين واللي عنده تكييف يظبطه على 24 او 25 هتوفر 3 الاف ميجا على الاقل فيه حلول بسيطة والحاجات دي بتفقرق جدا جدا واعتقد ان الناس بقى عندها وعي .. عندك ايضا تنويع مصادر الطاقة يعني لا ينبغي ان مصر يكون عندها مصدر وحيد من الطاقة عشان كده انا اخحيي رئيس الوزراء اللي خد قرار ان مصر يجب ان تنوع مصادر الطاقة وفتح الباب لخيارات الطاقة
احمد بصيلة : وهل المحطات اللي عندنا تصلح
د/ ماهر عزيز: لا يمكن ان المحطات القائمة تحول للعمل بالفحم صعبة جدا ومكلفة وغير عملية فاللي هيشتغل بالغاز هيستمر كجده لحد ما ينتهي عمره الافتراضي واللي بالبترول هيشتغل لحد ما ينتهي عمره الافتراضي احنا عايزين البنية الاساسية جديدة تبتدي تمتاز بهذا التنوع يعني مثلا احنا عندنا ال5 سنين الي جاية عايز تستورد الغاز والمنتجات البترولية لانه النهاردة لو بدات تبني 5 الاف ميجا بالفحم بعد 5 سنين هيبقى عندك 15 الف ميجا بالفحم
احمد بصيلة : هل فعلا فيه مضاعفة لاسعار الكهربا
د/ ماهر عزيز: لا يعرف الدعم من الف لالفين واللي عنده خطأ ما ان يتقدم لاقرب مراقبة كهربا ورفع الدعم بيتم 5% لكل سنة ومكتب وزير الكهربا مفتوح
احمد بصيلة : ماذا عما يقال عن تلوث الفحم للبيئة
د/ ماهر عزيز: فيه دول عديدة تستخدم الفحم ومنظمات دولية .. وبدل ما يتكلموا عن معلومات وتنفس الانسان بيطلع شوية بخار مية وشوية ثاني اكسيد الكربون وهو عامل زي تنفس الانسان وفيه محطة بالفحم موجودة في فيرجينيا وفريق الفوت بول بيلعب جنبها.. فيه عملية تزييف للوعي للاسف واحد عرض صورة لكوم تراب موجود في القاهرة وطالع منه تراب وقالك دا الفحم اللي في الدخيلة .. الفحم بييجي مجروش مش بودرة وعليه 10% من وزنه مية يعني لو جت عليه مية مش هيطير .. الميجاوات ساعة المولدة من الفحمى تكلفتها من 52 دولار باجهزة الحماية والغاز من 65 ل78 والفحم منافس له العالم كله بيستخدم الفحم.. وعايز اقول ان الكلام انه سنة 2018 هيتم اكتشاف كميات هائلة من الغاز الطبيعي الكلام دا مش سليم لانه هيكون فيه كشوف وتبارك مصر باكتشافات جديدة ولكن فيه حاجة اسمها القيمة المضافة لو ولدت من الغازظ الطبيعي القيمة المضافة تساوي وحدتين ولو خدت الغاز الطبيعي وعملت صناعةبتروكيماويات القيمة المضافة 16 يبقى انا ربنا اداني سلعة ثمينة اقدر اعظم الفادة الى 16 ضعف واحرقها في محطات الكهربا عشان اخد منها ضعفوحتى لو عندي غاز طبيعي مش هعمل منه كهربا لانه القيمة المضافة في 16 ضعف
احمد بصيلة : شكرا لك والى اللقاء