مساحة للرأى

اميمة ابراهيم: مشاهدينا الكرام السلام عليكم ورحمة الله وبركاته نحي حضراتكم وهذه الحلقة الجددية من مساحة للراي وهذه الحلقة خصصت للاحداث الاخيرة التي شهدناها في المقطم ومعانا الماتب الصحفي الاستاذ محمد امين .. استاذ محمد احنا هنبدا بعمود حضرتك وهو على فين .. على فين العنف ومن تسبب في هذا العنف
الكاتب الصحفي. محمد امين : المشهد اللي احنا فه مشهد مخيف ومشهد مرعب بيقول انه مفيش دولة وغياب الدولة بيقول ان الناس هتاخد حقها بايديها الكلام دا كان لازم يبقى فيه وقفة ويتقال انه فيه دولة وفيه رئيس وللاسف ان الاحداث دي بتقول انه لاعندنا حكومة ولا رئيس وعشان كده الشباب راح يتظاهر مكان مقر الارشاد في المقطم.. ثانيا انت اللي بتحكم وانت مش حاسس انك بتحكم واللي انا بقوله في هذا المقال ان الثورات ميادين ويبدو ان الثورة تنتقل من ميدان التحرير الان الى ميدان النافورة بالمقطم لان هناك انطباع ويقين ان مكتب الارشاد هو الذي يدير البلاد وهذه كارثة بكل المقاييس
اميمة ابراهيم: فيه دلالات لدا
الكاتب الصحفي. محمد امين : فيه دلالات يعني لما اقعد اقول ان الاولى بمناقشة احداث العنف مكتب الارشاد ولا مؤسسة الرئاسة والرئيس فين من هذه الاحداث
اميمة ابراهيم: فيه تويتة طلعت
الكاتب الصحفي. محمد امين : طلع تويتة الحمدلله انه طلع وظهر وبان انا بقول انه ماهكذا تكن في ادارة البلاد مؤسسة الرئاسة لابد ان تكون حاضرة في المشهد ليس بعده ولكن قبله لازم تكون قرارات تسبق هذا المشهد عشان تحبط اي محاولة ان البلد تنجرف بهذا الشكل حتى الاحزبا لااسلامية قالوا انهم عندهم مبادرة انه النائب العام خلاص لازم يكون بشانه قرار والحكومة خلاص.. اللي خلى الناس اتصرفت كده في بورسعيد غياب دولة القانون وفي المقطم غياب دولة القانون واللي خلى الناس اتصرفت في الشرقية والمحلة في اقامة حد الحرابة غياب دولة القانون..فيه حالة من الاستعلاء وانا بقولهم اطلعوا فوق الارض عنوان المقال لانه كفاية بقى عمل تحت الارض وتذكروا انكم جماعة الحكم..كان ينبغي على الرئيس ان يتصرف وان يرى المبادرات المطروحة
اميمة ابراهيم: انا عايزة حماية مصر
الكاتب الصحفي. محمد امين : عشان نحمي مصر لازم يحصل التوافق عشان انت شكلك وسمعتك الدولية تبقى كويسة لازم يحثل التوافق هنا بين الحكومة وبين المعارضة انهم يتلموا ويتحاوروا ولكن لاحوار قبل ان يكون هناك قرارات ومبادرات ومجموعة من البنود انها تعمل حد ادنى لهذا الاتفاق
اميمة ابراهيم: لورجعنا للاسبوع الماضي وهو بداية الجرافيتي امام مكتب الارشاد لكن كانت التعامل كان بخشونة وقيل انه فيه مظاهرة اخرى امام مكتي الرشاد وتم الحشد لمنع التعبير عن الراي ايه دلالة الناس توجهت الى الارشاد دلالة واضحة تاني حاجة ليه انا ماجبتش هذا الشباب وتحاورت معاه ليه انا عندي العنف
الكاتب الصحفي. محمد امين : للاسف الشديد هما معندهمش فكرة ادارة الدولة يعني انا المفروض اشوف فيه منطق في اللي بيقوله الشباب دا ولا لا .. الشباب خاسس بالظلم والشباب دول بتوع الثورة اصلا والمعارضين دول كانوا هما اللي واقفين معاك في الزمن القديم وبيطالبولك بالمعاملة الانسانية واذا بيك حاطط الجميع في كفة واحدة وشايف انك انت اللي بتحكم وشايف نفسك صاحب الامر والنهي ياسيدي نحن شركاء في الوطن
اميمة ابراهيم: ليه هما توجهوا للمقطم
الكاتب الصحفي. محمد امين : هما اهينوا هل يعقل انه يخطف باب من كل انحاء مصر ويعذبوا في اماكن للتعذيب وبعدين نفاجأ انى الناس موجودين في المشرحة هل يعقل هذا .. الناس قلقة وحلفاءك في امريكا قلقين من حالة العنف..
اميمة ابراهيم: هل معنى دا مابشرت به كونداليزا رايس منذ سنوات من الفوضى الخلاقة والشرق الاوسط الجديد هو مايحدث الان وهاخد الاجابة بعد هذا الفاصل
تقرير اهم ماجاء في الصحف
ماحدث في المقطم يراه خالد امام جريمة مكتملة الاركان في حق الوطن والشعب
نادية عزت تقول " لاعزاء على ضياع هيبة الدولة "
وجمال ابو بيه يقول ان المشكلة في غياب الرؤية والاستراتيجية او الخطة التي تربط الجمع بهدف واحد"
ويقول محمد خطاب " اهلا بكم في مصرستان"
طارق رمضان الحفيد الاكبر للشيخ حسن البنا يرى ان ما تشهده مصر ليس بثورة ولن يكون ربيعا"
محمد بركات يقول " الكل خاسر وقد نبكي جميعا هذا الوطن"
الدكتور مرو الشوبكي يقول " نا ميدان النفاورة مطاردات وحصار سري باختصار حرب شوارع"
د.عمرو حمزاوي" الاطراف المتورطة في العنف تدفع مصر نحو خطة اللاحكم وانهيار الدول
والدكتور محمود خليل" يرى ان الشباب الذي يدفع فاتورة الصراع على السلطة والكبار يقفون على حافة المذبحة في انتظار جمع الغنائم
ايناس نور ترى ان العنف سيد الموقف و مؤشر على العجز لا القدرة
فاصل
اميمة ابراهيم: استاذ محمد نحن على اعتاب حرب اهلية
الكاتب الصحفي. محمد امين : لا طبعا يارب مش هيحصل دا ابدا ابدا فيه وعي عند المواطن انه ماينفعش نقف قدام بعض وفيه دعوات جاهلية ودعوات طائشة بتقول دي ارقام رؤساء الاحزاب ورموز المعارضة دي ارقام الاعلاميين وبيوتهم يعني فيه تحريض على العنف وطبعا فيه مخططات امريكية قديمة وتقسيم للمنطقة العربية وتقسم كل دولة الى اكثر من اقليم ان شاء الله ستبقى مصر موحدة والمفروض نعمل كلنا على ان تبقى هذه الدولة موحدة ومستقلة ولها قرارها وذات سيادة
اميمة ابراهيم: يعني قدامنا العراق
الكاتب الصحفي. محمد امين : ربنا ميقدرهاش ابدا .. مصر دي حاجة كبيرة جدا وانا اطالب الدكتور مرسي وجماعة الارشاد انه يرجعوا تاني يقروا القران عشان يعرفوا مكانة مصر وطبعا مادام مفيش استقرار مش هيبقى فيه استثمار هل تنتظر ان ينزل الناس من جديد في الشوارع ام تنتظر نزول الجيش
اميمة ابراهيم: عايزة اعرف انه لاقدر الله نزول الجيش لانه انا بشكل شخصي لا اتمناه لانه لم يبق لنا سوى هذه المؤسسة
الكاتب الصحفي. محمد امين : نزولها لايضيرها هي نازلة تحمي الامن القومي يعني لو كان سقط مكتب الارشاد امبارح ولا اول امبارح كان ايه الحل ..؟ ساعتها مكنش هيبقى مفيش على نزول الجيش والجيش نزل في بورسعيد محصلش حاجة.. الرئاسة الان تدار من الباطن عن طريق مكتب الارشاد والرئيس مرسي لا يحكم عشان كده هناك ناس بتقول انه لابد من اجراء انتخابات رئاسية مبكرة هو دا الحل ودا لا يعني ان هناك انقلاب على الشرعية انما يعني ان هذه الية ديموقراطية تستخدم في الدول الديموقراطية
اميمة ابراهيم: لو كان التحرك اسرع حينما توجه شباب من ابنائنا ورسم الجرافيتي هل كان الاسرع والاحسن انه يبقى فيه حوار دون تطرف من العنف وهل نحن نحتمل ان تكون هناك عبء اقتصادي مرة اخرى على اجراء انتخابات رئاسية مبكرة
الكاتب الصحفي. محمد امين : انت كان اسهل ليك تعمل حوار انت ايه الاستكبار اللي عندك دا بس انا هقعد معاك على اساس ايه ..
اميمة ابراهيم: ماهم بيقولوا انه مفيش داعي للشروط وانه مفيش شروط مسبقة
الكاتب الصحفي. محمد امين : انا مش بشنرط عليك لنا بحط مبادئ للحوار ولما اجي دلوقت الناس زعلانة من بعضها يقولك اقعدوا ولو انت انتهيتوا لاي شئ انا موافق طيب ماقعدوا معاك..
اميمة ابراهيم: على فين
الكاتب الصحفي. محمد امين : انا عندي احساس ان 2013 يحسم مرحلة معينة في تاريخ مصر
اميمة ابراهيم: ان شاء الله استاذ محمد امين الكاتب الصحفي اشكر حصورك وتشريفك مشادينا الكرام نتوجه بالشكر للكاتب الصحفي محمد امين ونحن على وعد بلقاء جديد غدا وسلمت يامصر وسلم شعبك دائما والسلام عليكم ورحمة الله وبركاته