حسام عبد العزيز يكتب: لما الحكومة بتستحي..!!

كله تمام
لاعودت أشكي م الزحام
ولا أشتكي ذل الرغيف
زانق طبنجة في صرتي
وبأنزل الشارع بسيف
حتي الجيران متحصنين
بيبان حديد .. ومطب طين
لكن اللي خلاني حزين
أية فرق
بين البلطجي وبين الشريف
... عايش ...
***
لما الحكومة بتستحي
والأمن بيخاف م الفزع
يبقي ياسرقة اترحرحي
ويابلطجي سوق الدلع
وصبح مصيرك يا بلد زي القمار
قاعدين بنأكل بعضنا م الانتظار
لكن المرار
ولا فارقة للموجوع يجوع
ولا فارقة للمفجوع .. شبع
... عايش ...