45 دقيقة

محمد القاضى : اهلا بيكم فى 45 دقيقة الحقيقة احد المشاهد المتميزة بعد 30 يونيو و26 يوليو احد الجوانب المضيئة فى المشهد المصرى هو مشهد الشرطة المصرية وازاى بعد احداث يناير 2011 والاحداث التى تلتها وتراجع الشرطة بشكل ملحوظ ازاى حصلت المعجزة اللى مهما كان حصل فيما بعد من محاولات لعودة الشرطة ومبادرات وكلنا شفنا محاولات كثيرة فى هذا الشان مكنتش هتؤدى النتيجة التى نشهدها الان خلونا نحاول نستوعب هذا المشهد بكاملة وايضا مستقبل الامن المصرى فى المرحلة القادمة من خلال لقاءنا مع الدكتور ايهاب يوسف الخبير الامنى وامين عام جمعية الشرطة والشعب لمصر اهلا بحضرتك
د. ايهاب يوسف : مساء الخير يا افندم
محمد القاضى : ما راى حضرتك نلقى نظرة سريعة فى الاول على الشرطة او ما يسمى بعودة الشرطة خلينا نقول عودة الشرطة لان البعض بيقول انها خلاص كانت راحت وسابت المشهد وبعدين رجعت مرة اخرى خلينا نتكلم عن مشهد عودة الشرطة المصرية
د. ايهاب يوسف : مشهد رائع الضباط الصغار واخدين المبادرة فيها اكثر من القيادات .. القيادات برشدهم وبتحفظهم حركتهم ابطأ شوية من الشباب اجتمعوا فى نادى الشرطة وحطوا اتر للعمل فى المرحلة القادمة من خلال الفيديوهات اللى شفوها حسوا ان فى شرطة جديدة بتتولد
محمد القاضى : الخبراء قالوا ان مشهد الشرطة لن يعود قبل اقل من 10او 15 سنة
د. ايهاب يوسف : كان شئ صعب لان حجم المشاكل والامور النفسية المعقدة اللى كانت موجودة فى العلاقة ما بين الشرطة والشعب زادت جدا بعد ثورة يناير وفى نفس الوقت القيادة دائما الخبرة بتقلل سرعة الخطوة فالمبادرة لما جاءت من الشباب كانت اسرع بكثير
محمد القاضى : ايه رايك نشوف تقرير عن جهود الشرطة فى هذه الفترة لصبرى يونس ثم نستكمل
تقرير: صبرى يونس ايه الموضوع اللى عندك
جندى شرطة : التوك توك مفهوش ورق وماشى على الكورنيش ممنوع تعليمات السيد الوزير والسادة المسئولين
صبرى يونس : هتعمل ايه معاه
ش هيتم التحفظ عليه وتقديمة الى قسم الساحل
سكينة جزارة يتعامل بها جوا المحل ما ينفعش ان هو يطلع بيها بره
جزار : انا شايل السكينة دى عشان انا جزار وبيثبتونى على الطريق اول اول امبارح ثبتونى فى شارع الترعة انزل من على الماكينة
صبرى يونس : ايه الاجراء اللى هيتاخد معاه
شرطى : دلوقتى هيتم حجز الماكينة علشان معهوش رخص فهيتم حجز الماكينة وهيتم تحرير محضر علشان السكينة دى عشان هو بيقول دلوقتى شايلها للدفاع عن نفسة وده تفتيش وقائى لربما نلاقى اى حاجة بنعتبر كل الناس محترمين حتى يثبت لنا عكس ذلك احنا بنفتش العربيات ونبحترم حق الانسان والعربية رخصها سليمة ممكن تكون عربيتك ومسروقة منك
ضابط : احنا متواجدين هنا 24 ساعة فى الاكمنه علشان نحقق الامن والامان للمواطن المصرى
صبرى يونس : الشرطة المصرية هى درع الجبهة الداخلية وحصنها المنيع والتى تحطمت على قلاعة موجهات الارهاب والعنف التى تريد ان تنال من عزم وصلابة هذا الوطن
مواطن : ده اللى كنا بنتمناه من فترة ده احسن حاجة ربنا يعين الناس اللى واقفة عشان هما شايلين كفهم على ايديهم
مواطن : احنا فى نعمة كبيرة قوى كده ربنا بس يعينهم ويقويهم ويفوقهم انشاء الله
مواطن : والله كل ما اشوف لجنة دلوقتى اقول يارب يقويكم يارب يقويكم
فاصل
صبرى يونس : عودة الامن والامان الى ربوع البلاد بشكل كامل هو مطلب جماهيرى يتحدث عنه القاصى والدانى من ابناء هذا الوطن ولكنه ليس مسئولية وزارة الداخلية ولكنها مسئولية امه باكملها تريد ان تضع اسمها بحروف من نور على صفحات التاريخ الخالدة من القاهرة صبرى يونس
محمد القاضى : نعود الى د. ايهاب يوسف الخبير الامنى وامين عام جمعية الشرطة والشعب بمصر د. ايه تعليقك على التقرير
د. ايهاب يوسف : حالة دراسة ممكن يتعمل منه نموذج للعمل الامنى اللى المفروض يتم فى المرحلة القادمة كنا بتكلم عن عودة العلاقة ما بين الشرطة والشعب احنا سعداء بعودة العلاقة ما بين الشرطة والشعب لكن فى العمل المهنى فى ثغرات كثيرة جدا الجزار ماشى بسكينة للدفاع عن نفسة فده عدم احساس بالامان هو خايف الشرطى وقف التوك توك علشان يسحب منه يودية الحجز احنا شايفين التكاتك ملية مصر ليه وزارة لداخلية من بدرى مش بنقول دلوقتى لم تطلب من الجمارك منع دخول التكاتك احنا عايزين قوانين تتمشى مع حقوق الانسان ده احنا نحتاجة فى المرحلة القادمة
محمد القاضى : يعنى لازم يقف مكانة بيطبق تعليمات القانون
د. ايهاب يوسف : يبقى هو عنده امر عمليات هو عارف ودى بنفتقدها جدا فى الداخلية اللى هى وظيفة حضرتك ايه فى المكان ده
محمد القاضى : بيسموها فى الاتش ار بطاقة الوصف الوظيفى
د. ايهاب يوسف : بالضبط حضرتك انا موجود هنا علشان اعمل كذا بالضبط انت موجود هنا علشان 4321 ملهاش علاقة بتعليمات السيد الوزير ولا تعليمات السيد المساعد عشان ننتقل من ما كنا فيه الى حياة افضل يجب يكون هناك تعليمات عامة بيتم تنفيذها لان ممكن فى وقت تانى تظهر تعليمات مخالفة فانا هنفذ تعليمات الوزير والا تعليمات مخالفة احنا هنا مفروض نلتزم بتعليمات القانون او بما ينص عليه القانون ويبقى عندنا تدريب وتاهيل انا الاخوة الافاضل فى الداخلية بيعانوا عليهم ضغط جامد جدا من ناحية تعرضهم للارهاب نسبة استشهاد عالية جدا نسبة مصابوا عمليات من ثور يناير لحد دلوقتى 9 الالاف من يناير 2011 لحد الان فكل الاعداد دى بتورينا الضغط النفسى هل تم تدريبهم تدريب مختلف عن ما كان قبل يناير
محمد القاضى : مسالة التدريب مشكلتنا فى مصر بشكل عام ان معظم القطاعات غير كفء فى تخصصاتها بتعتمد على المبادرات الفردية لافرادها ومحاولات شخصية من العاملين او القيادات لتفعيل نجاح ده لكن مفيش ما يسمى بسيستم او حتى يقال فى فض المظاهرات هناك علوم حديثة فى هذا الامر وشفناها على النت والكتب ازاى بيقدر يستوعب حتى لو فى اعمال عنف داخل المظاهرة ازاى بيقدر يحاصرها ويسحبها برة المكان ولها تكنيك خاص
د. ايهاب يوسف : احنا فى العمل الامنى محتاجين ناخذ حاجتين الخبرات المتراكمة ونبنى عليها والعلوم الجديد ونستفاد من التطوير احنا فى مصر بنبنى على الخبرات المتراكمة بس ما بنخدش ما يستجد من علوم فا بنجيب ملف السنة اللى فاتت او الملف بتاع المظاهرة اللى فاتت او الخدمة اللى فاتت ونبتدى نشتغل عليه علشان هو ده النموذج اللى عدى معملش مشكلة فا فكرة ان انا باشتغل على الحاجات اللى ما عملتش مشاكل ده شئ غلط فكرة ان انا النهاردة فارد قواتى فى الشارع باعداد ضخمة جدا لمجرد درأ المسئولية ده غلط لان الجو حار فى رمضان الناس واقفة معندهاش تشغيل يعنى القوات المسلحة عملت ايه لما نزلت الفترة الماضية بعدها بيوم اواثنين راحت سحبة قواتها لان خلاص المامورية خلصت النهاردة لسه فى قوات امن مركزى لسه واقفة بتشكيلاتها فى الشوارع وعربيات وافقة فى النهضة قريبة من وسط البلد او
محمد القاضى : ده ممكن يضعف الروح المعنوية او
د. ايهاب يوسف : لو افترضنا ان عندنا خصم وانا اسف انى باتكلم عن خصوم العمل الامنى الحرامى خصمى او اللى مرتكب جريمة خصمى فلو احنا ادمنا خصم اللى هوالناس الموجودة فى رابعة العدوية هنا بنتكلم عن القيادة اللى نتحاول انها تحقق شئ معين بتستثمرة فى مصلحة ان هى تحقق اعلام مناهض للدولة او سياسة مناهضة للدولة او او او هو من مصلحتة ان هو القوات فى الشارع ويعمل مناورات زى دلوقتى
محمد القاضى : ايه الحل
د. ايهاب يوسف : الحل يكون هناك معلومات نكون مخترقين هذه المجموعات من الداخل لازم يكون لنا ناس داخل الميادين علشان جمع المعلومة وده شئ حلال نبتدى نستعد ونعمل خطوات استباقية شفنا على مدى السنتين اللى فاتت نقطة اسمها نقطة الريسة فى شمال سيناء انضربت تقريبا 40 مرة خلال السنين اللى فاتوا معسكر الامن المركزى فى شمال سينا انضرب اكثر من مرة بالار بى جى -
محمد القاضى : قسم تانى العريش اللى بينتظر حادثة كل يوم
ب بالضبط هل الاماكن دى مقدر لها ده والا احنا كمان لازم بنتدى نستوعب ان احنا علينا كدولة علينا دور فى حماية العاملين لدينا يعنى انا مااقدرش اقول ان انا مات من عندى 200 شهيد وانا شايف ان انا مش غلطان لأ انا غلطان مفروض عليا ابذل جهد فى ان انا اامن الناس لابد ادر ادارة مخاطر واشوف الوضع بتاع النقطة دى الم ايه الاستفادة وايه الضرر دى كلها علوم استباقية حديثة
محمد القاضى : دى موجودة عندنا
د. ايهاب يوسف : موجودة فى بعض الاجهزة الفريق عبد الفتاح السيس بياخذ خطوات على ضوء علوم زى دى زى مطالبة الجموع تفوضة فى مكافحة الارهاب وعلى الصعيد الدولى حب يفهم كل من يحوم حول هذه المنطقة ان فى اتفاق شعبى
محمد القاضى : نشوف تقرير عن عودة روح القانون دولة القانون
تقرير: الاحداث التى تشهدها البلاد فى الاونة الاخيرة والتى تاتى تارة بين العنف والارهاب جعلت القاسى والدانى من ابناء هذا الوطن يتحدث عن ضرورة تطبيق القانون بشكل كامل
مواطن : القانون يطبق على الكل
مذيع : رجال القانون يتحدثون فى هذا الشان
محمد القاضى : قانون العقوبات المصرى مصر الثورة الدعامة الاساسية فيها احترام القانون وتطبيق القانون فى الشارع ده بينعكس على كل مناحى الحياة خاصة بعد فشل نظام الحكم خلال العام السابق مصرتحتاج الى تطبيق القانون بشدة وحسم
مذيع : الشارع المصرى يترقب ما ستسفر عنه الساعات القادمة
فاصل
محمد القاضى : د. اعمال القانون متى يتحقق هذا المشهد
د. ايهاب يوسف : ده هيتحقق لما يبقى عندنا مؤسسات وقواعد عمل ونظم نبتدى نشتغل عليها
محمد القاضى : مين رئيس المجلس الاعلى للشرطة
د. ايهاب يوسف : وفقا للدستور الرئيس
محمد القاضى : هل ممكن ننتقل بهذه الفكرة الى سيناء لمواجهة الارهاب ؟
د. ايهاب يوسف : من الناحية التكتيكة فى حد بيعمل ده وفى معلومات موجودة عندهم كلنا كنا متوقعين وجود دم واللى بيحصل اقل كثير من اللى كان متوقع ربنا سبحانة وتعالى حامى مصر وفى معلوما كويس جاءت من سينا وكلنا متوقعين ان هيحصل يجى من المحافظات عمليات داخل المحافظات ووزارة الداخلية بدات بتادر بانها تقول للمواطنين لو شفت جسم غريب ما تقربش منه والبلاغ على 122ومتوقع ان هيتم زرع قنابل لان الخصم بتاعك عايز يحدث اضرارسياسية واقتصادية للنظام الجديد ويحقق مكسب اعلامى فى الخارج ان مصر غير مستقرة
محمد القاضى : نشوف تقرير :
مذيع : فى شهر رمضان المبارك يجتهد علماء الدين فى نشر تعاليم الاسلام وكان اهم ما اجمع عليه هو حرمة اراقة الدماء
شيخ ازهر: الدماء لها فى الاسلام حرمة عظيمة جدا تفوق كل الحرمات التى اخبرنا القران الكريم عنها ولذلك ليس منا من روع مسلم مجرد رفع السلاح اعد قاتل
مذيع : علماء الدين ايضا اكدوا الاقتداء بالرسول الكريم محمد صلى الله عليه وسلم فى الدعوة الى نبذ العنف وحقن الدماء
شيخ ازهر : النبى صلى الله عليه وسلم علم الامة كيف ان مجرد الغيبة والسب فقط سباب المسلم فسوق وقتالة كفر والعنف مرفوض
مذيع : اعلاء مصلحة الوطن وحقن دماء المصريين كافة نصت عليه كل الديانات فمعا نتخذ من الشهر الكريم بداية نحفظ بها بعضنا البعض
محمد القاضى : بقى لنا رسالة نوجها سريعا لو قلنا نوجهها للشعب المصرى
د. ايهاب يوسف : نقول للمصريين ان احنا بنبى مجد جديد خلينا نبص على دولتنا واللى عايز يجى معانا من رابعة ياريت يمد ايده ونبقى كلنا ايد واحدة اللى عايز يرفع سلاح ضد المصريين كلنا هنقف ضده خلونا نبنى كلنا مع مصر
محمد القاضى : د. ايها ب يوسف الخبير الامنى وامين عام جمعية الشرطة والشعب المصرى كل الشكر ولكم الشكر مشاهدينا غدا حلقة جديدة تابعونا .