45 دقيقة

التاريخ : 13/1/2014
الضيوف : المستشارة /تهانى الجبالى - نائب رئيس المحكمة الدستورية العليا
التقديم : ايها ب اللاوندى
التحرير: سكينه حمدى اسماعيل
عنوان الحلقة واهم ما جاء بها :الاستعدادات للاستفتاء على الدستور الجديد
الاعداد : سكينه حمدى اسماعيل
ايهاب اللاوندى : اعزائى المشاهدين اهلا بكم وحلقة جديدة من 45 دقيقة كل عام وانتم بخير بمناسبة المولد النبوى الشريف النهاردة الاثنين 13/1/2014 12 ربيع الاول 1435 هجرية يارب ودائما فى احتفالات وفرح وسعادة وامامنا اخلاق وقيم الرسول عليه الصلاة والسلام اللى دائما ينادينا نعملها ونتفاعل معها ..
فاصل
ايهاب اللاوندى : مشاهدينا بكرة 14 يناير بداية اول يوم لاسحقاق الاستفتاء على الدستور يناير 2013 الوثيقة الدستورية الجديدة بعد تعديل دستور 2012 المعطل يشرفنى ان يكون معى على التليفون السيد اللواء / محمد رفعت قمصان مستشاررئيس مجلس الوزراءللوقوف على اخر استعدادات الحكومة لخروج هذا اليوم الى بر الامان مساء الخير سيادة اللواء اهلا بحضرتك
الاستاذ/ محمد رفعت قمصان : مساء الخير
ايهاب اللاوندى : كل سنة وحضرتك طيب
الاستاذ/ محمد رفعت قمصان : وانت بالصحة والسلام
ايهاب اللاوندى : بنتكلم على اول استحقاق فى الطريق وهو الاستفتاء على اول استفتاء 2013 فى جو كبير من التحديات الداخلية والخارجية ماهى استعدادات الحكومة للخروج فى هذا اليوم
الاستاذ/ محمد رفعت قمصان : هى مناسبة كما ذكرت حضرتك قومية جيدة لشعب مصر كله هو طواق لمعايشتها وممارستها انشاء الله بخير وسلام ومجلس الوزراء والسادة الوزراء العملية الانتخابية ودى بتعاون السادة على اداء مهمتها جاهزة تماما تماما لهذه المهمة وتمت كل خطوات خطة التامين الشامل والكافى بالتنسيق مع القوات المسلحة وايضا وزارة الدولة للتنمية الادارية ووزارة الدولة للتنمية المحلية وزارة الشباب وزارة الاتصالات كل الاجهزة فى الدولة ذات الصلة بهذا الامرانشاء الله هتنجزالمهمة بخير وسلام باذن الله مسخرة كل امكانياتها لهذا الامرانشاء الله
ايهاب اللاوندى : سيادة اللواء رفعت واحنا بنتكلم على هذا الاستحقاق الهام فى تاريخ الامة المصرية عايزاعرف السادة المشاهدين اولا بداية الاستفتاء او الاقتراع من الساعة كام وتنتهى متى
الاستاذ/ محمد رفعت قمصان : هو انشاء الله الاقتراع يختلف عن سابقة كان زمن المواعيد زمان من 8-7 انما حاليا من 9صباحا الى 9 مساءا واليوم الاول يبقى من 9 صباحات الى 9مساءا اليوم الثانى نفس الموعد من 9صباحا الى 9 مساءا ولكن يجوز فى حالة تواجد عدد من الناخبين فى الجمعية الانتخاب السادة اعضاء الهيئة القضائية هيستمروا حتى ينتهوا من العدد المتواجد او وفقا لما تقررة اللجنة العليا انشاء الله
ايهاب اللاوندى : لكن لو حصل وده انشاء الله المتوقع ان تكون هناك كثافة كبيرة لجموع المستفتين هل هناك امكانية ان يستمر هذا الاستفتاء ليوم ثالث يعنى يبقى يوم الخميس كمان يبقى فى تصويت
الاستاذ/ محمد رفعت قمصان : والله مش عايزين نسبق الاحداث المؤكد حضراتكوا ملاحظين ان السيد رئيس الجمهورية كلما لمس نبض الجماهير وفى موضوع معين وفى رغبة معينة من الجمهور ومن المواطنين فى امر معين يزيد من امكانية تمتعة بالحقوق الدستورية وينفذ لهم الامر سيادتة بيستجيب فورا بالتنسيق مع الاجهزة المعنية فى الدولة ومعاونية على اتمام هذا المطلب فول الامور فى اليوم التانى ابزت ان فعلا فى اقبال شديد والعديد لم يتمكن من الادلاء بصوتة احتمال ايضا السيد الرئيس يستجيب لهذا ويمد التصويت لليوم الثالث اذا لزم الامر
ايهاب اللاوندى : واحنا بنتكلم سيادة اللواء على عملية التصويت عملية تصويت المواطنين الموجودين بالخارج اللى بدات الاربعاء وانتهت بالامس الاحد وبيتكلم على نسبة تصويت قالت نعم لمسودة دستور 2013 تقريبا متوسط عام 96% من عدد المشاركين فى هذا الاستفتاء هل هى دى النتيجة النهائية والا لسة فى نتائج تتوالى تباعا يا افندم
الاستاذ/ محمد رفعت قمصان : لأ والله للاسف انا مليش تواصل مع موضوع النتيجة واعدادها دى مسالة ما بين وزارة الخارجية واللجنة العليا للانتخابات ومؤكد هتعلن مع النتيجة النهائية انشاء الله ولكن لو جت هناك دلاله اهم من النسبة التى صوتت بنعم وهى ان المشاركين فى هذه المرة اكثر ممن شاركوا فى استفتاء 2012 حيث شارك حوالى بالحضور الشخصى لان كان فى وتيرة اخرى فى 2012 التصويت البريدى انما التصويت الشخصى كان فى حدود 93 الف ناخب وفقا لما اعلن حتى الان حضر اكثر من 103 الف ناخب وده بيدل على مؤشر قد يكون اهم من المؤشر الاخر اللى هو سواء كان نعم او لا يعنى
ايهاب اللاوندى : سيادة اللواء رسالة اخيرة الى المواطن المصرى اللى هينزل بكرة علشان يدلى بصوتة اى ان ما كان رسالة طمأننة رسالة من السيد محمد رفعت قمصان مستشار رئيس مجلس الوزراء
الاستاذ/ محمد رفعت قمصان : رسالة الى ابائى وامهاتى واخواتى وابنائى شعب مصر العظيم رجال القوات المسلحة والشرطة شايلين ارواحهم على اكفهم فداءا لكم لا تقلقوا ولا تنسوا حقكم الدستورى ولا تنسوا مستقبل بلدكوا انشاء الله
ايهاب اللاوندى : السيد اللواء محمد رفعت قمصان مستشار رئيس مجلس الوزراء شكرا جزيلا لك على هذه ا لمداخلة شكرا جزيلا اعزائى المشاهدين مازلنا معكم و45 دقيقة ونشوف تقرير الزميل نعيم ابراهيم وكان من خلال زيارتة لامسية نظمها المجلس الاعلى للثقافة لتعريف الدستور تحت رعاية وزير الثقافة
تقرير : فى اطار النشاط الذى يقدمة المجلس الاعلى للثقافة للتعريف بالدستور عقد المجلس امسية مسرحية شبابية بعنوان دستور بلدنا تناقش المسرحية اهمية المشاركة الفاعلة فى الاستفتاء على الدستور
مواطن : مرحلة مهمة جدا يعنى محتاجينارض نقف عليها واول ارض بتقابلنا النهاردة هى ارض الدستور دى اول خطوة هنقدر نقف عليها ويارب نبنى بعد كده عليهاده عشان ياريت كل البلد كل الناس حتى فى الشارع يهتموا بالمشاركة ويعرفوا قيمة الدستور محتاجين دستور معنى كلمة دستور انه هيمشى حياتنا كلنا بعد كده لان القوانين اللى هننتخب عليه الرئيس بعد كده بعده برلمانا
مواطن : فى معوقين اطفال احوال المواطن مفيش تعذيب فى الاقسام رفع ميزانية التعليم الصحة الدستور بسوى كل افراد المجتمع ببعض مفيش حد بيتميز عن حد بالنوع او العرق اوالجنس
مواطن : اللى عملناه بندعم الناس وبنقول للناس نحطهم ازاى هما لازم يشتركوا فى الموضوع فضلنا كثير قوى صوتنا محبوس فى البلد دى حاولنا ان صوتنا يرجع تانى يبقى ليه دور وان احنا نشارك دى حاجة مهمة جدا ولازم كلنا نعملها
مذيعة : المشاركون فى الدور السياسى من الشباب قدموا عرضا تمثيليا يعبر عن العديد من فئات المجتمع التى منحها الدستور الجديد حقوقا حلمت بها لسنوات طويلة
مواطن : الدستور بيتكلم عن ايه عن فئات الشعب بالذات اللى هما الفلاح الصعيدى فانا كنت قائم بدور الصعيدى علشان ابين ان الدستور بيشمل الشخصية دى بردوا علشان الصعيدى يبقى له دور فى المجتمع
مواطن : كنت عاو ز اقول الكرامة بس كانت حق لكل مواطن مكتوبة بعلا كده فى الدستور امين الشرطة مكنش عامل فى العرض مكنش عامل للمواطن كرامة انا حبيت اوصل ان انا امين الشرطة مش عامل كرامة والنهاردة فى العرض فى الدستور غير كده
مواطن : اتعمل العبيط اللى هو علشان هيتكلم فى المادة الجديدة اللى هى اول مرة تنزل فى الدستور بتاعت الاعاقة ان هى هتكفل حقوقهم فى المجتمع دى حاجة جديدة فى الدستور
مواطنة : انا عاملة دور العروسة كرمز لمصر يعنى هى بتناشد الناس ان هما يشاركوا فى الدستور
مذيعة : غدا ينطلق عرس الاستفتاء على الدستور الجديد فمعا نوصل اولى خطوات الوصول الى الاستقرار لبلدنا الحيبب مصر
فاصل
ايهاب اللاوندى : مشاهدينا الكرام اهلا بكم مجددا فى بداية النهاردة بارحب بضيفة كريمة عزيزة هى المستشارة تهانى الجبالى نائب رئيس المحكمة الدستورية العليا اهلا بحضرتك
الدكتورة / تهانى الجبالى : اهلا وسهلا
ايهاب اللاوندى : عايزين نعرف راي حضرتك فى الاعداد التى من الممكن ان تنزل يو الاستفتاء هل ستكون كبيرة ام بسيطة؟
الدكتورة / تهانى الجبالى :
واثقة من نزول المصريين بنسبة كبيرة في التصويت على دستور 2013 و أنانا هذا الشعب لا يرهبه أحد إلا الله النزول في الإستفتاء محاولات الاخوان تخويف الشعب محاولة تخويف الشعب محاولة فاشلة و أنالشعب المصري العظيم أول من عاش دولة القانون وجيناته الحضارية تظهر عندما يشعر أن الدولة في خطر
ايهاب اللاوندى : فى نهاية تلك الحلقة باتوجة بالشكر الى سيادة المستشارة تهانى الجبالى نائب رئيس المحكمة الدستورية العليا ولكم الشكر مشاهدينا والى اللقاء وحلقة جديدةمن 45 دقيقة غدا انشاء الله .