عمرو توفيق : اهلا بكم حلقة جديدة من 45 دقيقة حلقة اليوم تدور حول ما يحدث فى جامعاتنا المصرية اسمحوا لى فى البداية ارحب بضيفى وضيفكم الدكتور حمدى عبد العظيم رئيس اكاديمية السادات. الدكتور / حمدى عبد العظيم : اهلا بحضرتك عمرو توفيق : النهاردة هنناقش ما يحدث من تغيرات داخل الجامعات المصرية تعليق حضرتك على ذلك ؟ الدكتور / حمدى عبد العظيم : ما يحدث لابد من تحويل هذا السلوك الى المجالس التاديبية ولابد ان اعرف اسباب من يقومون بذلك عن طريق قوى عسكرية امنية شرطية تتعاون مع الرجل الضعيف ا لمدنى اللى معندوش فكرة ولا قدرة على ان يسيطر على هذه الاعداد الكبيرة لان الاعداد فى الجامعات جامعة الازهر فيها 400 الف طالب فى كليات فيها 40 الف طالب عمرو توفيق : نعم الدكتور / حمدى عبد العظيم : النهاردة هذه الاعداد لا استطيع ان اسيطر عليها ب 2 -3 موظفين او عشرة ولا عشرين موظف عمرو توفيق : يستغرقنا الملف الامنى والقومى الموجودة فى الجامعات المصرية عايزين ندخل فى اقتصاد مصر وما يحدث له اولا هل احنا فى وضع هامس بحيث يقول الخارجية والداخلية ما سمعتة الدين الخارجى اصبح 43 مليار دولار والدين الداخلى رقم يخض هل الديون الثقيلة دى حتى لو تم ضخ استثمارات هل نقدر نشيل ملفاتنا شوية والا هنفضل فى هذا الوضع الدكتور / حمدى عبد العظيم : مصادر النقد الاجنبى لتاتى من السياحة والاستثمار عايزة الامن شرط ضرورى وليس كافيا يمعنى انه لابد ان انا اأمن البلد واحقق الاستقرار للسائح اللى جاى والمستثمر اللى جاى ما يبقاش فى عنف ولا شغب ولا اى مخاطر يتعرض لها المشروعات او الافراد او السائحين او اى اشياء تعكر الصفو وجودهم داخل الدولة فى هذه الحالة ممكن تاتى السياحة وتصل الى معدلات عالية قبل ثورة 25 يناير كان بيجى لنا على الاقل 10 مليون سائح كان مستهدف ان هما يوصلوا الى 20 مليون لكن حاليا انخفضت الاعداد بشكل كبير وعندى نسبة الاشغالات فى الفنادق فى الصعيد وفى اسوان بنسبة 30% فى شر م ا لشيخ تقريبا فى القاهرة 22%معدلات ضعيفة جدا وبالتالى لاتكفى دفع مرتبات الموظفين اللذين يعملون فى هذه المنشات السياحية يبقى انا لازم احقق الامن علشان يجى لى النقد الاجنبى اللى جاى من السياحة زائد النقد الاجنبى للطيران المدنى شركة مصر للطيران كشركة وطنية بتقول احنا بنخسر حاليا لان فى كثير من الرحلات الغيت لان مفيش اقبال بالنسبة للمشروعات الاستثمارية قبل الثورة كان بيجلنا ما بين 8 الى 10 مليار دولار صافى استثمار اجنبى مباشر فى شكل مشروعات النهاردة لما بنقول استثمار كامل فى بترول اللى هى اتفاقيات اجنبية بتتعدى 2ملياردولار البترول هنا بتلاقى حوالى 300 مليون دولار فقط ده مش ممكن يكون مناسب لفرص عمل وعلاج بطالة وتغذية الاحتياطى بالنقد الاجنبى فى البنك المركزى من هذه المصادر الصادرات ايضا نفس الحكاية بتيجنى صادرات سلعية لازم حركة التجارة كمان فى قناة السويس علشان العملة الاجنبية وايضا بالنسبة تحويلات العاملين فى الخارج لما بيلاقوا ان البلد امنة والبنوك امنة وفى استقرار وممكن التحويلات دى تزيد الى داخل الدولة لدعم الاقتصاد المصرى دى اساسيات لابد ان احنا ناخذها فى الاعتبار علشان نقدر نرفع معدل النمو الاقتصادى اللى هو الحكومة بتقول 2.2 % طب قلت 1.8% فقط مستهدف انه يوصل 5.% فى العام القادم وهكذا عمرو توفيق : نذهب الى تقرير الزميل نعيم ابراهيم يرصد الاقتصاد المصرى المشكلة والحلول نشوف التقرير ونرجع لضيفنا الكريم تقرير: وحده الاقتصاد المصرى يدفع فاتورة فقد الامن فى الشارع المصرى لكنه يمتلك من الامكانيات ما يؤهلة للنهوض فى وجه كل التحديات مواطن : لابد من ضبط الامن وضبط الامن لا ياتى الا بوسائل قوانينا احنا مش لقوانين جديدة احنا قوانينا موجود فيها العقوبات اللى بتوقع فى كل حالة عاى حده يعنى فى حالة التظاهر بطريقة مختلفة فى حالة المشاغبات فى حالة قطع الطرق فى حالة السرقات هناك قوانين رادعة يمكن للدولة ان تبدا فى تطبيقها فورا وبدون تباطؤ ده يضبط الامن يمنع التظاهر خلى الناس تشتغل خلى المستثمرين يجوا خلى المواطنين ما يخافوش خلى الجامعات تشتغل وهى مطمئنة مصر بتواجة مشكلة ضخمة فى تصورى الحلول الاساسية لهذه المشاكل بيسطة واعتقد ان احنا كلنا نعرفها هى رفع قيمة العمل غير مقبول ان الشوارع على طول زحمة الناس دى اللى ماشية فى الشوارع نوقفها انتوا رايحين فين ليه الناس ما بتشتغلش احنا دورنا كاجامعة ان احنا اوصل للطالب معلومة معين فا مرفوض تماما ان الناس تعمل مظاهرات داخل الجامعة وتوقف الدراسة ولما نعاقب بعض الناس زملائهم يقولوا خرجوا الطلبة المعتقلين يعنى ايه واحد يخش يبوظ لى الكلية ومنشاتهاوحاجاتها وبعدين نيجى نتكلم عن افراج عنهم مذيع : الخبراءطالبوا بدعم الحكوم للاستثمار وجذب المزيد من الاستثمارات لانقاذ الاقتصاد فى الوقت الحالى مواطن : لازم نشوف احنا ايه المشاكل اللى عندنا ونبتدى نوجة الاستثمار للالتزامات والاحتياجات او المواد التى نحتاجها لعمليات الانتاج لتحصيل النقص فى المنتجات التى يحتاجها الاقتصاد المصرى وده استثمار اخر موجه يتم اعفاؤه من الضرائب وان تقوم الحكومة بالمساهمة بنسبة محددة ما بين 10 و30% فى مثل هذه المشروعات مع القطاع الخاص مذيع : معنانعمل كل فى مكانة حتى نعيد بناء اقتصادنا لنصل الى حياة افضل فاصل عمرو توفيق : مفتاح مشكلتنا هو العمل ونبطل نقطع الطرق 8 نواب فى الكونجرس الامريكى قطعوا الشارع اتقبض عليهم فى نفش اللحظة البوليس ما سكتش ما قالش سيادة النائب ده معاه حصانة لو عندنا ما يقدرش الضابط ولا العسكرى ولا امين الشرطة يقربوا له ده رجل معاه حصانة يودية فى داهية لأ فى امريكا 8 نواب اتقبض عليهم هل ده ممكن يحصل فى مصر والا عندنا المزايدين الحرية حرية التعبير اقطع طريق وما خليش عربية الاسعاف تمشى وما اخليش طالب يروح الامتحان وراجل بينزف فى عربة الاسعاف مش مشكلة يموت المهم مطالب الثورة والثوار العظام بارجع لضيفنيا بالامس السيد رئيس الجمهورية المستشار عدلى منصور كان مجتمع بالفريق مهاب نبيل رئيس هيئة قناة السويس وتم الحوار والتداول حول ايجاد المظلة المصرية الخالصة لبدء مشروع تنمية قناة السويس مصر معلقة عليه امال كبيرة جدا كيف يمكن نبدا فى راى حضرتك هذا المشروع بما يحافظ على البعد الامنى لمصر والشباب تشتغل ويبقى فى حالة انعاش اقتصادى الدكتور / حمدى عبد العظيم : بالفعل هذا المشروع ضمن مشروعين تحدث عنهم الرئيس المؤقت بذكرى الاحتفال بنصر اكتوبر فى خطابة اشار الى ان الحكومة او الدولة ستبدا على الفور بمشروعين هما مشروع تنمية قناة السويس والضبعة لانتاج الطاقة الكهربية وهم فى غاية الاهمية مشروع تنمية قناة السويس مشروع درس كثيرا حتى قبل ثورة 25 يناير ودرس عدة مرات واثبت ان له جدوى اقتصادية عالية وهذا المشروع يستغرق تنفيذة 5 سنوات بعدها يمكن للمشروع ان يحقق دخل لمصر لايقل عن مائة مليار دولار 20 مرة اد دخل قناة السويس اللى هو 5مليار دولار هناك مشروعات تقوم بخدمات لوجيستية تخدم على السفن العابرة فى القناة من خلال خدمات الارصفة الموانى الحاويات اصلاح السفن المطاعم التزود بالوقود استثمارات مفتوحة لكل الجنسيات وبنظام حق انتفاع ليس فيه ملكية ولا تدخل فى المجرى الملاحى للقناة لانهاتدار بادارة مصرية خالصة منذ تاميمها عام 56 حتى الان ومسالة الامن القومى له ضوابط تامين المجرى الملاحى والحمد لله وجدت تامين عالى من القوات المسلحة لمنع اى حد يقترب حتى الطرق نفسها مقفولة منطقة عسكرية مأمنة تماما فدى حاجة مهمة جدا اذن احنا مطلوب اننا يطرح هذه المشروعات فى مناقصات عامة علشان المستثمرين يجوا يقدموا العروض واحنانقدم لهم الدراسات ونقول لهم التسهيلات اللازمة وتخصيص الاراضى الحقوق والالتزامات عليهم المعاملة الضريبية المراحل والتنفيذ الى اخرة تبقى حاجات عملية مش مجرد وعود ولا منشتات ولا جهاز مركزى عمرو توفيق : استاذن حضرتك ومشاهدينا الكرام نطلع فاصل لقاء رئيس الجمهورية والفريب مهاب لميش رئيس هيئة قناةالسويس ومشروع تنمية قناة السويس تقرير: المشروع بين قطبين الشمالى البحر المتوسط والجنوبى البحر الاحمر توجد قوات امنية للقوات المسلحة الجيش الثانى والثالث الميدانى فى نفق الشهيد احمد حمدى والناحية الامنية للانفاق الرئيس /عدلى منصور : ما يتعلق بالاستعانة بالكوادر السيناوية لان هما دائما يشتكوا اخوانا دايما ما بيشتركوش من خلال ابناءهم فى هذه المشروعات فاصل عمرو توفيق : لفت نظرى ان رئيس الجمهورية شدد على ان يكون هناك مشاركة فاعلة لاهل سيناء وابناء سيناء وهم اهلنا وجزء عزيز علينا فى هذا المشروع القومى وينبغى ان كل ابناء مصر تشارك فى هذا المشروع وتحس بعائدة الوفير انشاء الله ممكن تعليق فى عجالة على ما شاهدتة دكتور حمدى الدكتور / حمدى عبد العظيم : بالفعل هذه نقطة فى غاية الاهمية ان ابناء سيناء دائما يشتكوا من انهم يعاملوا كانهم طرف اجنبى عمرو توفيق : هما مواطن اصيل وصاحب بلد الدكتور / حمدى عبد العظيم : وله كافة الحقوق ولابد ان يكون لهم حق الملكية حق العمل مثل اى مواطن فى اى محافظة داخل مصرونشاركهم فى فرص العمل فى هذه المشروعات للقضاء على مشكلة البطالة وما ينتج عنها من مشاكل اجتماعية عمرو توفيق : الجماعات الارهابية وتوجههم فى طريق منحرف الدكتور / حمدى عبد العظيم : ومشاركتهم هتكون مشاركة ايجابية لانهم اعلم بظروف المنطقة وممكن يساعدوا فى التسهيلات بالنسبة لعمليات النقل والاتصالات مع سيناء والمحافظات الاخيرى ويبقى فى هذه الحالة لو حسوا ان هذا المشروع مشروع تنموى لاشك هيدعموة واى حد منهم عنده رؤوس اموال لابد يشارك بها ايضا وكمستثمر عنده اموال يقدر يستثمر هذه الاموال وبجانبها تقوم انشطة اخرى حتى الموجودة فى المشروع القومى المعلن عنه انشطة سوبر ماركت استهلاكية مشروعات زراعية تنموية عمرو توفيق : هم خبراء فى زراعة الاعشاب الطبية من الممكن انتاج هذه الاعشاب وتصديرها للعالم كلة كمادة خام او كمصانع الدكتور / حمدى عبد العظيم : تصنيع الخامات تصنيع السيلكون وانتاج رقائق الكمبيوتر الحاجات المتعلقة بالادوية والرمال البيضاء تستخدم فى صناعات متعددة فى امكانيات كبيرة من الخامات الجبال مليئة بالخير وتحتاج الى ابناء سيناء فى الاستثمار الزيوت النباتية وزيت الزيتون النخيل ممكن يتعمل لها معاصر عمرو توفيق : كلها بيور مفيش مخصبات صناعية ولا مبيدات حشرية ممكن تكون تجارة رابحة الى ابعد مدى الدكتور / حمدى عبد العظيم : نعم وفى مشروع زراعة 60 الف فدان فى وسط سيناء عمرو توفيق : زيارة الدكتور حازم الببلاوى لدولة الامارات قدموا دعم لمصر 4.9 مليار دولار استثمارات احنانحييهم هم امارات الشيخ زايد وابناء الشيخ زايد الذى كان يعشق مصر ويحب مصر ويعرف قدر مصر لهم كل التحية والتقدير والمحبة ونعترف لهم بالجميل عاد الى ارض الوطن رئيس الوزراء بعد الزيارة المهمة حضرتك شايف هذه الزيارة وهذا الدعم الاماراتى الذى نشكرهم عليه بكل تاكيد بعد الدعم السعودى والكويتى تاثيرها هيكون ايه على اقتصاد مصر الدكتور / حمدى عبد العظيم : تاثير ايجابى والشيخ زايد زرع ثقافة حب مصر فى ابناء الامارات والشعب الاماراتى يتغنى بان زايد موصينا عليك يامصرقشرى بايديك وزايد موصينا عليك ده يخلى الاقتصاد المصرى يصمد امام التحديات والتحديات الامريكية عمرو توفيق : هل مازلنا فى حاجة الى قرض صندوق النقد الدولى وكيف نستثمر هذا الدعم ونقول لهم على هذا القرض شكرا مش عايزين خدماتكم الدكتور / حمدى عبد العظيم : احنا خدنامن الامارات وهى دولة واحدة 4.9 من السعودية 4.8 وعشان تاخد 4.8 من امريكا مش مرة واحده على دفعات وتزيد الديون وهذاعبئ على الفقراء اناعندى احتياطى فى البنك المركزى اصبح كبير وامن يقتربمن ال20 مليار دولار وبالتالى زيارة رئيس الوزراء دعمت هذا الاتجاه وتفعل المشروعات الاستثمارية اللى تم الاتفاق عليها واعلنت الامارات انها ستساهم فى انشاء مدارس داخل مصر اناعايز فى مصر غذاء مصانع سمكية البان زيوت نباتية تصنيع زراعى وعندنا ايدى عاملة وانتاج حيوانى يمكن ان نعمل له تنمية بدل ما نشترى من الخارج باسعار تعمل لناعجز فى الاحتياطى عمرو توفيق : كيف تقرا الدستور الدكتور / حمدى عبد العظيم : الدستور يتحدث عن المقومات الاقتصادية يقوم على الزراعة والصناعة والمواد الاساسية هذه تفاصيل الفلسفة الاقتصادية نادى هيئة التدريس اكاديمية السادات انا رئيس النادى قدمنا مقترحات بالنسبة للهوية الاقتصادية وقلنا محتاجين ناخذ نموذج للراس مالية الاجتماعية لتشجيع القطاع الخاص واعطى له حوافز وضمانات واعمل بعد اجتماعى لتصحيح عيوب الراسمالية وتوزيع عادل واعطى دعم للفقراء واعانات بطالة والمراة المعيلة عمرو توفيق : هل هو مشترك راسمالى اقتصادى الدكتور / حمدى عبد العظيم : يناسب حالتنا تكلم عنه تونى بلير وهو يناسبنا جدا ويتناسب مع قيمنا الاسلامية والعادات والتقاليد والتكافل والتراحم وعبد الناصر ازال الفوارق بين الطبقات عمرو توفيق : نتمنى لبلدنا الخير وعشان مصر تقوم على حيلها تانى اشكر الدكتور حمدى عبد العظيم رئيس اكاديمية السادات ولكم الشكر مشاهدينا والى اللقاء.
