45 دقيقة

محمد القاضى : مساء الخير اهلا بكم وحلقة جديدة من 45 دقيقة النهاردة هنتكلم عن ازمة ا لسولار اللى طلع انها ازمة نفسية مرورا بتصريح رئيس الشركة القابضة اللى بيقول ان اللحوم المستوردة هتزيد فى المجمعات بسبب مشاكل فى الاستيراد مرورا ايضا باسعار السلع اللى مش هتنخفض رغم ان الدولار انخفض انخفاضا طفيفا فى سعره كان معروف ان فى السوق المصرى اللى بيطلع ما بينزلش نزولا الى ازمة الثروة الحيوانية فى مصر وضيفنا فيها هيكون الدكتور احمد فراج وكيل معهد بحوث الانتاج الحيوانى هنحاول فى هذه الفقرة الرئيسية نعرف ازاى ممكن يبقى عندنا ثروة حيوانية تغنينا عن اللجؤ لهنا وهنا السودان والا الصومال اثيوبيا او اى ان كان ازاى ناكل من ايدينا حنا بدل ما نطلع بره نجيب خلونا نشوف عناوين الموضوعات ونرجع نكمل
نبدأ بالموضوعات الرئيسية اكتشفنا ان ازمة السولار طلعت ان هى ازمة نفسية مش ان فى نقص فى الوقود اللى اتقال على لسان احد مسئولى وزارة البترول وهى ازمة نفسية روج لها تجار السوق السودا لتقوم الناس بشراء كميات كبيرة وتخزينها والاسعار تزيد وهما يستفيدوا هذا احدث تعبير وتوصيف لازمة فى دولة حد ممكن يكون رفض مثل هذا التوصيف لمشكلة اوازمة مر بها مجتمع ان ازمة نقص سلعة او سلعة معينة هى ازمة نفسية تقرير محمد عطية
تقرير : محطات السولار والبنزين تستقبل كميات كبيرة من السولار للقضاء على معاناة المواطنين اليومية والتى سببت العديد من المشكلات واثرت على العديد من اسعار السلع بالاسواق
كميات السولار اللى ضخيناها زيادة دى اولا بصفة اساسية علشان موسم الحصاد ونقضى على ازمة السولار وهو الان موجود ونناشد المواطن ان ياخذ ما يحتاج اليه فقط
م الناس بتقف فى الطابور علشان تبيع سولار فى السوق السودا بس
البعض عبر عن رضاءة بانفراج الازمة واخرون طالبوا الحكومة بضرورة احكام الرقابة على الاسواق ضمانا لعدم تكرارها
مواطن : كل واحد يعامل ضميرة
مواطن : مفيش رقابة يبقى خلاص كانها لم تكن
مواطن : عايزين رقابة على المحطات فى كميات بس ببتباع فى السوق السودا
مواطن : لو كلنا رفضنا شراء السولار بالسوق السودا محدش هياخد السولار
مذيعة : احكام الرقابة على محطات البنزين ومحاربة السوق السوداء الى جانب توفير المواطنين احتياجاتهم الفعلية لانضباط الاسعار فى الاسواق المصرية
محمد القاضى : بغض النظر عن المشكلة شكلها ايه لكن المشكلة لازم تتحل ويكون هناك رقابة نشوف العناوين ونرجع تانى
- جمعة استقلال القضاء متظاهرى التحرير يطالبون باشراك القضاة فى اصلاح منظومتهم
- اشتباكات بين البلاك بلوك والامن امام الاتحادية
- القضاة يهددون باعتصام مفتوح بعد ساعات العمل والغريانى يطالب بارجاء مناقشة قانون السسلطة القضائية لما بعد الانتخابات
- شهاب نمتلك القرار السياسى لتنمية سيناء
- محافظ جنوب سيناء مليار جنية لتحويل شرم الشيخ الى مدينة خضراء
- الصرف فى مايو ويوليو علاوة لجميع موظفى الدولة بقيمة 20 مليار جنية
- 17 الف عامل للكهرباء يصرفون علاوة تشجيعية الشهر القادم
- وزير البترول 20 مليار دولار استثمارات جديدة فى البترول كيماويات حتى 20/20
- اسعار السلع الغذائية لم تتاثر بانخفاض سعر الدولار
- الشهبه التاجر برئ من الزيادات ويعانى من الركود
- المعلومون تطالب بعدم تصرح الثانوية العامة الجديدة
- الحلوانى يجب اصلاح منظومة التعلم بالكامل المحامى العام الاول التصالح مع حسين سالم سابق لاوانه
محمد القاضى : هيصنع حاسب الى فى مصر يطرح على طلبة المدارس يصنع 3 مليون حاسب خلال العام الجارى وبداية العام المقبل بحجم استثمارات 300 مليون جنية يصل بمراحل الانتاج الى 6 مليون حاسب بنهاية 2017 استثمارات تصل الى 1.8 مليار دولارنتمنى يكون حقيقى
تقرير - نعيم ابراهيم : يقوم بتصنيع الحاسب الجديد مصنع بنها لطلبة المدارس والجامعات ومصرى 100%
وقد يصدر الى الدول الافريقية وهو صغير الحجم وهو يقفز بمصر قفزة هائلة الى عصر التكنولوجيا
محمد القاضى : رئيس الشركة القابضة قال ان المجمعات ستشهد ارتفاعا فى سعر اللحوم المستوردة بكل انواعها علشان تكلفة الاستيراد زادت
نعيم ابراهيم : تصنيع الحاسب الجديد عبور لمصر ما بعد الثورة الى مجال التكنولوجيا
محمد القاضى : رئيس الشركة القابضة للصناعات الغذائية قال : ان المجمعات ستشهد ارتفاعا فى سعر اللحوم المستوردة بكل انواعها علشان تكلفة الاستيراد زادت ليه زادت قال علشان استيراد اللحوم بتواجه عدة ازمات اهم ازمة ان الدول الخليجية دخلت بقوة فى السوق العالمى للحوم فالاسعار بتزيد اذن احنا امام ازمة فى الثروة الحيوانية هتواجهنا فى الفترة القادمة نشوف مع ضيفنا الدكتور محمد فراج وكيل معهد البحوث الانتاج الحيوانى نشوف كيف يمكن مواجهة هذه الازمة بعد التقرير
تقرير: هذا ما تبقى من هذه الحظيرة التى كانت تاوى عددا من رؤوس الماشية فى وقت كانت فيه تربية المواشى جزءا لا ينفصل عن حياة الفلاح المصرى
فلاح مصرى : انا كنت باربى 30 و40 عجل بطلت وكنت باربى 20 جاموسة بطلت علشان الاعلاف غالية نيجى نبيع الحاجة نخسر الموالح مفيش تصدير حال البلد وقف نعمل ايه كل حاجة حالتها واقفة دلوقتى
فلاح مصرى : كانت الحكومة بتوالى الفلاح وبتساءل عنه وبتوفر له كل حاجة دلوقتى سابونا للقطاع الخاص الكسب غالى ومغشوش البرسيم القيراط ب 130 جنية
فلاح مصرى : الحكومة كانت بتدى لنا الكسب الاخضر دلوقتى مفيش اى حاجة من الكلام ده كله
فلاح مصرى : اشمعنا حاجة الماشية اللى رفعوا عنها الدعم خاص وسابوا كل حاجة للمصانع الخارجية احنا مش قادرين نربى اى حاجة
فلاح مصرى : الارض مفيش بهايم موجودة فى الارض بالنسبة للتكلفة تكلفة الزراعة غليت
مذيعة : غلاء الاسعار يحول دون تربية الماشية
مزارع : نعتمد على اللحوم الحية المستوردة من السودان والبرازيل والهند ودى بتنزل سعر اللحوم عندنا والتكلفة عندنا عالية جدا جدا جدا وسعر الاعلاف عالية
مزارع : اسعار الادوية ارتفعت 20 -30 % غير الادوية البشرية مسعرة
مزارع : المفروض اعمل مشاريع مع الشباب وتسمين الحيوانات ادى قروض واحسن الرعاية البيطرية لمساعدة تحسين الثروة الحيوانية وسد الاحتياجات فى مصر
مزارع : عايزين نرجع التامين على الماشية
محمد القاضى : الثروة الحيوانية فى مصر نطرح هذه الاسئلة على ضيفنا الكريم فى الاستديو الاستاذ الدكتور محمد قراج وكيل معهد بحوث الانتاج الحيوانى مساء الخير
د.محمد فراج : اهلا وسهلا
محمد القاضى : المنهدس حسن كامل رئيس الشركة القابضة للسلع الغذائية كان له تصريح قال اسعار اللحوم المستوردة هترتفع فى جميع المجمعات م. حسن معانا على التليفون مساء الخير
م. حسن كامل : اهلا وسهلا مساء الخير التصريح ده صحيح ان اسعار اللحوم المستوردة هترتفع
د.محمد فراج : هو فى شئ من الصحة لان مصادر اللحوم مصر ليس اللاعب الوحيد فيها دخل مستوردين اخرين انقطع الاتصال
محمد القاضى : دكتور محمد كيف يمكننا رسم خريطة للازمة الحيوانية فى مصر بشكل عام يعنى احد عناصر المشكلة مشكلة نقص اللقاحات لكن هل هى دى المشكلة الوحيدة والا الموضوع اكبر من كده بكثير
د.محمد فراج : بسم الله الرحمن الرحيم اذا كان هناك ارادة وهناك ازمة فتاكد تماما ان هناك حل احنا معندناش احساس ان هناك ازمة امن غذائى فى مصر الازمة لها اطراف عدة مصر يمكن ان تكتفى ذاتيا تدريجيا وتكتفى بالالبان لكن دى منظومة عمل قومى لابد ان تجلس مع بعضها وتضع خطة للنهوض بالثروة الحيوانية
محمد القاضى : قلى الازمةعناصرها ايه الان يعنى ايه علامات الازمة ايه امارات الازمة اللى احنا عايشينها
د.محمد فراج : هناك ازمة خاصة بالاعلاف والناحية البيطرية والطب الوقائى هناك ازمة خاصة بالمجازر هناك ازمة خاصة بالتشريعات والقوانين وزار الزراعة . الار شاد . التسويق تدعيم المنتج المحلى . ازمات كثيرة
محمد القاضى : احنا بننتج كام % مما نستهلكة
د.محمد فراج : 60% بالنسبة للحوم
محمد القاضى : تقريبا زى القمح
د.محمد فراج : يعنى تقريبا بس هو احنا فى اللحوم نقدر نعمل حلول كثيرة
محمد القاضى : نقدر نزود
د.محمد فراج : اه القصة مش وزارة الزراعة بس ولا الطب البيطرى وزارة البيئة تقدر تشارك بشكل كبير جدا وزارة الاعلام وزارة التموين
محمد القاضى : عايزين ندخل فى الموضوع على طول
د.محمد فراج : طيب الان ايه مصرعندها 30 مليون طن من المخلفات الزراعية عندنا 550 عالم كلهم اشتغلوا على كيفية تدبير المواد العلفية واستخدام المواد الزراعية تشمل مخلفات التصنيع .المصانع . المضارب . جميع المخلفات للاسواق القش وعمليات التقطيع والفرم والذرة دى منظومة عايزة دعم من وزارة الزراعة لتشغيلها وتدويرها علف للحيوان
محمد القاضى : العلف بيجى منين
د.محمد فراج : للاسف عايزين يستعملوا الصويا ودى بتستورد ومرتبطة بالدولار ونتيجة ذلك الاسعار بتغلى
محمد القاضى : ليه ما بنزرعهاش هنا الصويا
د.محمد فراج : هى مسالة امكانيات وخطة تتحط كل محافظ ياخذ فرصة ان يعمل ظهير صحراوى للمحافظة بتعته ويجيب القرى المتخصصة فى انتاج الالبان وانتاج اللحوم ويعمل تنظيمات بالنسبة لحظائر المواشى وينقل الثروة الحيوانية ويعمل استصلاح للاراضى مساحات ضخمة بطرق رى حديثة تحافظ على الميه وتبدأ تزرع اعلاف تديك كميات ضخمة من الاعلاف الخضراء زى علف الفيل المعمر فى الارض بيطلع سنوات الفدان الواحد بيدى 100 طن علف عايزين مناطق شاسعة للاعلاف ونجمع الثروة الحيوانية وندعمها بالنسبة للمصانع الوزير اخذ قرار برفع الدعم عن النخالة مفيش فى الدنيا حد بيرفع الدعم عن صناعة فيها ازمة اوفى امن غذائى فيه مشكلة النهاردة عشان ترفع الدعم لوفى الكويت يدوا كل عجلة يعشرها المربى تصبح حامل ياخذ 200 دينا رمكافاة له فى السعودية جلالة الملك يدفع 4.4 مليار ريال سعودى سنويا تدعيم البدو عنده علشان يحافظ على
محمد القاضى : الدول اللى معندهاش بترول تعمل ايه ؟
د.محمد فراج : انت عندك قدرة كبيرة لكن هى مسالة ارادة مشروع البتلو لم يتم عملة لو مشروع البتلواتعمل هيحل الازمة القش اللى بيحرقوة لو وزارة البيئة عملت مكابس للقش غذاء كامل للحيوانات بيدى انتاج الاطباء البيطريين مش موجودين لابد من عمل اتحاد الالبان التشريعات الخاصة بعمل مناطق خاصة بالثروة الحيوانية والاستفادة من خبراء وزارة الزراعة واعطى قروض وارجع الارشاد
محمد القاضى : هذه العناصر موجودة الارشاد الاعلان الخبراء بنك التنمية بيقدم قروض للثروة الحيوانية كل ده موجود ايه اللى مش موجود
د.محمد فراج : تدعيمها والرقابة الاطباء اسعارهم غالية العلف كيلو اللحمة ب40 جنية تقدر تطلع كيلو اللحمة فى مصر ب 40 و50 جنية بدون ما تستورد وادعم المربى عندى واشغل الناس واحل مشكلة الاسمدة .. جهاز حماية المستهلك فين لازم تدعم جهاز وزارة الزراعة
محمد القاضى : المجازر
د.محمد فراج : فى محافظات لايوجد بها مجازر ناس بتذبح خارج المجازر وممنوع ذبح الاناث
محمد القاضى : عايزين 1-2-3 هنعمل كذا ليكون فى مصر كيلو اللحمة ب 45 جنية
د.محمد فراج : ا- قروض تتفتح تماما لكل مربيين الماشية
2- جمعيات تنمية الثروة الحيوانية لابد اقف معها وادعمها وافتح لها الاستيراد
3- اعمل اتحاد المربيين وادعمهم اتحاد الالبان لم يطلع به اى قرار
4- الهيئة العامة للخدمات البيطرية كان زمان بينادى بالميكروفون على التحصين هذا لا يحدث الان تفاجا الحمى القلاعية ضربت البلاد انفلونزا الطيور انا لو مسئول مفروض اى مسئول النهاردة يقول لى امتى مصر هتبقى خالية من انفلونزا الطيور امتى مصر تبقى خالية من الحمى القلاعية امتى هتشيل منها البورسيلا ولازم تدى له دعم مش القضية تصريحات انت صندوق التامين على الماشية الصندوق فيه مبالغ كبيرة انا لو مكانة اخش اعمل مشروعات انتاج حيوانى واستثمرها واحط العائد لصالح المربى وتعويضات الحمى القلاعية اللى تمت السنة اللى فاتت بعد ست شهورلولا وزير الزراعة مكنش صرف التعويضات لابد ان تكون فورية وعادلة ولابد يكون عندك صندوق يتعمل للكوارث فى الثروة الحيوانية انت لازم تدعم المربى بيجى يبنى طوبة فى الصحرا تقول له لآ ما تبنيش ما ينفعش الكلام ده استنى لما تاخذ موافقة ما ينفعش لابد ان يشرع الثروة الحيوانية هى انتاج زراعى بمعنى يمكن لاى واحد فى الصحراء يبنى حظائر وادى حصص نخالة النهاردة 16 مصنع علف قفلوا فى سوهاج نتيجة رفع اسعار الرده النخالة 50 جنية طب انت جاى هرفع السعر 200 جنية لابد ان يكون على الاعلاف رقابة صارمة
محمد القاضى : موضوع اللقاحات ازاى هتوفرها
د.محمد فراج : للاسف لابد لجمعيات الثروة الحيوانية والاتحادات والروابط يسمح لها باستيراد
محمد القاضى : هو لسه فى احتكارات
د.محمد فراج : فى احيانا عندك معهد المصل واللقاح دا انا معالى الوزير ممكن يخلى المعهد هو الاساس بس يدعمه دولة جنبنا زى اسرائيل قضت على انفلونزا الطيور احنا بقلنا من 2006
محمد القاضى : ايه بقى النقط المضيئة
د.محمد فراج : مشروع الاورمان رائع جداجدا مشروع خيرى الحاجة الثانية مصر الخير بتعمل اعداد كويسة جدا ولكن ناقصة 3 حاجات الاولى شركة ارض الخير بقت فى اكثر اللى هى تبع فى اكثر من شركة واللى ينتج اقل يدعمة فضيلة المفتى 2 فى ايده يعمل تحسين للثورة الحيونية بدل ما بيجيب تلقيح ايطالى من بره فى تلقيح فى مصر اعلى وبكفاءة الحاجة ال 3 متابعة فنية بارشاد فنى يدفع له
محمد القاضى : البحوث فين منتجكم
د.محمد فراج : خاصة بالدواجن فى جميع المحافظات ينفذ على استحياء اناعايز شركات استثمار تنفذ والحكومة اللحوم والالبان كانت موجودة كلها خاوية على عروشها الشرطة فى مصحلة السجون احسن مربى عمل 5000 عجل فى المرج انت تقدر المشكلة هل انت البحوث اللى عندنا العالم كله بيستفيد بيها الشعب يريد امن غذائى
محمد القاضى : العيش لقمة العيش
د.محمد فراج : وزارة الزراعة اذا دعمت هات مكابس ادعم كل دول العالم تدعم الفلاح انت لازم تعمل كده لازم الوزارة تدعم الفلاحين
فى نظام فى مصر اسمة نظام الظرابه ايه ده يجيب الجاموسة تجيب 15 كيلو او لما تزيد 8 كيلو يذبحها انا اطلب من سيادته ان يبعت ياخذ الحيوانات دى عنده فى ارض الخير يلقحها ويرجعها بتعدم وتذبح
محمد القاضى : فى ابحاث بتتكلم عن الموضوعات دى
د.محمد فراج : المعهد عندنا 18 قسم والمعهد بياخذ كل امكانياتة وكل قدراتة امكانيات بحثية علمية احناعايزين امكانيات تطبيقية
محمد القاضى : الخلاصة بتعملوا الابحاث ولا تطبق
د.محمد فراج : وزار ة الزراعة تطبق فى حدود القدرات المرتبطة بالارشاد احنا عندنا حاجات كثيرة فى البلد عشان تنهض مصر
محمد القاضى : القنوات الزراعية
د.محمد فراج : شوف القنوات الاكثر تعدادا للمشاهدة وحط لها
محمد القاضى : انت ترى احنا عندنا ازمة حقيقية لازم نقف امامها
د.محمد فراج : عندنا ازمة ولكن ليست مستحيلة الحل اللى خرج ارجعه تانى
محمد القاضى : لو تحقق ماتقولة ممكن الكيلويوصل الى 50 و40 جنية خلال اد ايه
د.محمد فراج : اتعهد لحضرتك من الان اذا توفرت الارادة ووزارة الزراعة اقصى حاجة 8 شهور اللحمة ب 40 جنية ارخص من المستورد
محمد القاضى : د محمد فراج يبدو انها مش ازمة فى الثروة الحيوانية لكن نفسية شكرا جزيلا ولكم الشكر مشاهدينا الى اللقاء فى حلقة قادمة تابعونا.