45 دقيقة

عمرو توفيق : مشاهدينا الاعزاء اهلا بكم فى حلقة جديدة من 45 دقيقة اهلا الدكتور لواء احمد عبد الحليم بحضرتك معانا
اللواء/ احمد عبد الحليم : اهلا بحضرتك
عمرو توفيق : دلوقتى لما نبص بعين فاحصة للاستراتيجية للمشهد الراهن احنا وصلنا لفين سيادة اللواءداخليا فى مقاومة الارهاب الذى يحدث فى محافظات مصر او نركز شوية على سيناء وما يحدث على ارض سيناء الحبيبة
اللواء/ احمد عبد الحليم : هنتكلم فى ثلاث ابعاد الجزء الاولانى هو ما يحدث فى الداخل وما يحدث فى الخارج وهذا امر ليس جديدا واتقال اكثر من مرة فى الخطاب الشهير بتاع البلتاجى اللى كان فى رابعة العدوية وقال بطلوا التعامل معنا فى رابعة العدوية والنهضة وشاهدوا ما يحدث فى سينا اذن هناك ربط بين المنطقتين منطقة داخل الدولة والمنطقة الاخرى خاصة بسيناء الامر الثانى ان هناك فارق كبير جدا بين التعامل مع الاحداث داخل الدولة وخارج الدولة وخلينى اقول قبل ما اكمل الحتة دى ان باستمرا ر ما حدث تغير حاد جدا وتغير لم يكن احد يتوقعة فى 25 يناير 2012 او استكمالة فى 30 يونيو 2013 وانه من الضرورى نتيجة لهذه التغيرات الحادة مجموعة من الاضطراباتعلو وتهبط وتعلو وتهبط الى ان تستقر الامور وتبنى الدولة على اسس جديدة تماما غير التى كانت مبنية عليها فى الداخل الى حد ما الامور مستقرة وهناك نوع من الحذر فى التعامل فى الداخل لانهم مصريين فى كل الاحوال وهناك مشاعر يجب ان تراعى القوات المسلحة وايضا الشرطة بتراعى حين التعامل حتى مع الناس اللذين يعملون اضطرابات داخل الدولة بطريقة ليست فيها عنف ولا محاولة من الدولة ان يكون هناك طرق اخرى بديلة غير العنف واستخدام القوة لكن فى سينا الامر مختلف لان المجموعات اللى فى سينا
عمرو توفيق : عايزين اسبوت على سينا شوية
اللواء/ احمد عبد الحليم : مهياش مجموعات مصرية دى مجموعات من جنسيات مختلفة بعض المصريين المتدينين اكثر من اللازم ولكن هناك جنسيات اخرى كثيرة جدا بتاتى الينا عن طريق قطاع غزة عن طريق الانفاق عن طريق البحر احيانا وكان قبل كده بتجلنا عن طريق الحدود مع اسرائيل وامور اخرى كثيرة وهذا الامر استمر لفترة طويلة حينما كنا نسمح بوجود الانفاق اعتقادا من مصر بان هذه الانفاق سوف تقلل من التركيز او الضغط الاسرائيلى على قطاع غزة يعنى احنا فى بداية الانفاق مكناش ضدها كنا بالعكس بنقول والله ان هذه الانفاق هتخفف الضغوط على قطاع غزة وعلى حماس وعلى الفلسطينين الموجودين فى هذا القطاع وبالتالى من الضرورى ان يكون هناك متنفس له لكن للاسف ا لشديد
عمرو توفيق : يظهر ان احنا غلطنا
اللواء/ احمد عبد الحليم : احنا مغلطناش احنا كان قصدنا نبيل ولكن اللى اخطأوا هما الناحية الاخري يعنى لم يتم التعامل او يتم استخدام الانفاق بالشكل المطلوب و لكن تم استخدامة بشكل خاطئ والذى زاد من صعوبة الامر هو النظام الذى كان موجودا قبل 30 يونيو والذى كان على علاقة وثيقة بحماس وعلاقة وثيقة بما يحدث فى الجماعات الجهادية وكل هذا الكلام فطبعا هذا الامر ادى الى تفاقم الموضوع وادى الى صعوبة تفسير العمليات اللى بتتم حتى الان بواسطة القوات المسلحة والشرطة لتطهير سيناء من هذه الجماعات الارهابية هذه الجماعات ثلث او حاجة من ثلاثة موجودين فى سيناء التانين اهالى سيناء الشرفاء الغالبية العظمى الساحقة الموجودة فى سيناء ثم المجموعة الثالثة وهى مجموعة من اللذين تم فيهم اخطاء فى نوع من التوجه الذهنى غير الشريف وهناالدولة والقوات المسلحة ترى ان التفاهم معهم والتلاقى معهم والاخذ والعطاء معهم هو الانسب فى هذا الموضوع لكن جماعات ارهابية ده قرار انها يجب ان تنتهى فيما يتعلق بالانفاق هناك قرار حاسم لا رجعة فيه بضرورة غلق كل الانفاق الموجودة حتى نمنع هذا الكلام
عمرو توفيق : يعنى احنا هنعرض الان وهو بالفعل بيعرض الان على الشاشة جهود القوات المسلحة فى القضاء على الانفاق وفى تامين المنطقة الشمالية من سيناءحضرتك تعلق عسكريا على هذا الفيديوتقول ايه ؟
اللواء/ احمد عبد الحليم : اسمحى لى اقول اتكلم على الانفاق المكتشفة لضبط الحدودالدولية لغاية يوم 24/8 ده اللى احنا هنتكلم فيه عندنا اجمالى الانفاق المكتشفة 377 نفق منهم 6 اسفل منازل وداخل احواش منزل وجارى التعامل معهم اجمالى الانفاق اللى تم تدميرها وهدمها 371 271 بالغمر بالميه 79 باستخدام المعدات 21 باستخدام المسح
عمرو توفيق : سيتم عرض الانفاق
اللواء/ احمد عبد الحليم : الامر الثانى التى يتم غمرها بالمياة وبردوا عشان نعرف الحقائق بالحساب انه حتى يوم 23 / 8 فى مواجهة 2855 متر تم تدمير هذا ال 260 نفق ويوم 24 تم تدمير نفق الاجمالى كله 261 نفق اجمالى المنازل اللى تم هدمها منزل 5 بالمعدات و11 بالنسف وتوزيعاتهم موجودة اجمالى بيارات الوقود التى تم هدمها 62 بيارة على مدى فترة زمنية بدأت فى يوم 12/7 حتى 22/ 8 فى مشهد للانفاق وهى يتم هدمها احنا سمحنا بيها فى البداية بحسن نية ولكن فى النهاية ادت الى مجموعة من الاضطرابات الداخلية كان علنا ان نصحح هذه الاوضاع فى مجموعة اخرى خاصة بقوات حرس الحدود فى مجال المخدرات فى مجال الاسلحة والذخيرة فى مجال ضبط قضايا التسليح البضائع غير خالصة الرسوم الجمركية هناك اموركثيرة جدا الامن والدولة بتقوم بتنفيذها علشان يسود النوع من الهدوء والامن داخل سيناء علينا ايضا ان نكون فى منتهى الوضوح ان احنادلوقتى صحيح بنحاول ننتهى من كل الجماعات الارهابية الموجودة والانفاق الموجودة
عمرو توفيق : هل مع حرب العصابات سيادة اللواء من السهل التخلص من كل هذه الجماعات لان ده بيحارب حرب عصاصات ليست حربا بين جيشين نظاميين ده بيضرب ضربة ويطلع يجرى هل من السهل السسيطرة على هذه الجماعات فى ظل هذه الظروف دى لها قاعدة استراتيجية بيسموها "الاستمكل" الحرب غير المتوازنة اللى هى حرب القوات النظامية لغير النظامية لها اساليب فى التعامل لذلك بنبص نلاقى ان مجموعة كبيرة من الخسائر التى تحدث من الارهابيين بتتم فى المعدات الثقيلة واحيانا عن طريق الطائرات وعن طريق طائرات هليكوبتر الى اخرة هناك نوع من الوسائل الخاصة الخطورة مش هنا مش جيش نظامى الصعوبة ان مجموعة كبيرة جدا منها هؤلاء الناس يعيشون فى وسط السكان المدنيين وبالتالى علشان توصل لهؤلاء الناس او تضرب هؤلاء الناس لا تستطيع لان فى خسائر اخرى للناس الموجودين فى المنطقة داخل الدولة داخل المدن ولا يمكن تغامر بيهم وبالتالى العملية تتطلب وقت اطول شوية فى ما يتعلق بما داخل المدن تتطلب معلومات واجهزة مخابرات قوية جدا تتطلب نوع من التعاون مع بعض الناس الموجودين هناك تتطلب رصد باستمرار لمدة 24 ساعة طول اليوم علشان نشوف الجماعات دى وهى خارجة وهى داخلة ثم التعامل معها الاسهل منها الجماعات الموجودة فى مناطق اخرى حتى لو كانت هذه المناطق الاخرى مناطق جبلية او او الى اخرة لان اذا ضربت هذه المناطق فانت لا تتعامل
عمرو توفيق : السيناريو اللى حضرتك كخبير استراتيجى ايه حله
اللواء/ احمد عبد الحليم : اعتقد ان الولايات المتحدة النهاردة فى موقف ترقب حتى الان لم تتخذ قرارا حاسما فى هذا الموضوع وانا حكيت الحكاية اللى حضرتك دلوقتى اكثر من مرة انا لسه راجع من اوروبا كنت بالف لفة لمدة اسبوع وكان هناك نوع من اللبث فى الموقف المصرى وكان هناك شرح من جانبنا جميعا للموقف المصرى الحقيقى وقلنا ان ما كنا نبغى ان يكون هناك بعد عن العلاقات الدولية الطبيعية الموجودة ولكن فى نفس الوقت نقبل من هذه الدول العظمى الكبيرة ان تملى ارادتها على مصر لان القرار المصرى الداخلى قرار مش بشان مصر الذى يتخذه المصريون وفى نفس الوقت نحن لا نملى ارادتنا على حد فى الخارج فطبعا كان هناك فهم لهذا الموضوع والحكاية اللى هحكيها دلوقتى دى ان كان من اليوم الثانى او الثالث هيجتمع الاتحاد الاوروبى علشان اللى حصل بالفعل ده وكان هناك نوع من التوقعات بان يكون هناك نوع من العقوبات الاقصادية الشديدة التى سيتخذها الاتحاد الاوروبى محصلش طبعا الكلام ده انا بانقل وهرجع للكلام تانى الحادثة الشهيرة لما جاءت لى واحدة ست دبلوماسية مساعدة لاحد وزراء الاتحاد الاوروبى وبعد ما تفهمت الموقف وسالتنى سؤال واضح صريح ما الذى ترغب ان اقولة لوزير الخارجية فى الاجتماع الذى سيتم بعد غد فيما يتعلق بمصر قلت لها نحن لا نستطيع ان نملى عليكم اى قرار والله احنا شرحنا لكم الموقف كله واتخذوا القرار اللى تروه مناسبا لمصالحكم وفى نفس الوقت ما تتعرض له مصر سيكون لنا موقف امامها عليكم ان تراه بالشكل اللى انتواعايزينه واحنا ملناش طلبات معينة الا حاجة شرط وحيد الا يكون هناك تدخل سافر فى الشئون المصرية ونحن من جانبنا لا نتدخل فى الشئون الداخلية لا الاتحاد الاوروبى ولا دول الاتحاد الاوروبى ولا الويات المتحدة الامريكية ولا اى دولة من دول العالم
عمرو توفيق : بس هل امريكا ستقبل الهزيمة فى مشروع الشرق الاوسط الكبيرهذا المشروع ينهار تقسيم المنطقة وتحويلها الى كنتونات طائفية هذا هو مشروع الولايات المتحدة هل تقبل ده امريكاوالا هتحاول من باب خلفى
اللواء/ احمد عبد الحليم : هنحاول على مدى طويل اخر هى الحياة كلها ايه السياسة كله ايه مجموعة من المصالح هذه المصالح تتقابل احيانا وتتعارض احيانا اخرى هذه العلاقات بتتوقف على لسيناريوهات المختلفة اللى كل طرف من الاطراف بيعملها والله لو هى عايزة تعمل تفتت المنطقة لان طبعا فى تفتيت المنطقة تعود بالامن على اسرائيل
عمرو توفيق : تبقى هى رجل المنطقة الاول
اللواء/ احمد عبد الحليم : لكن اذا لم يتم ذلك مش هيحصل حرب ولا يحصل حاجة لأ ليكون هناك محاولات اخرى مسائل اخرى وعمليات اخرى فعلينا ان نكون متنبهين لايجب ان احنا نضع كل تقديراتنا واعتمادنا على اساس ما يفعلة الطرف الاخر احنا لازم نكون مستعدين اكثر لان يكون عندنا مجموعة من القرارات التى يمكن ان نخصه وتتساوى وتتوازى مع المصالح المصرية فى هذا الشان
عمرو توفيق : ربما احنا قلنا ربما فى اعادة البيت الداخلى فى مصر المضى قدما فى خارطة الطريق هيدى مصداقية لينا امام العالم ان احنا بالفعل دولة مدنية ديمقراطية بتسعى الى اقرار مجتمع العدالة واحترام حقوق الانسان حضرتك بالتاكيد بتسمع وتقرا عن التعديلات الدستورية ولجنة الخمسين التى ستشكل وتنعقد لمناقشة التعديلات الدستورية وربما يكون دستور جديد لمصر تستحق فى القرن الحادى والعشرين اذن لنا حضرتك نشوف تقرير ونرجع تانى
تقرير لنعيم ابراهيم : بعد الانتهاء النهائى لمسودة الدستور ورفعها لرئيس الجمهورية المؤقت عدلى منصورتباينت العديد من الاحزار والمنظمات الحقوقية حول تشكيل لجنة الخمسين والمرحلة الثانية لتعديل الدستور
مواطنة : اولا مش ممثل فيها الصعيد هو من كل محافظة يبقى ممثل واحد المفروض ان يبقى فيها كل فئات الشعب المفروض تبقى المائة 100 فرد وده اقل حاجة الترقيع للدستور الحالى غلط لان ما بنى على باطل فهوباطل
مواطن : خطا بقى دلوقتى لان فى الجنة التاسيسية نفسها اللى وضعت الدستور بتاع 2012 عليها طعن فاذا حصل ان المفوضين قرت ان اللجنة دى باطلة يبقى انت اصلا عدلت فى دستور باطل
مذيع : الاحزاب والحركات ايضا عبروا عن قلة مكانة المرشح لتمثيل المراة والشباب وكذلك المصريين بالخارج مطالبين بزيادة عدد اللجنة الى مائة
مواطنة : المجتمع المصرى السيدات فيه بتنقسم الى مراحل مراحل المتعلمين قوى او المثقفين وفى مراحل متوسطة وفى مراحل مفيش ثقافة مفيش تعليم كان المفروض ان يكون اكثر من ذلك ان انا باخذ التوجهات انما مفيش واحدة تقدر تقول ان هى مثلا هى محتاجاة زيادة اعضاء اللجنة سيتيحوا التمثيل الافضل لطوائف الشعب وكذلك كافة المحافظات بالاضافة الى نحو ثمانية ملايين المصريين
فاصل
عمرو توفيق : اعود لضيفى الكريم اللواء احمد عبد الحليم باسال حضرتك المشهد الداخلى فى التعديلات الدستورية لجنة الخمسين الخناقة حوالين الانتخابات بالفردى والا بالقائمة ناس تقولك الفردى هيجيب الفلوس بتاعت الحزب الوطنى والقائمة هتجيب الاخوان واخشى ان احنا نتوه فى هذه المسائل وخمسين % عما ل وفلاحين ونلغى مجلس الشورى نخلى مجلس الشورى يعنى حضرتك شايف المشهد ازاى ؟
اللواء/ احمد عبد الحليم : فى مادة هتتلغى هى 232 على ما اظن الخاصة بعملية العزل هتتلغى من الموضوع لان مش معقول يبقى فى عزل فلول وعزل للاخوان المسلمين وعزل معرفش لمين والى اخرة ونبص نلاقى ان هناك ليس فى الساحة من يتقدم للانتخابات الحاجة الثانية النظام انت كلمتنى عن الشورى انا من الناس النظم الديمقراطية بمجلسين ديكتاتورية بمجلس واحد المجلسين قد يؤخروا اتخاذ القرار لكن يضمنوا ان يكون هناك قرارا سليما لو بصينا للنظام الامريكانى الكونجرس الامريكانى نجد ان مجلس النواب الامريكانى كل محافظة عدد النواب اللذين يتم ترشيحهم طبقا لاعداد الناس الموجودين فى المحافظة فتبص تلاقى المجلس فى النهاية 400 - 500 حاجة بهذا الشكل لكن مجلس الشيوخ كام واحد 100 واحد انا اقترح زى ما امريكا عاملة على سبيل المثال 2 فى كل ولاية اعمل 4 فى كل محافظة 6 فى كل محافظة 6x 20 =120 نكملهم ب 30 واحد معين لخبرات المكتسبة يبقى فى حدود 150 لااكثر ولا اقل لكن انى الغية تماما معنى كده ان انا بادى فرصة لامر ما لاسرائيل خاصة اذا ان هناك النظام المختلط وهو معناه ان رئيس الجمهورية هو الذى يتولى رئاسة الجمهورية وان الحكومة تتشكل من الاغلبية المنتخبة فى مجلس النواب وان يعين رئيس المجلس من هذه الاغلبية والمجلس من هذه الاغلبية وبالتالى هنبص نلاقى ان السلطة التشريعية والتنفيذية يقوا مجموعة واحدة
عمرو توفيق : معروف ان امريكا كل شوية عمالة تكلمنا عن المعونة والله اما تمشوا زى ما احنا عايزين والا هنقطع المعونة بيتحدثوا بنبرة بغيضة كلما حدثت مشكلة فى العلاقات الثنائية طيب دلوقتى احنا المفروض نعتمد على انفسنا لان احى الجهود العربية وجهود خادم الحرمين الشريفين والامارات والكويت والبحرين والاردن وبقية الدول العربية الشقيقة وقفوا معنا وقفة رجالة لكن محدش بيمسح دمعتك الا ايديك يعنى مهما الناس تساعدك لازم انت تساعد نفسك طيب مش احنا مفروض ان احنا نبتدى البناء الدفع برجال الاعمال المصريين سواء بالداخل اوفى الخارج للبناء للاستثمار لتشغيل الشباب بدل مايروح على جماعة متطرفة والا على الاخوان هنديك قرشين وروح اعتصم فى رابعة والا اعتصم فى النهضة والا اضرب فى الحتة الفلانية خرب فى الحته الفلانية احنا اولى بهؤلاء الشباب علشان يبتدوا يبنوا بلادهم واحنا نخرج من نطاق التداعبة البغيضة اللى احنا فيها
اللواء/ احمد عبد الحليم : نتكلم فى زاويتين رئيسيتين الموضوع الشيق الجميل اللى انت فتحتة هناك موضوعات كثيرة تقال فيه الاول موقف السعودية والدول الداعمة للموقف المصرى اضافة لموقف الولايات المتحدة التى لازالت على قمة العالم ولكنها ليست كما كانت فى الماضى ليست هى الولايات المتحدة بتاعت الخمسينات والستينات لأ دى عندها مشاكل وازمة مالية وعندها صعوبة فى الحركة الخارجية وعندها حاجات كثيرة جدا كل هذا الكلام بيؤدى ان يكون هناك نوع من القدرة على الحركة هذه التغيرات الموجودة هذه التغيرات التى تحدث الان تسمح بان تكون الدول الى نصر بالنسبة لنا تنتصب الى المائدة وتحصد مطالبها وتحصل على هذه المطالب
عمرو توفيق : اذن لى سيادة اللواء ايران لنا كمثال ايران فى مشاكل بينها وبين الولايات المتحدة بسبب المشروع النووى الايرانى ولكنها لانها بتملك امرها عندها انتاجها عندها سلاحها فبتلاعب امريكا وعندها بترولها على نار هادية ياترى احنا ممكن نوصل فى يوم من الايام وما ذلك على الله ببعيد الى هذا المستوى والا لسة شوية استاذن حصرتك فى تقرير لمحمود على
تقرير: لابديل عن طى صفحات الماضى والانطلاق نحو عهد جديد ابرز سماتة العمل والانتاج كما هو الحال بالنسبة للوطنين من رجال الاعمال
مواطن : الفترة الجاية التركيز فى اكل عيشهم السياسيين يتخنقوا مع بعضهم لا يعنينا النهاردة احنا دورنا النهاردة هو انقاذ بلدنا واكل عيش الناس فرص عمل احنا كمجتمع صناعى وكمجتمع اعمال مستعدين
بشاهدة العاملين فان حركة الانتاج فى طريقها للتعافى وبالشكل الملحوظ
مواطن : تعبنا الفترة اللى فاتت عندنا امل ان الفترة اللى جاية تتحسن الدولة لازم تقف شوية مع رجال الاعمال ومع المصانع علشان يبقى فى دفعة ونقدر نعوض الفترة اللى فاتت دى الحمد لله العمال دلوقتى حاسين بامان وحاسين بطمئنان وعندهم امل ان هما يعوضوا فترة الركود اللى فاتت
مواطن : الفترة الجاية محتاجة من كل اللى فى المصنع ومن كل العاملين فى الدولة كلها ان كل واحد فى مجالة وياريت يبىقى مجال العمل مش مجال السياسة الفترة اللى فاتت مصر كلها بتتكلم فى السياسة وسايبة الانتاج خالص
ويبقى الرهان على العمل والانتاج هو السبيل للخروج من هذا الوضع المتازم الى افاق ارحب من التنمية والديمقراطية
فاصل
عمرو توفيق : كتر الكلام فى السياسة المتضارب واللى فيه شقاق وفيه صراخ خلانا ننسى الانتاج اللى هو ممكن يخلينا فعلا نملك قرارنا فى ايدينا بحق تعليق سياتك
اللواء/ احمد عبد الحليم : الكلام اللى سمعناه جميل وروح جميلة جدا لكن هذا الامر لايتم بالشكل المطلوب الا اذا حدثت ثلاث امور رئيسية وهو الاستقرار ونحاول العودة الى حالة الاستقرار المطلوبة وحالة الامن المطلوبة عودة القانون بان يكون هو الحاكم ولا اى حاجة اخرى كل هذا الكلام يكون هو الارضية الثابتة التى يمكن من خلالها تنفيذ كل هذا الكلام وغيره احنا شفنا ان هناك ناس مستعدين مصريين شرفاء عندهم استعداد ان هما يستثمروا والانتاج والى اخرة لكن بردوا خلى بالك ان راس المال كما يقولون جبان وان راس المال يحتاج ان يكون مؤمن المشروعات اللى احنا عايزينها مشروعات كبيرة ضخمة محتاجة الى تمويل وامور كثيرة جدا اساسها الاستقرار والامن
عمرو توفيق : لو حضرتك وجهت رسائل نقول ايه للرئيس اوباما
اللواء/ احمد عبد الحليم : هو فى موقف غير ثابت كل اللى اقولة من فضلك بص اقف على ارض ثابتة وشوف الامور كما تحدث على حقييقتها وخذ قراراتك بما فيه صالح الولايات المتحدة
عمرو توفيق : قطروامنها نقول لهم ايه ؟
اللواء/ احمد عبد الحليم : منهم لله
عمرو توفيق : الاخوان واستقوائهم بالغرب ودعوتهم للغرب للتدخل فى الشئون المصرى من اجل الكرسى والعودة الى الحكم
اللواء/ احمد عبد الحليم : اقول لهم اليد ممدوة لكم على ان تكونوا جزء من الخليط المصرى وليس فئة واحدة تحكم لصالح فئة واحدة ولكن اذا اردتم ان انتوا تودوا
عمرو توفيق : فى عندنا فئة فى الوقت الحالى بتحاول انها تلعب على اشاعة الفرقة بين الشعب والجيش والشعب والشرطة تتقول لهم ايه ؟
اللواء/ احمد عبد الحليم : اقول لهم الجيش على قلب رجل واحد ولم تنجح كل هذه المجهودات التى يبذلوها فى هذا الاتجاه لن تؤثر فى الجيش ولن تؤثر فى الوحدة الموجودة الان بين الجيش والشعب
عمرو توفيق : تقول ايه للسعودية وخادم الحرمين الشريفين والاردن والكويت والامارات العربية
اللواء/ احمد عبد الحليم : خادم الحرمين الشريفين والدول الاخرى كلها ودول ناس طيبين كلهم وناس شرفاء بافى الدول الامارات والكويت اتمنى من الله سبحانة وتعالى ان هو يعطى هذا الرجل ثوابة عند الله قبل ان يكون ثوابة فى الدنيا هذا الموقف اثر على مجموعة من المخططات التى كانت موجودة وكان علينا ان احنا نواجهها لوحدنا هو ساعدنا فى ان نواجهها فى اطار مجموعة تحب مصر
عمرو توفيق : اخيرا توجه سياتك ايه لجيشنا المصرى الفريق اول عبد الفتاح السيسى القائد العام للقوات المسلحة
اللواء/ احمد عبد الحليم : السيسى رجل وطنى جميل جدا ولى خلق وعلى دين وعلى مبادئ وعلى حاجات كثيرة جدا وانا اعرفة على فترة طويلة واطلب من الله سبحانة وتعالى ان يديم علية الموقف الذى اتخذه يؤيد فيه الشعب ويعيد فيه المصالح المصرية فى كل الاتجاهات الداخلية والاقليمية والعالمية
عمرو توفيق : هو قائد عسكرى بدرجة زعيم اذن لى ان اشكرك سيادة لواء دكتور احمد عبد الحليم عضو المجلس المصرى للشئون الخارجية والخبير الاستراتيجى ونقول للفريق السيسى مصر ام الدنيا وانشاء الله ستكون اد الدنيا وتسلم الايادى .