نادر دياب: اعزائي المشاهدين اهلا بكم في حلقة جيددة من مساحة للراي نرحب بضيف حلقتنا الكاتب الصحفي احمد ايوب مدير تحرير مجلة المصور .. فيديو ديفيد ويلبرج تحدث عن ان اسرائيل استطاعات ان تفكك الجيش العراقي ثم الجيش السوري وبعد كده الجيش المصري في ضوء ما اعلنه ديفيد ويندر نفسر ازاي مايجري في مصر ودول الربيع العربي الكاتب الصحفي. احمد ايوب: لازم اقف الاول عند ان الجيوش العربية تتآكل بسبب ما يحدث من صراعات داخلية ونرجع لفكرة حروب الجيل الرابع انه عشان تقتل عدوك يبقى من داخلك وليس باستخدام الطيارات ولا جيش ضد جيش.. والتصريحات دي تكشف لك اللي انت مش عايز تقتنع بيه وانا مع فكرة المؤامرة وان مصر تعرضت لمؤامرة وما يحدث داخليا مدبر وممول ومدعم من الخارج انت مش عايز تعتبرف بدا وللاسف كثير ممن نقول عنهم مثقفين وممن نقول عنهم مطلعين مش عايزين يعترفوا وبقى عندنا حالة من الخوف من مدعي الثورية بمعنى انك خايف تقول ان س او ص او ع بياخد تمويل عشان يدمر البلد ..ومايحدث الان في مصر انك تواجه مخطط لتدمير الجيش المصري ومشكلتهم ان الجيش المصري ليس جيش طائفي مثل الجيش العراقي او السوري ولا جيش ينتمي للنظام فبمجرد ما يسقط النظام يسقط الجيش وانمت الجيش المصري جيش وطني والاهم من دا انه عنده قدرة انه ما يتورطش في احداث تفرض عليه ولو تفتكر اثناء فترة 25 يناير اثناء تولي المجلس لاعسكري كان هناك محاولات للزج بالجيش في معارك داخل الشارع ونجح الجيش انه يفلت منها ولما جه مرسي تلاقت مصالح الاخوان مع مصالح الاسرائيليين والامريكيين في القضاء عل الجيش المصري فمرسي كان عايز انه يرميه في جحيم سوريا فايضا قيادة الجيش المصري كان عندها رؤية واضحة انه لا نتدخل في شأن دول اخرى فاذا ما انهار الجيش ستنهار مصر وبالتالي تنهار الامة العربية ودا يفسرلك حالة الدعم العربي زي الامارات والكويت والسعودية والبحرين لمصر .. الجيش المصري الان تتم محاولة انهاكه بعدة طرق اولا الحرب في سيناء او الارهاب الى سيناء والعمليات التي تتم داخليا من تفجديرات ومظاهرات والجيش المصري فهم المخطط لاستهداف الشرطة والجيش.. فيه فيديو كمان لباحث اسرائيلي كان بيدي محاضرة كان بيتحدث انه لابد من السعي الى تنشيط الصراعات الداخلية في مصر عشان تنهار قوتها وما تتفرغش لصراعها مع اسرائيل وهما وجدوا غايتهم في جماعة الاخوان اللي هي كل همها انها تكون حاكمة ان شالله لمربع قد كده المهم انها تحكم وتتلاقى هذه المصالح مع المصالح الاسرائيلية لينفذوا هذه الاجندة بحرفية لانهيار الجيش .. نادر دياب:واضح ان اسرائيل سعيدة بالانجازات اللي عملتها في حكم مرسي وواضح ان المخطط بدا بعد حرب 73 بعد الضربة الموجعة لاسرائيل من القوات المصرية والسورية ودا بيؤدي في النهاية الى شبكة بتوضح الخطة اللي بيسعوا اليها الكاتب الصحفي. احمد ايوب:انا مش عايز اقعد الوم على اسرائيل وانما نلوم على انفسنا اننا ما استعديناش للامن القومي المصري .. مايحدث الان من استهداف لمؤسسات امنية ومؤسسات عسكرية مين اللي اداني معلومة ان مدير الامن بيجتمع في الحتة دي ولا ان المخابرات الحربية في الحتة دي مين قالي اني افجر كده .. فيه اجهزة مخابرات بتدي معلومات كاملة دي معلومات اجهزة مخابرات بتعمل وتنفق.. مين اللي وصل كمية المتفجرات بهذا الكم الكبير مين اللي وصل عربية مفخخة للمخابرات الحربية في انشاص .. النهاردة رئيس جامعة الازهر بيقول ان طلاب الازهر الاخوان مدربون على كيفية القتال مين اللي درب دول ومين اداهم تمويل ..؟ دا مش تخطيط جماعة دا تخطيط مخابرات .. احد اهم المشاكل اللي كانت بتواجهها اسرائيل في اختراق دولة زي مصر سيطرة الاجهزة الامنية وماذا حدث للاجهزة الامنية بعد الثورة انهارت .. وكاتن المخطط الاول للاخوان ضرب جهاز امن الدولة ودلوقت بيضربوا جهاز المخابرات الحربية يعني المخطط الاسرائيلي كان بينفذ بواسطة الاخوان وهربط دا انه هناك معلومات واتصالات ان الاخوان لم ينزلوا يوم 25 يناير الا بعد اتصالات واوامر من امريكا مباشرة .. تاني حاجة مخازن السلاح في ليبيا لما انهارت ليبيا كل مخازن السلاح جت مصر وسلمت الى ميليشيات واكتر ما يوازي 10 مليارات سلاح الى مصر ..والجيش يعلم تماما ذلك ولكن المشكلة فيمن يسمون انفسهم نشطاء او سياسيين وينخرون في ثقة الشعب للجيش بشكل غريب جدا وكأن الجيش دا عدوهم نادر دياب:الاعلام احتفى بهم زيادة عن اللزوم الكاتب الصحفي. احمد ايوب:واعتقد ان الاعلام لابد ان يراجع نفسه وان يعلم انه كان يقدر عملاء وناس تهدم في الدولة المصرية .. فانت النهاردة امام ناس بيبحثوا عن الهدم وانضم اليهم فصيل الاخوان بيواجهوا الجيش والجيش يصر على الدولة ويبنيها ولازم نوعي الناس بخطورة دا نادر دياب:من هنا تاتي ثورة 30 يونوي ونقول انها صححت المسار الكاتب الصحفي. احمد ايوب:هما النهاردة بيترنحوا فالمترنح دا بيصاب بحالة جنون وهو دا اللي بيحصل النهاردة نادر دياب:السؤال هنا كيف نستكمل ثورة 30 يونيو لتستكمل اهدافها ونصل بها الى بر الامان الكاتب الصحفي. احمد ايوب:ان نقف جنبا الى جنب ضد ما يسمى الارهاب ونسعى الى اكمال مؤسسات الدولة والاهم ان نحسن اختيار الرئيس القادم وعلينا ان ننحي جانبا انتماءاتنا السياسية ونختار الشخص اللي يقود مصر واللي عنده رؤية وانا حتى الان اقول انه بعض الشخصيات والمرشحين لا يهمهم الا مصلحتهم الشخصية نادر دياب:شكرا لك والى اللقاء